Søndagstur i Isfjordsfjella (27.10.2013)

Eg starta ved skytebana i Isfjorden og jogga rolig oppover mot Loftskardsætra. Dette er ei merka DNT-rute til Måsvassbu via Loftskaret, so her er det lett å finne fram. Då eg kom til sætra såg eg at det var lite kratt oppover, og bestemte meg for å gå forlate stien og gå rett mot Galtåtind. Oppe på toppen blåste det litt, men temperaturen var veldig fin for årstida. Egga vidare mot Loftskartind var fin og totalt uproblematisk. Vidare gjekk turen ned til Knollskaret og rett opp mot Måsvasstind, som vart høgste punktet på turen. Etter eit par ned- og oppturer til stod eg til slutt på dagens siste topp, Såta. Dette var den spissaste, men også denne var heilt uproblematisk å kome seg på. Kortaste veg tilbake til sivilisasjonen var no via Breidvikvatnet- og sætra, og terrenget dit var lettgått. Nede i Breivika kom min snille samboar og henta meg, og etterpå smakte det veldig godt med lammesteik!