Bestemde meg for å prøve ein skikkeleg rundtur med heile 7 hundringsar denne dagen. Toppane ligg på rekke og rad men ein del høgdemeter blir det. Parkerte i Indre Breivika der det er skilta mot Breiviksetra. Lett å finne fram, god sti oppover sida til setra. Herifrå peila eg meg inn mot Snortungen. Gav blaffen i alle slike småtoppar denne dagen (feks vestre Snortungen 1193). Veret var glimrande oppover mot skoggrensa men på toppane var det samme helsikes vind som alle dagar denne veka. Rett nok litt svakare denne dagen, men det trua i tillegg med litt nedbør. Frå Snortungen vidare over Galtåtind-Loftskarstinden-Måsvasstinden-Litle Blåtind og Såta. No var eg litt i tvil om dei 2 neste, mest med tanke på veret. Gav likavel gass og gjekk rett ned nordover til Såtskaret, opp til Nebba, ned til masta i skaret, sør for Knollan (viste ikkje den var registrert her eingong) og opp til Gravfjellet. Vidare austover til utosen av Såtskarvatnet og fulgte god sti heilt tilbake til Indre Breivika. På Breiviksetra møtte eg bestemor og ein gut som var på trimtur og skreiv seg i boka der. Ho klaga på svettebyene, men det skulle vist være teikn på god kondis hadde ho høyrt. Nedover lia kom regndropane og framme ved bilen var det nesten småsurt. Nok ein kjemperunde i boks! 24 km er målt med verktøyet på kartet her. Inspirert av Gal Krokfot vart det Trondhjems lys lapskaus til middag.
Skal sei du tek for deg av toppane her i Rauma om dagen! Du fekk deg ein bra runde i dag, men synd veret var litt kjipt. Og no har det kome nysnø i fjella...
Dryg runde ja, 2750 hm lest ut frå kartet. Men no er turneen over. Vakna i Isfjorden i dag til grått og regndropar, fritt for motivasjon. Skal ligge horisontalt i kveld med øl og Nytt på Nytt.
User comments
Middag
Written by Garm 11.10.2014 01:47No er det no Spetti a'la Capri som er min spesialitet.
Kan nytast steikt, omnsbakt, kokt, flambert, grilla, porsjert eller tartar. :)
Bra runde!
Written by JPV100 09.10.2014 20:27Skal sei du tek for deg av toppane her i Rauma om dagen! Du fekk deg ein bra runde i dag, men synd veret var litt kjipt. Og no har det kome nysnø i fjella...
Sv: Bra runde!
Written by boven 10.10.2014 16:10Dryg runde ja, 2750 hm lest ut frå kartet. Men no er turneen over. Vakna i Isfjorden i dag til grått og regndropar, fritt for motivasjon. Skal ligge horisontalt i kveld med øl og Nytt på Nytt.