Arkiv - dato
Arkiv - aktivitet
"Peakbookvenner"
Lister jeg samler etter
-
Ørsta ≥ 100m pf.
(63/85)
74% -
Ørsta ≥ 50m pf
(88/152)
57%
-
Ørsta ≥ 30m pf
(112/219)
51%
-
Volda ≥ 100m pf.
(46/90)
51%
-
Sunnmøre ≥ 100m pf.
(143/531)
26%
Favorittopper
Heida, Gyrinakken og Røddalshorn
- Dato:
- 01.08.2025
- Turtype:
- Løpetur
- Turlengde:
- 1:53t
- Distanse:
- 12,8km
Ein skoddetung og regnfull dag i Ytre. Det var skilta mot Gyrinakken og Heida berre nokre meter ut frå start. Fin sti til Heida, men mot Gyrinakken var det kjerreveg med høgt gras og deretter brukbar sti med høgare gras - berre litt klipping som skal til for å gjere denne noko meir forlokkande. Haldt mot sørvest etter toppen (utan sti) og kom inn i ein delvis brukbar sti i ein liten dalformasjon nedover mot den nedlagde gokartbana på Leikong. Mogleg denne stien er meir synleg frå toppen på ein mindre skoddefull dag. Frå Leikongeidet følgde eg asfalten ein drøy kilometer før eg tok av mot Røddalshornet. Merka og god sti til topps, same veg på retur til Leikongvegen. Vidare følgde eg fine grusvegar gjennom lysløypa/Kleppefurene tilbake til bilen.
Puttegga
- Dato:
- 20.07.2025
- Turtype:
- Fottur
- Distanse:
- 33,5km
Køyrde frå Ørsta 06.15 og byrja turen frå Zakariasdammen 09.45 saman med VON og Stokkevåg. Mange bilar på parkeringa og ein nydeleg, varm dag. Vi følgde god sti forbi Reindalsfossen, Langvatnet og Reindalseter, og deretter følgde vi Tverrelva til Øvre Reindalen og 1142-vatnet. Her følgde vi stilaust høgresida av elva opp til Søre Skaret. Ryggen nordover mot toppen kunnne sjå litt knotete ut frå skaret, men var det var fin ur og hellesystem heile vegen, og ikkje minst flott utsikt! Det vart same vegen på returen, men med eit magisk øl-stopp innom Reindalseter. Då stod tida stille eit augneblikk, før vi byrja på finala tilbake til parkeringa. Avslutta det heile med eit bad i dammen i kveldssola.
Heregga
- Dato:
- 16.07.2025
- Turtype:
- Fottur
- Turlengde:
- 5:55t
- Distanse:
- 16,1km
Dag 2 av "basecamp Valldal" med VON. Planen var eigentleg ei runde via Kallskarsætra, men då vi køyrde fram til Herdalen parkering for å sondere litt, vart det freistande å ta sikte på Herdalsegga. Toppen ser røff ut frå parkeringa, men er heilt utan vanskelege element. Bratt sti oppover mot Nørdre Herdalen. Eit par plassar på veg opp og vidare inn dalen følgde vi nokre dyretrakk som endte i ingenting, og det anbefalast å følgje merkinga her, som eigentleg er god! Flott innover dalen, og vi følgde skiltinga mot Heregga oppe på skaret der motsett veg var skilta mot Kaldhusseter. Nokså seig ur og brei rygg vidare til topps. Ei vakker utsikt på toppen, spesielt mot Torvløysa og Kupenibba! Er nok fleire vegar som kunne ført raskare opp, og på veg ned igjen tok vi >>>
Stornyken og Mefjellet
- Dato:
- 15.07.2025
- Turtype:
- Fjelltur
- Turlengde:
- 3:45t
- Distanse:
- 18,6km
Dag 1 av "basecamp Valldal" med VON. Parkerte ved Gudbrandsjuvet og følgde Grusvegen i retning Alstadsætra. Etter nokre svingar var det skilta mot Stornyken med meir eller mindre grei sti til topps utanom på avstikkaren til Myrheivatnehaugen. Relativt seigt strekke mot toppen, men tøft skue i retning Olivintoppen! Tok valget om å ta av i retning Mefjellet, då VON (som droppa denne då han har vore der før) generøst tilbydde å hente. Frå Myrheivatnet var det god sti til Heggjesætra, ei sjarmerande lita sæter der. Her følgde eg skiltinga "Nysætra via Trollkyrkjebotn". Det vart ein omveg på denne måten, men då eg nådde Trollkyrkjebotn (982) var det skilta og god sti mot Nysætra. Fann eit trakk og nokre vardar på avstikkaren til Mefjellet, panserrås ned til >>>
