Arkiv - dato
Arkiv - aktivitet
- Fottur (152)
-
Skitur (50)
- Langrennstur (15)
- Randonnée/Telemark (27)
Favoritturer
Favorittopper
Blåfjellet
- Dato:
- 13.02.2021
- Turtype:
- Randonnée/Telemark
- Distanse:
- 5,1km
Fin dag for første vintermøte med Blåfjellet i Settemsdalen. Ikkje all verda til skiføre i det øverste partiet, men litt nede i lia skifta snøen karakter, og det blei fornøyelege forhold. Ein strafferunde oppover for å få ut enda litt meir køyreglede før det var dags for å renne heile vegen ned att til bilen.
Tindfjellet
- Dato:
- 06.02.2021
- Turtype:
- Randonnée/Telemark
- Distanse:
- 18,2km
Ein vakker laurdag kor alle forhold låg til rette for ein førsteklasses randotur, men det skulle vise seg at det ikkje kun blei sålen på skia som fekk førstehands erfaring med "skjær i sjøen". Denne februardagen var valgt ut som arena for bestigning av Tindfjellet, og med blå himmel, sol og beskjeden vind var det kun positivitet og lystighet å spore i doningen vi no ratta oppover bygda i retning Folldalen. At bomautomaten midlertidig var ute av drift var ikkje nok til å stogge stemninga!
Første hinder byrjar å ta form i det vi kjem til parkeringsplassen kor mange startar turen opp til Ura. Herifrå er det framleis nokre kilometer inn til Gråhaugen kor turen ideelt sett skulle starte, men lenger var det ikkje no råd å få bilen. Jaja, ein 3-4 kilometer ekstra på flatmark >>>
Løålikjølen
- Dato:
- 16.01.2021
- Turtype:
- Langrennstur
- Turlengde:
- 0:54t
- Distanse:
- 10,5km
Laurdagens godver blei benytta med ein fin tur til Løålikjølen. Framleis litt lite snø, men fint føre.
Løålikjølen
- Dato:
- 13.01.2021
- Turtype:
- Langrennstur
- Distanse:
- 10,5km
Årets første trimtur med ski på beina gjekk opp til Løålikjølen saman med eit sprekt følgje. Framleis noko småkvist og lyng som stikk seg opp i skisporet, men snømengden byrjar å ta seg opp, og alt i alt var det fint føre. Enda finare var verforholda, og med ein stjerneklar himmel og ei januarsol som ikkje var heilt ferdig med å drive lysshow i den vestlege horisonten, blei det eit augeblikks andakt på toppen før ein fekk testa glisona på veg ned.
Sommerskitur til Dronningkrona
- Dato:
- 20.06.2020
- Turtype:
- Randonnée/Telemark
Då det blei handla randoneeutstyr i mai og returen til Nordmøre var planlagt til slutten av juni var ikkje tanken at plankane skulle til dyst denne "vinteren", men slik blei det da altså likevel. Mens mai hadde gjeve sol og snøsmelting austafjells hadde det på vestlandet lagt seg snø så langt ned som i dalføra, og eit godt påfyll hadde det nødvendigvis blitt i fjellheimen også. Sjølv ei steikande varm juni hadde ikkje klart å ta knekken på all snøen innen den 20., og dermed blei det kombinert shorts og skisko opp lia frå Dalsbøen ein solfylt laurdag i juni, med Dronningkrona som mål. Undertegnede skulle teste utstyr og oppakning for første gong, og fekk erfare at greiner og anna vegetasjon er lettare å unngå utan ski på ryggen. Slikt småplokk var derimot langt >>>
