Arkiv - datum

Arkiv - aktivitet

Peakbook-vänner

Än så länge har jag inga Peakbook-vänner.

Listor jag samlar på

Visa alla listor jag samlar på

Stølstur til Nærøyfjorden

Datum:
30.04.2016
Turtyp:
Fjällskidtur

Med ei laber vermelding for høgfjellet i Jotunheimen satsa me på stølstur til selet vårt på Kinnarbakken ved Nærøyfjorden, innlemma i UNESCO si verdsarvliste. Her har eg vore budeiejente heile oppveksten og det er den staden som ligg mitt hjarte nærast. Det største problemet med lokasjonen er skredfaren. Det går årleg stor-skred mellom Brekkenipa og Larsfonnberget med utløpssone som går tvers over heile dalsøkket og Brekkeelva. Eg hadde begge ungane med; minstemann i pulk, Eva på 5 måtte sjølv gå på ski dei 7 km frå Stalheim. Veret vart eventyrleg og føret hardt og godt. Store skavlar på vegen ut men hard og vindpakka snø var det berre å gje seg i veg.

Karta    

Topptur til Grovabreen i Jølster

Datum:
16.04.2016
Turtyp:
Randonnée/Telemark

Jølster skjuler fantastiske toppturar og dette er definitivt ei av perlene. Vi køyrde tidleg laurdags morgon til Dvergsdalsdalen og tok raskt skia på. Ganske bratt opp frå Dvergsdalsstølen rett opp mot Fagredalen (og ikkje Støylsnova pga lite snø på flanken). Rundar vatnet ved ca 1260 og skrår rett opp Fagredalen men ver var på skredfaren her. Så er det seigt opp mot toppunktet 1585 moh der dei fleste snur og renner ned att. Ei mektig flott utsikt i alle retningar mot Josten og fjella rundt. Ein kan fortsetja mot sjølve toppunktet 1633 moh men i grunn lita meining då det er paddeflatt. Nedkøyringa var episk. Det vert definititvt fleire toppturar i dette området.

Karta    

Tverrådalskyrkja, Søre & Steinkollen

Datum:
12.03.2016
Turtyp:
Randonnée/Telemark
Tidsåtgång:
8:00t

Ankom Sota Sæter torsdag ettermiddag og fekk lasta opp pulk. Hasta litt med å kome avgarde i det dagslyset som var att. Tungt opp bjørkeskogen men fann greitt hytta i mørket med Sottjønn. Kaldt og fint så det vart Tundradalskyrkja (1970 moh) opp langs nordflanken, svært fin skitiopp, ved gunstige forhold. Vi hadde svært hard og vindpakka snø og sette att skia rett under toppen og brukte isøks siste rest. Laurdag var det svært mykje vind men strålande sol. La i veg mot Fortundalsbreen, fint utsyn ved Heksegryta mot Ringstind og Store Austanbotntind. Sjølve brekryssinga gjekk greit. Rett opp i skaret mellom Steinkollen og Søre men det var svært sterk motvind. Ved nedrenninga frå Steinkollen kom vi over ein bresprekk - mest sannsynleg overgang fjell til bre. Vidare med randoskia >>>

Karta    

Tundradalskyrkja

Datum:
11.03.2016
Turtyp:
Randonnée/Telemark

Vi ankom relatvit seint på Sota Sæter torsdag ettermiddag. Pakka pulk og ryggsekkar for langhelg på Sottjønnbu. Klarte å dra denn pulk-jævelen opp dei fleste høgdemetra før mørket kom. Nydeleg stjerneklart vær. Kan på det varmaste anbefala Sottjønnbu som ligg svært idyllisk til i Breheimen. Fredag vart det ettermiddagstur til Tundradalskyrkja langs nordsida. Fine snølinjer på nordsida. Skia vart å heilt til like under toppen på relativt hard og vindpakka snøflanke. Tok fram isøksa og karra oss siste stykket til topps men flott utsyn til Jotunheimen. Rake vegen ned fjellsida og mot bua vår.

Karta    

Mykkeltveitveten - strålande sol & pudder

Datum:
28.02.2016
Turtyp:
Randonnée/Telemark

Strålande søndag på Voss og starta turen kl 1230 frå Hagen på Bulken. På randoneski oppover ryggen i ca 2 timar til topps med noko hardt skareføre. På toppen bestemte vi oss for å prøve nedrenninga via Olsokubotn og Vassgjeli ("Bollen") sjølv med noko skredutsett terreng enkelte stadar. Her fekk vi belønninga med ein eventyrleg pudderfest.

Karta