Parkerte på stor p-plass på vestsida av Tøssåna ved Funningsland. Herfrå gjekk eg forbi gardane og så på T-stien mot Eidavatn. Vest for Kvivatnet forlot eg stien for å sjå nærare på Trollgarden som er ein minst 2 km lang steingard som går frå austsida av vatnet og buktar seg oppover til ca 900 moh. Denne steingarden er stort sett 5-10 m brei og opp til 5 m høg og består av steiner i alle slags størrelser. Denne er nok etterlatt etter ein midlertidig isframrykking rett etter siste istid.
Gjekk så over Nordre, Midtre og Søre Brendeknuten til Fjellsenden som antakelig har Rogalands største og finaste varde. Den blei bygd av tre hjelmelandskarer og ferdigstilt 9. august 1917. Postkasse med vardebok frå 2010 men den var dessverre gjennomblaut. Hadde ein dryg time pause her i kveldssola før eg gjekk ned snaut 100 hm vestover til ei lita tjørn og så nordover langs bekken og nordvestover til Frigardsheia og langs Steinabekken til Stakkstøl. Kom inn på ein stedvis utydelig sti langs sørsida av Holmavatnet, Vasstølvatnet og Liarstølvatnet og vestsida av Tøssåna ned til Funningsland.
User comments