Ørsta: Søre Sætretind (21.07.2017)
Written by Freeflex (Ragnar Liaskar)
| Map |
|
|---|
| Ascents | Søre Sætretind (1,358m) | 21.07.2017 |
|---|---|---|
| Visits of other PBEs | Standalhytta (396m) | 21.07.2017 |
Alt du har høyrt om lumske forhold med bregleppa mot berget, sleipt berg med vatn, støv, lausgrus og etterkvart svært sleip mose stemmer. Det som er fint er at alt du har høyrt om den fantastiske utsikta også stemmer :D
Eg tok dette som ein kveldstur med start frå Standalhytta og opp Kvanndalen. Hadde lenge tenkt på å utforske rennesystema her litt for å kanskje sleppe lumskheitene frå andre sida, men dengong ei. Eg kom opp i skaret som er lavaste punkt mellom Nøre og Søre. Etter ei kjapp kjekspause der (Ballerina-kjeks før luftig tindeklyving sjølvsagt), gjekk eg nedover breden og mot renna som fører til topps. Her var forholda sikkert ikkje så mykje verre eller betre enn ellers sjølv det har steikt godt eit par dagar og ein må vise stor varsemd enten ein sikrar eller ikkje. Klyvinga på fastare grunn var langt kjekkare og eg rakk solnedgangen frå toppen. Returen tok lang tid sidan ein ikkje kan sette ein fot feil når det er så glatt og sleipt, men det gode med all snøen som fyller dalen er at høgdemeterane nedover mot Fladalen går kjapt.
Eg ser gjerne utsikta igjen, men det spørs om ikkje eit nytt besøk blir gjort på vinterstid under stabile forhold.
User comments
4-metershammaren
Written by fjellfotografen 25.07.2017 13:55Korleis gjorde du det forbi 4-metershammaren?
Sv: 4-metershammaren
Written by Freeflex 25.07.2017 14:10Eg gjekk inn i sida mot Kvanndalen. Hyller som fører bort til egga som går nedover mot Standaleidet, derfrå var det veldig greit til topps.
Dvs eg gjekk inn i sida litt lenger nede enn 4-metershammaren. Det kunne gått over hammaren, men eg syns det var litt over grensa når der var ei god løysing inne i sida i staden.
Sv: Sv: 4-metershammaren
Written by fjellfotografen 25.07.2017 14:14Då må en kanskje ha sej en tur dit på sommaren også, he kun et par vinterbestigninga av dette flotte men lumske fjellet. Kanskje tid for litt ruteoppdatering i fottur boka til Standal og Co?
Sv: Sv: Sv: 4-metershammaren
Written by Freeflex 25.07.2017 14:24Både og.. Det er ikkje eit fjell eg ville likt å sende folk eg ikkje veit litt om cv'en til. Omgå 4-metershammaren bør gå store delar av sommaren og hausten, men partiet frå breen og og opp til egga/den vesle pinakkelen er jævlig stygt fordi om det ikkje er noko teknisk utfordring. Berget har "slipestøv" og fukt der det ikkje renn smeltevatn, det er smågrus på berga som hallar mot breen og der det er vegetert er det mykje sleip svartmose. Forholda har utrulig mykje å seie vil eg tru. Denne kvelden hadde det vore varmt og opphald i nokre dagar, men likevel var det ufint frå breen og opp.
...men igjen, når det gjeld 4-metershammaren sommarstid så er ikkje den naudsynt og passere.