Storivilen hadde eg eigentlig tenkt ifrå Lom, men hadde også tenkt litt på Storhøi 1780 moh som såg ut til å være ein fin topp. Eg visste at Lars Sulheim har nytta Storhøi som sitt treningsfjell via Stein og at det var ein fin men bratt sti frå garden opp mot ryggen til Storhøi. Eg starta frå nabogarden med fin sti oppom Leiksæter, snakka med bonden der som skulle ha helikopter opp i området for å kike etter storfe og lova gje beskjed om eg såg dyr på min rundtur. Synest det var vel voldsomt med helikopter...men er då vant med litt mindre beite områder. Nydelige haustfargar var det oppover lia ved Sulegjelet, nysnøen låg heldigvis berre på toppen av Storivilen. Eg fortsatte vidare ryggen ut mot Lendefjellet 1973 moh og skråa ned mot dalføret via nordre Bord og rett opp mot Storhøi. Tida går fort og det er tidlegare mørkt no, så eg tok berre ein rask matstopp med nydelig fersk morgen bakst frå Lom bakeri. Håpte på å finne stien til Lars frå ryggen på Storhøi, eg visste det var litt ulendt terreng der ved Sulegjelet sjølv om det ser ut som ein fin rygg på kotane i kartet. Snart tid for skumring og mykje sauetrakk rundt omkring med småstiar som av ein eller anna grunn stoppar brått opp. Det var super flaks at eg traff rett på stien til Lars og var strålande fornøgd med det, for det var rimeleg bratt ned og stien sparte meg for mykje av både det eine og det andre nedover....Ein hærleg fin rundtur med flotte haustfargar, fjellheimen og stilla hadde eg for meg sjølv :)
User comments