Første topp i Hamar

Dato:

18.11.2018

Turtype:

Fjelltur

Turlengde:

1:06t

Distanse:

3,6km

© Marius Meland Eg hadde ikkje store planar om å starte toppsamling i Hamar. Men etter å ha vore på siste topp i Ringsaker, var det jo like greitt å utnytte muligheter i nærområdet. Starta frå Stenfjellhytta og gjekk på god sti mot aust. Litt våt nokre stader, men det var no lagt godt ut med plank. Fine og opne myrflater. Flott utsikt mot skoddehavet i sør frå Steinfjellhytta. Som ein ser, er det lite snø i forhold til normalen i fjellet her.

Atter ein gong full pott i Ringsaker

Dato:

18.11.2018

Turtype:

Fottur

Turlengde:

0:42t

Distanse:

2,3km

© Marius Meland Etter at Høgsvehaugen kom opp som ein > 50 m PF-topp, måtte eg jo tilbake igjen, så eg fekk full pott i Ringsaker-lista, som no er kome opp i 40 toppar. Fin veg og sti oppover gjennom skogen. Hogstfelt er kanskje ikkje så fint, men du verden kor bra utsikt det blir.

Frøbergsberget

Dato:

18.11.2018

Turtype:

Fottur

Turlengde:

0:24t

Distanse:

1,1km

© Marius Meland Etter å ha vore på Høgsvehaugen og Kollmyrkampen i strålande sol før på dagen, var det på tide å jekke seg ned litt og dukke ned i skoddehavet. Det vart ein kort og effektiv tur på god sti. Mange hamringar ute på joggetur i dag.

I mørket i Søre Ål-marka - del av tur 1 og 2

Dato:

14.11.2018

Turtype:

Fottur

Turlengde:

1:22t

Distanse:

4,9km

Del av tur 1 frå turbok med 70 turar

Dato:

04.11.2018

Turtype:

Fottur

Turlengde:

0:58t

Distanse:

4,5km

Høglikollen

Dato:

27.10.2018

Turtype:

Fjelltur

Turlengde:

1:12t

Distanse:

4,1km

© Marius Meland Dagens første turmål var Høglikollen. Turen gjekk langs sti / skiløype, rett før eg svingte av mot toppen. GPS var viktig å bruke for å finne toppunktet, ikkje pga sikt, det var skoglaust på toppen, men fordi toppen var så flat! Men utsikta var bra. Det var eit sjakkbrett å gå her i dag med frost og tørre forhold, då det elles nok er nokså vått å gå her. Fin og til dels urørt natur av bjørk, gran, myr m.m. i Hynna naturreservat. Tørt snødryss i terrenget.

Hornsjøkampen

Dato:

27.10.2018

Turtype:

Fjelltur

Turlengde:

2:02t

Distanse:

6,0km

© Marius Meland Etter å ha vore på Høglikollen, var Hornsjøkampen neste mål. Turen starta ved demningen i sørenden av Hornsjøen, og gjekk på brukbar sti langs vatnet og litt oppover. Her var det myrlendt, og sti var berre delvis tydeleg opp mot toppen, før den vart tydelegare mot toppen. Flott terreng, som er til dels urørt, med høge grantre, bjørker og mange myrer. Så lenge det er så kaldt og tørt som no, er det berre ein fornøyelse å gå over myrene. Brukbar utsikt frå toppen, iallfall mot aust. Supert å samle på slike toppar som dette, då det gir meg muligheten til å gå på fine plassar eg elles ikkje hadde tenkt å gå på.

Del av tur 2 frå turbok med 70 turar

Dato:

24.10.2018

Turtype:

Fottur

Turlengde:

1:08t

Distanse:

4,8km

Tur 3 frå turbok Lillehammer m.m.: rundtur i Roterudbygda

Dato:

21.10.2018

Turtype:

Fottur

Turlengde:

1:44t

Distanse:

6,5km

© Marius Meland Då prøvde eg meg på ein rundtur i frå denne boka. Det vart ein naturleg avstikkar opp til Sollihøgda også. Rart at det ikkje går sti opp til toppen her, når stien passerer ca 100 m avstand frå toppunktet. Men utsikten er noko begrensa, slik at det er kanskje ikkje alle som tenkjer at dette er eit naturleg toppunkt. Med meir tilrettelegging og skånsom hogst/uttynning på toppen kan dette bli eit ålreit toppunkt. Elles var det ein fin tur på nokolunde gode stiar. Generelt ikkje mykje utsikt, men fin utsikt frå Skjellerudsvea og hogstfelt rett nord for ei hytte.

Einståkåhøi

Dato:

06.10.2018

Turtype:

Fottur

Turlengde:

4:39t

Distanse:

14,0km

© Marius Meland I dag vart det tur til Einståkåhøi. Turen starta frå Storvollen, og gjekk langs sti opp mot passet sør for Kolla, ein sti som vart gradvis dårlegare, men som meir eller mindre kan følgjast fram til myrer før oppstigning til Einståkåhøi. Vart litt kryssing av myrer før oppstigning. Over ca. 1300 m.o.h. låg nysnøen flott og vindblåst i terrenget. Ingen tydeleg sti opp, men så var det jo snødekt meir eller mindre oppover. Ned att vart det gått i dalføret nord for Kolla. Turen gjekk stort sett utan sti til eg kom ned til elva, der eg møtte på ein sti. Mange flotte terrengformer frå slutten av siste istid her, einaste ulempen (eller fordelen?) er at det vart litt mykje opp og ned her. Vinteren har begynt å melde sin ankomst i fjellheimen her no.