I Ørsdalen tok eg til høyre over brua mot Vassbø og etter en km svingte eg til venstre inn på en grusveg og etter ca 400 m kom eg til Ørsdalen kraftverk. Ingen anlagt parkeringsplass her men det går an å parkere ved trafokiosk eller infoskilt. Ved infoskiltet gjekk eg over en gjerdeklyver og fulgte en delvis gjengrodd anleggsveg oppover langs austsida av elva. Dette er også en merket sti over til Eigelandsdalen men etter en snau km tar denne stien av til høyre. Her fulgte eg anlegssvegen på høyre side av høgspenttraseen langs Hellersbekken. På ca 500 moh (en halv km nordvest for Juvvatnet) krysser "vegen" under høgspentlinja. Her gjekk eg av veien bratt opp i lia på venstre side gjennom jungel av bjørk, einar og lyng mellom bratte skrenter. Det er fleire mulige traseer det er mulig å gå her, men dette er den mest krevande delen av turen. Oppe på ryggen ved høyde 678 er det lettgått terreng igjen. Ned igjen på andre sida mellom nokre tjødner, opp til vestenden av tjern 586 og nokså bratt rett opp i lia nord for tjødna. Vel oppe på ryggen her gjekk eg austover til eg var på toppen av Mjåvassknuten. Ifølge skrøyteboka på varden er det mange som har gått frå Mydland, bl.a på skiturer vinterstid. Nokon hadde visst og gått på 1,5 t opp på en gammal sti nede frå Ørsdalen gruver. Vil tru denne stien går i skaret aust for Gudlen, men det var vanskelig å sjå. Her oppe er det også et par gruver som er verdt et besøk. Man må rekne med å bruke 2,5 t opp og 1,5 t ned frå toppen. Dette var en fin og varm dag og eg var oppom fleire andre småtopper i området og inkl. pause og gruvebesøk så blei det en 8 t tur for meg.
User comments