Veslesmeden (02.04.2026)  

Basecamp Otta dag 2:

Ein flott rundtur i Rondane saman med vannilsengiggs (Vegard O. Nilsen). Vi parkerte ved Pungdalen Parkering og tok skia fatt i retning Rondvassbu. Langt, men slakt og fint innover. Vi vurderte langrennsski med randoneski på sekk, og mogleg det kunne lønna seg i trakka løyper til Spranget og scootertrakk til hytta.

Vi tok ei lita matpause i i kuriositeten Jutulhogget, før turen gjekk vidare til Veslesmeden. Slakt, langt og ein del vind, men ei slåande utsikt på toppen! Nede igjen ved Rondvassbu sikta vi oss inn på ei direkte rute mot Simlepiggen, både for ein ny topp men også for å ta ut litt høgde før "nedkjøringa" retning Mysusæter. Også her var det ei flott utsikt!

Vi gjekk innom nokre småtoppar før vi fann ei retning som gav oss mest mogleg renning på heimvegen. Stakk innom Ranglarhøe for ein liten dessert til slutt. Her var det utsikt over Furusjøen, som gav grobunn for ein langrennstur der neste dag.

Må uan tvil tilbake til Rondane på sommarstid.