Arkiv - dato
Arkiv - aktivitet
-
Annen tur (2)
- Ekspedisjon (2)
- Fottur (477)
-
Kjøretur (1)
- Biltur (1)
-
Skitur (258)
- Fjellskitur (73)
- Langrennstur (176)
Lister jeg samler etter
-
Ringebu ≥ 50 m p.f.
(81/82)
98% -
Ringebu ≥ 100m pf.
(33/34)
97%
-
Gausdal ≥ 50m pf.
(59/62)
95%
-
Gausdal ≥ 100m pf.
(24/26)
92%
-
Folldal ≥ 100m pf.
(43/48)
89%
Storehøgahaugen
- Dato:
- 10.08.2025
- Turtype:
- Fjelltur
- Distanse:
- 2,8km
Dagens fjerde og siste topp var også den lengste turen, blant elles korte toppturar. Det var ingen sti her, men generelt forholdsvis lettgått terreng i open skog. Litt utsikt langs turen og frå toppen.
Garavikhøgde
- Dato:
- 10.08.2025
- Turtype:
- Fjelltur
- Distanse:
- 1,6km
Dagens topp nr. 3. Her var det meininga å gå raskaste vegen opp til trigonometrisk punkt, men eg fann ut at eg ikkje var på høgaste punkt (sjølv om det var her utsikta var finast). Så då knalla eg bort til høgste punkt. Raskaste turen opp og ned Garavikhøgde går i stor grad på sti (Gamle Skonnordvegen), bortsett frå siste brattbakken opp.
Byfellifjellet
- Dato:
- 10.08.2025
- Turtype:
- Fjelltur
- Distanse:
- 2,2km
Byfellifjellet var dagens andre topp, og kunne by på tilnærma like bra utsikt som Dalavarden. Turen gjekk langs veg, og så skråna eg opp gjennom lia der det ikkje var sti. Fann ein sti på platået oppe. Ned igjen fann eg ein sti som gjekk heilt ned, denne kan anbefalast for andre som skal gå her.
Dalavardin
- Dato:
- 10.08.2025
- Turtype:
- Fjelltur
- Distanse:
- 1,0km
Dagens første topp var Dalavardin. Her gjorde eg det enkelt, og køyrde opp til næraste startpunkt. Kort tur, ingen sti før eg nærma eg toppen. Veldig flott utsikt i alle retningar.
Nordre Romsæterberget og Grasberget
- Dato:
- 08.06.2025
- Turtype:
- Fottur
- Distanse:
- 4,2km
Dagens topputflukt vart avslutta med desse to toppane. Her var det merka sti heile vegen. Stadvis våt, noko som gjerne hadde samanheng med at det hadde regna nokså heftig siste dagane. Fredag og laurdag kom det faktisk 55 mm tilsaman!
Oppdaga i etterkant at eg kunne jo tatt ein annan og kortare sti tilbake frå Grasberget. Men då fekk eg litt meir trim :)
Finnhøgda
- Dato:
- 08.06.2025
- Turtype:
- Fottur
- Distanse:
- 2,1km
Tur til Finnhøgda. Turen gjekk langs sti, som hadde trengt litt "kjærlighet". Den var brukbar til å begynne, men vart gradvis meir eller mindre borte.
Turen gjekk i til dels tett skog. Forholdsvis ope på toppen. Begge bilda under er frå toppen.
Brennhaugen
- Dato:
- 08.06.2025
- Turtype:
- Fottur
- Distanse:
- 0,8km
Dagens første topp. Forholdsvis kort veg frå der eg parkerte, men bratt og vått terreng utan sti, med til dels tett granskog, gjorde turen opp krevjande. På toppen var det meir ope. Dette er nok ingen godt besøkt topp, men det var nokon (på Peakbook?) som hadde tatt seg bryet med å lage ein liten varde her.
Bilda under er frå toppen.
Korpberget
- Dato:
- 04.05.2025
- Turtype:
- Fottur
- Distanse:
- 2,3km
Dagens fjerde og siste topp var Korpberget. Denne bar også preg av at få gjekk på tur hit. Med tanke på at dette kanskje var turen med det mest varierte og spennande terrenget, er det litt rart at ikkje denne blir oppsøkt meir, særleg med tanke på at det er skilta tur langs skogsvegen eg starta langs. På vegen ned vart det til dels litt klyving, og ein vestlending som har gått mange toppturar i Bergen og omegn, følte seg plutseleg endå meir heime :)
Finnberget
- Dato:
- 04.05.2025
- Turtype:
- Fottur
- Distanse:
- 1,3km
Finnberget var dagens tredje topp, som var blant fleire i Stange med tydelegvis lite besøk. Turen gjekk gjennom blanding av tett skog, hogstfelt m.m. Sjølve området på toppen var utan utsikt, men elles ganske fin furuskog. Området hadde fortent meir besøk.
Det blåste, og det knaka godt i vindskeive tre på veg ned, så det var enkelte parti som var greitt å gå fort forbi.
Topphøgda
- Dato:
- 04.05.2025
- Turtype:
- Fottur
- Distanse:
- 3,7km
Turen starta frå fylkesvegen og gjekk sørover langs veg, der det stod strenge skilt om at stolpejegerar ikkje kan køyre inn. No var eg i dag strengt tatt ikkje stolpejeger, men toppsamling går kanskje litt for det same, så eg tok oppmodinga om å gå herifrå.
Eg knalla opp gjennom til dels gjengrodd traktorveg opp mot toppunktet frå nord. Ned att gjekk eg langs ein meir definert sti før eg kom ned til vegen igjen.
Av dagens fire toppar i Stange var dette einaste som bar preg av å få litt besøk av og til.
