Slogen - rundtur (21.07.2016)

Ein vannvittig varm dag i juli, gikk vi med friskt mot frå Skylstad, nokre km aust om Øye. Opp bratt sti langs Brekkeelva. Det var bratt og det var utruleg varmt. Godt vi kunne fylle vassflaskene i grøver knytt til elva. Etter knapt to timar kom vi fram til Pachellhytta, og kunne kvile litt samt få i oss nokre brødskiver.

Så var det å sikte på toppen, og etter vel 2 timar var vi på toppen av det vesle platået på nokre få kvadratmeter. Siste 50 høgdemeter var klyving og litt spennande å finne den beste ruta. Returen gikk greitt, og vi returnerte ein annan veg. Frå eit skar på omlag 1200 meter, gikk vi rett ned ein fjellrygg på grei sti. Kom ned til vegen ein km aust om Øye, og ca. 35 m.o.h. Det vart slik sett godt med høgdemeter både opp og ned denne dagen. Til sist ein god km å jogge opp å hente bubilen på Skylstad. Ein fantastisk dag, og ganske trøytte.

© Einar Moen