Arkiv - dato
Arkiv - aktivitet
-
Annen tur (2)
- Ekspedisjon (2)
- Fottur (473)
-
Kjøretur (1)
- Biltur (1)
-
Skitur (258)
- Fjellskitur (73)
- Langrennstur (176)
Lister jeg samler etter
-
Ringebu ≥ 50 m p.f.
(81/82)
98% -
Ringebu ≥ 100m pf.
(33/34)
97%
-
Gausdal ≥ 50m pf.
(59/62)
95%
-
Gausdal ≥ 100m pf.
(24/26)
92%
-
Folldal ≥ 100m pf.
(43/48)
89%
Tinderangling i Gjøvik
- Dato:
- 19.04.2015
Fin tur i Gjøvik i dag, Gjøvik 100 m PF fullført i dag :). Av 50 m PF-toppar manglar eg no 9.
Dessverre var det dogg på linsa, noko eg ikkje oppdaga under fotografering pga sterkt sollys. Men eg fann ut at foto med dogg var betre enn ingen foto.
Eg la også inn nokre av desse fotoa som bilde på toppsidene av kvar topp. Då det er dogg på desse, er det heilt greitt for meg om andre skulle ville legge inn andre foto av desse toppane.
Veslkringla
- Dato:
- 12.04.2015
- Turtype:
- Fjellskitur
- Turlengde:
- 2:17t
- Distanse:
- 6,6km
Skitur til Veslkringla. Starta turen i Blæsterdalen, og knalla oppover.
Det var mykje roten snø omlag opp til tregrensa, etter det var det betre, med ein blanding av nysnø og vindblåst snø. Frå og med litt over 1000 m.o.h. var det mykje bart og vindblåst, så då sette eg av meg skia og beina opp til toppen.
Fin utsikt mot Rondane i sør, og mot Atndalen, Folldal m.m. Strålande sol og frisk vind.
Pikhetta og Mehøi
- Dato:
- 03.04.2015
- Turtype:
- Fjellskitur
- Turlengde:
- 4:09t
- Distanse:
- 16,6km
Fin skitur frå Gravbekklii til toppane Pikhetta og Mehøi.
Greie nok snøtilhøve, men som vanleg litt lite snø ein del plassar, særleg over flya før siste oppstigninga + dei øvste 20-40 høgdemeter før båe toppane. På sistnemnde måtte eg gå til fots.
Eg starta med Mehøi før sjølve rosinen i pølsa, Pikhetta, vart bestige.
Fin sol denne dagen, og frisk vind på toppane.
Skitur til Skjenafjellet og Kidliknappen
- Dato:
- 23.03.2015
- Turtype:
- Fjellskitur
- Turlengde:
- 3:43t
- Distanse:
- 16,5km
Skitur til to staselege toppar ovanfor Gudbrandsdalens bakside. Fin sol, fin utsikt, i det heile teke flott stemning.
Turen vart gått frå Musdalsetra og nordover mot Roåker i oppkøyrde spor. Trakka deretter mine eigne spor oppover bakkane, først sørover mot Skjenafjellet, deretter gjekk eg nordover mot Kidliknappen.
Fint nedrenn mot Roåker, og deretter tilbake same vegen til Musdalsetra.
Dette er ein tur som kan anbefalast. Vegen opp til Roåker er vinterstengt, så Musdalsetra verkar til å vere beste startstaden for skitur.
Eidsfjellet
- Dato:
- 21.03.2015
- Turtype:
- Langrennstur
- Turlengde:
- 2:14t
- Distanse:
- 17,4km
Staseleg langrennstur frå Hofferbua og opp til Eidsfjellet i flott ver og gode trikkeskinner. Flott utsikt mot Trysilfjellet, Toten, Odal m.m., og jammen trur eg at eg såg toppar i Jotunheimen også.
Skeikampen og Avlundskampen
- Dato:
- 06.03.2015
- Turtype:
- Langrennstur
- Turlengde:
- 4:01t
- Distanse:
- 27,1km
Flott skitur over Skeikampen og Avlundskampen. Første toppen var kanskje pinlig enkel, då eg sat på med stolheis til toppen. Deretter var det vidare mot Avlundskampen, der eg svingte av frå løypa for å nå toppen. Ganske fast snø utanfor løypene, gjekk bra å gå her sjølv med joggepinnar.
Deretter vart turen ein rein langrennstur i oppkøyrde løyper. Det vil seie at store delar av nettet var ikkje nypreparert etter siste snøfall og vindaktvitet, men det gir jo berre litt ekstra utfordring, det må ikkje nødvendigvis alltid gå på skinner :).
Strålande ver under toppturen. Det skya meir til etterkvart som eg kom ned mot lavlandet, men temperaturen var høg, plussgrader på 900 m.o.h. i starten av mars!
Frå Mesnasaga mot skipost 2
- Dato:
- 04.03.2015
- Turtype:
- Langrennstur
- Turlengde:
- 0:43t
- Distanse:
- 6,0km
