Skydekket ødela dessverre, til tross for at det letta litt akkurat på toppen. Dette føltes som ein tur seint i oktober, kontra ein midtsommars. Vart betre på vegen ned, og stakk innom Rambjøra på vegen ned. Fekk med både rype og havørn, samt ein flott regnboge i Follestaddalen.
Oppstart ved Mossetra (heiter det ikkje Mosætra?). Hadde blitt fortalt at dette var beste ruta opp. Det stemmer nok, men akkurat i dag låg skydekket tyngre inne i dalen, så eg trur det hadde vore best å gått opp ryggen frå motsatt side
Møtte på ein flokk ørstingar på vegen opp :)
Etter å ha gått i skylaget frå rundt 500 høgdemeter så var det faktisk ein bonus å få litt sikt på toppen. Då letta det akkurat nok til at ein kunne skimte litt konturar i alle retningar. Inkl å skimte Ørsta sentrum
Hadde håpa å få sjå Kolåstinden i all si prakt, men måtte ta til takke med ein regnboge i retning Follestaddalen på vegen ned
Nede på flata så letna det litt til så vi fekk sjå korleis toppen fortona seg. Men då hadde vi allereie vore der oppe, så det føltes litt bortkasta.
Tok turen oppom Rambjøra også. Der letna det også litt, så ein kunne sjå konturane av min favoritt-topp i dette området: Vassdalstinden.
Og eit par minutt etter var det heilt klart, og ein skimtar Vassdalstinden i nesten all si prakt, med Mossetra og Vallasetra nede i dalbotnen.
User comments