Archive - Date
Archive - Activity
-
Ski trip (50)
- Cross-country skiing (15)
- Randonnée/Telemark (27)
- Trip by foot (152)
Favourite trips
Favourite peaks
Hornet/Hovenmannen
- Date:
- 08.07.2018
- Characteristic:
- Trip by foot
Turen som tidlegare blei lagt til Kalknebba var meint å skulle kombinerast med bestigning av Hornet frå Rysskaret, men glatt ur og meir snø enn venta satt ein stoppar for det den gongen. Derfor passa det no godt med eit nytt forsøk i selskap med andre. Langs T-merka sti inn til Dalasetra. Kryssa Serkja over ei lita bru, og gjekk stien opp til Serkjedalen langs nordsia av fossen. Tok tidleg av nordover og fulgte ryggen opp til Hornet/Hovenmannen. Ned att mot Serkjedalsvatnet for påfyll av vatn frå Serkja sitt utspring. Fulgte dalen ned att til fossen, og vidare ned til setrene. Siste delen av returen bar preg av eit følgje på fire med tunge bein, og praten gjekk laust om kva måltid som skulle nytast til kvelds.
Storsalen og Somrungnebber
- Date:
- 04.07.2018
- Characteristic:
- Trip by foot
Runde rundt om Somrungnebbene og Storsalen. Start frå Fale bru og oppover lia i morgontåke. Vel oppe flatt i retning mot Tverrådalen, og forbi dei to hyttene som ligg her. Eigaren av den eine møtte eg vel nede igjen ved Fale bru. Han kunne rapportere om dårleg fiskelykke i Driva denne dagen. Går inn til vatnet 1061, og går av stien østover opp mot ryggen av Litlsomrungnebba sørvest. På tur oppover byrja tåka å lette, og Sunndalen åpenbara seg i det ein vakker sommardag tek til. Lettgått ur opp mot toppen. Frå toppvarden går eg litt tilbake før eg rundar ned på vestsida og inn på ryggen mellom Litlsomrungnebba sørvest og hovedtoppen. Litt klyving for å kome seg ned, og noko sleip mose, men ikkje av sorten som byr på store vanskar. Fint opp mot Litlsomrungnebbas hovudtopp. >>>
Kringlehøa
- Date:
- 06.06.2018
- Characteristic:
- Trip by foot
Dagens duo hadde opprinneleg planlagd å forsøke seg på Hesten frå Grasdalen, men nysnø frå natta i førevegen satt ein effektiv stoppar for turen som er utfordrande nok sjølv på tørre forhold. Alternativet blei Renndølskamman og Kringlehøa, ein tur som skulle vise seg å overgå forventningane til begge i turfølgjet.
Etter å ha passert Renndølsetra kryssa vi brua over Renndøla og tok fatt på stien opp til Renndalen. God sti heile vegen etter kvart som det flata ut innover dalføret. Eit stykke før Renndalsvatnet tok vi av stien og gjekk nokså rett opp lia til ryggen av Renndølskamman. Vidare ned og oppatt på Kringlehøa. Returen gjekk ned til lavaste punkt mellom Renndølskamman og Kringlehøa, og derifrå ned til Langvatnet, for så å følgje strandkanten til vi traff på >>>
Børsetkjerringa og Viromkjerringa
- Date:
- 02.06.2018
- Characteristic:
- Trip by foot
Opp til postkassa på Børsetkjerringa frå Børsetlauvet, og over til det høgste punktet. Ned mot Litlråkvatnet og opp på Viromkjerringa. Ned att mot Kjerringvatnet og via raudmerka sti tilbake til Børsetlauvet. Totalt sju i følget, ein av dei avbilda nedanfor, med både dronning, hest og troll i bakgrunnen.
Stortuva
- Date:
- 19.05.2018
- Characteristic:
- Trip by foot
Start frå hyttefeltet ved Steinsvoll og langs vegen opp til Kroken. Derifrå opp til Halsakammen og vidare via Vardhaugen bratt opp på ryggen til Stortuva. Flott dag og overaskande tørt underlag. Totalt fem i følgjet, med tre av dei avbilda under midt i ein kort rast ved Vardhaugen.
