Trugetur og fine toppar i Sogndal (06.12.2014)

Hadde tenkt kyst toppar til helga, men meldt sterk vind så eg droppa det. Såg på yr at det skulle halde seg fint med roleg ver i Sogndal, og ikkje så langt å køyre heller. Brit Siv er alltid tur klar, berre ein passer på å legge inn innvitasjonen i god tid før :) (stort sett på tur når ho ikkje er på jobb) Presenterte turplanane og toppane eg hadde tenkt, tilbakemeldinga var positiv :) Vi køyrde frå Eikås kl 08.00 med tanke på å starte turen med morgenlyset ved Mannsverk og dagens første tur til Skriki 1232 m. Her var det greit å følge turmerkinga, over ei bru ved elva, forbi støylane, opp under og rundt Vesle Skriki, vidare langs ryggen til Veten 1232 m (Skriki) På toppen låg det eit lite slør med skodde, så me fekk ikkje heilt den store utsikta. Dårleg skiføre, så me valgte truger for turen. Hadde med eit par ekstra til Brit Siv, som fekk testa det for første gang :) Måtte le litt av truge stilen til Brit Siv til å begynne med, men den som ler sist ler best ;) Ho innhenta seg jammen fort...såg etterkvart ut som om ho aldri hadde gjort noko anna :)

Brit Siv mot topppunktet av Skriki (Veten) Var innom begge merkesteinane.Skriki 1232 moh - Starthøgde ved Mannsverk 350 moh - Totalstigning 934 m - 8,2 km

Sidan vegen frå Fardal og opp Øvstedalen har vore stengt, køyrde eg den nye anleggsvegen frå Lereim. Ps betre enn E-39 gjennom Jølster ;)

På retur var Slakkafjellet 855 moh ein fin topp å plukke med.
Starta frå det nye Kraftanlegget 723 moh - 2,6 km - Totalstigning 155 m

Siste topp for dagens turplan Stedjeåsen 634 moh
Starthøgde ved Stedje Kyrkje 30 moh - 6,4 km- Totalstigning 630 m
Rota litt rundt etter vi var innom turkassen for å finne topp punktet, var nesten oppom Utsikten og ned att før vi var på rett veg. Tett snødrev, mørkt og ikkje alltid at Gps slår inn. Men fant fram og fin sporsnø tilbake.

Turfølge Brit Siv Fimland