Arkiv - dato
Arkiv - aktivitet
- Fottur (1)
"Peakbookvenner"
Favoritturer
Favorittopper
Opptur 8.kl. Tippaskaret - Blåsvednyken - Fossane, Eid, 909
- Dato:
- 08.06.2017
Første gongen Eid var med på Opptur. Arrangementet er for 8.klassingar. Frå EUS var det med omlag 70 elevar + vaksne. Eg var med som representant frå DNT/MNT. Vi fekk sponsa buss ut på Harpen av MNT :)
Turen gjekk frå Tippasætra over Tippaskaret. Fin sti i starten og på slutten, men både sti og merking var vekke over myrane... Gjekk likevel greitt å finne vegen. Ole Johan underheldt med meir eller mindre sanne historiar!
Vi hadde matpause på Tippaskaret, før vi delte oss: litt under halvparten gjekk opp på Blåsvednyken, medan resten gjekk rett til Fossane.
På Fossane var det grilling og litt bading, før vi gjekk samla ned att til skulen. Flott dag, sjølv om vi fekk ein del vind og regn på toppen.
Dokka, Askvoll, 756 moh
- Dato:
- 05.06.2017
Hadde tenkt oss på Alden, men enda opp på Dokka i staden... Vi gjekk opp frå Ringstad og følgde ein traktorveg oppover eit stykke. Så gjekk vi over på sti og opp sherpa- trappene. Svært godt arbeid med å lage fine trapper oppover! Vi kom opp på Ringstadstøylen.
Stien var ok å følgje eit stykke, men etter kvart vart den utydeleg. Vi klarte å sjå nokre små vardar (stein lagt opp på ein anna stein) som vi gjekk etter. Lengst oppe var det litt tåkedottar, men ikkje verre enn at vi kom opp. På veg ned att letta veret igjen. Vi kunne sjå langt utover! Fin tur med mamsa :)
Ossætra, Eid, 422 moh
- Dato:
- 03.06.2017
Ny trimtur på Ossætra med Line. Fint med ein pause frå eksamineringa...
Trollenykjen, Eid, 898 moh
- Dato:
- 27.05.2017
T-tur Eid nummer to: Trollenykjen, med Jeanett. Måtte som vanleg forsere nokre snøparti langt oppe, men ingen problem å gå.
Skridulaupen Øst, Strynefjellet, 1949 moh
- Dato:
- 06.05.2017
- Distanse:
- 8,9km
Herleg dag på Strynefjellet. Kunne gå på ski heilt frå parkeringsplassen :) Stigning heile vegen, men med fellar på - ingen problem! Ned att vart det travelt i starten. Lenger nede gjekk det lettare å svinge... Med Kåre
