Urdalsknuten (26.05.2017)

Written by kolla (Kolbjørn Tjessem) GSM

Start point Håhellervatnet (870m)
Endpoint Håhellervatnet (870m)
Characteristic Backcountry skiing
Duration 11h 00min
Map
Ascents Urdalsknuten (1,433m) 26.05.2017

Vegstubben opp til Rosskreppdammen var ikkje brøyta i år slik den pleier så parkerte derfor nede ved Håhellervatnet. Gjekk så opp på demningen for å vurdere forholda på fjorden. Det såg forsåvidt greit ut men frykta det var ein del overvatn og det fekk eg rett i. Nå var det så varmt i veret, kanskje nærare 20 grader, at det var til å leve med å verte blaut i føtene. Det var ennå såvidt synlige snøskuterspor nordover.
I nordenden hadde det åpna seg vest for Juvassåna der eg har pleid å gå i land før. Fant ein grei plass å gå i land innanfor Stushellerodden og måtte bere skia i strandsonen bort til Solhellerbekkjen. Denne bekken var flaumstor pga snøsmelting og brua var ikkje lagt ut. Måtte derfor halda meg på sør- og vestsida oppover før eg klarte å krysse bekken på snøbru ved Solhedlerskvæven. Snøbrua datt ned då eg gjekk over men det gjekk greit. Vidare nordover fant eg samanhengande skiføre via tjern 1090 opp til vestsida av Urdalsknuten. Tok av skia og gjekk dei siste 50 hm opp til fots.
Vel oppe tok eg ein drøy time pause i det fine sommarveret. Det hadde vore tre andre på toppen tidligare på dagen, og totalt 839 stk sidan 25. mars 2012. Litt disig i vest og nord men ellers klar sikt. Kartverkets referansepunkt "Fot firkantbolt" står plassert snaut 4 m nord for den store varden. Dette er agderfylkas einaste pf 500-topp. Kan dog vera i grenseland, med sadel mellom 920 og 940 m mellom Hyttevatn og Såvatn ca 10 km mot nordvest.
Returen la eg same veg som opp men fant ei anna snøbru å krysse over Solhedlerbekkjen. Brukte ca 2,5 t kvar veg over den 11 km lange fjorden som er litt lenger tid enn eg pleier pga tungt føre i år. Isen forsvinner som regel ei veke ut i juni, så det er bare nokre dager i året at Urdalsknuten er såpass lett tilgjengelig etter at Brokke - Suleskardvegen opnar 20. mai.

Frå Rosskreppdammen mot Urdalsknuten i det fjerne i nord.
Frå Rosskreppdammen mot Urdalsknuten i det fjerne i nord.
Gjekk i land mellom Solhedlerbekkjen og Stushellerodden litt bak t.h.
Gjekk i land mellom Solhedlerbekkjen og Stushellerodden litt bak t.h.
Den flaumstore solhedlerbekkjen. Gjekk langs sørsida t.v.
Den flaumstore solhedlerbekkjen. Gjekk langs sørsida t.v.
Snøbru som kollapsa då eg gjekk over.
Snøbru som kollapsa då eg gjekk over.
Forseggjort varde og bokboks plassert på ein røyr lenger bak t.v.
Forseggjort varde og bokboks plassert på ein røyr lenger bak t.v.
Mitt 7. besøk på denne toppen.
Mitt 7. besøk på denne toppen.
Utsikt sørover fjorden.
Utsikt sørover fjorden.
Utsikt nord og nordaust over Rjuven.
Utsikt nord og nordaust over Rjuven.
Kryssa denne snøbrua over Solhedlerbekkjen på veg ned.
Kryssa denne snøbrua over Solhedlerbekkjen på veg ned.
Gjetarhytte nær utløpet til Solhedlerbekkjen.
Gjetarhytte nær utløpet til Solhedlerbekkjen.
Ut på fjorden igjen der eg gjekk i land nokre timer tidligare.
Ut på fjorden igjen der eg gjekk i land nokre timer tidligare.
Blaut fornøyelse å gå over fjorden. Ser mot dammen i det fjerne.
Blaut fornøyelse å gå over fjorden. Ser mot dammen i det fjerne.

User comments

Comment title:
Characters left: 1000
Comment text:
You need to be logged in to write comments.