Dagens vêrmelding var dårleg, og det var grått på morgonen. Valet fall difor på to låge toppar, som vi eigentleg hadde tenkt til å ta på to forskjellige turar med køyring i mellom. Vi parkerte nedanfor Voktor i Kvæfjord, og gjekk oppover på god grusveg til vi tok av å gjekk på råk over Rossåsen til Toskevassfjellet. I Ramnskaret mista vi råket. Flott utsikt på toppen. Vi vurderte å gå same veg attende, men gjekk heller rett ned til bilvegen ved Toskevatnet. Veldig greitt terreng å gå ned i. Derifrå følgde vi fyst bilveg, så traktorveg og til slutt råk til Teppan. Derifrå var råket til Vikelandsfjellet vanskeleg å følgje, men veldig greitt terreng å gå i der og. Frå Vikelandsfjellet tok vi snarvegen rett ned til Voktor, dei fyste 40 høgdemetrane var litt keisame, men etter det vart det lett og fin lauvskog. Vêret betra seg og mykje i løpet av dagen, så det vart ein ganske fin tur.
Kommentarer