Draumeforhold og draumetopp

Dato:

16.04.2016

Turtype:

Fjellskitur

Turlengde:

8:00t

Distanse:

30,0km

© Kristin Bakken Hadde eigenleg tenkt meg til Hemsedal, men etter å ha følgd med på yr heile veka, vende vi i staden blikket mot sudvest; mykje vind meldt i Skarvheimen. Utruleg då vi drog i regnver frå Oslo i går, at vi skulle få ein så flott dag frå Røldal skisenter til Kyrkjenuten i dag. Drog frå hytta kl 0810, var i Røldal kl 1000, og på skisenteret noko seinare. Fekk bruke heisen gratis heilt til topps, og derifrå følgde vi spor mot Seljestad til vi tok av då vi kom ned på vatnet. Det var tre utruleg lette kilometer, vi rann ned. Skare under, maks fem cm nysnø oppå, blå voks var heilt rett, vi gjekk på det heile dagen. Etter å ha gått dryge 6 km og klokka var ca 1230 rasta vi i vindstille og steikande sol. Så bar det vidare. Vi heldt høgda eit stykke opp frå vatna vest for oss, >>>

Andre gong på Mælefjell

Dato:

25.03.2016

Turtype:

Fjellskitur

Distanse:

20,5km

© Kristin Bakken Med vermelding som tilsa oppklarning, starta vi i overskya gråver frå Natadal ca kl 1015. Torunn og Svein hadde køyrt frå Skien, medan eg kom frå hytta i Langlim. Først lang gåtur der vi bar skia, så fellar på etter Juvet der vegen ikkje var brøytt. Stykket opp til Mælestaul var lengre enn eg hugsa i fjor, men med fellar gjekk det greitt. Så opp Tjønnskardet. Vi følgde skutersporet litt langt ut mot høgre - det ligg ei hytte der ute - men tok oss inn att og kom inn i skaret omtrent ved tregrensa. Det klabba i fellane for oss alle tre, måtte stoppe å skrape. Vel oppe såg vi ned på det to Russtjønnane, heldt til venstre (aust) og fann ein lun rasteplass. Enno ikkje oppklarning, men heller ikkje vind. Den kom seinare! Så opp Rupedalen og vidare opp- og innover til dei to vatna >>>

Namnlaus topp i Stavsfjøll

Dato:

23.03.2016

Turtype:

Fjellskitur

Distanse:

21,0km

For første gong gjekk eg på ski i Stavsfjøll. I går hadde vi vel rett og slett ein optimal påskedag. Nattefrost og skare, ikkje ei sky og vindstille. Eg fekk dessverre ingen med meg i går, men fekk nyte dagen aleine. Gjekk frå grendehuset i Øyfjell og følgde køyrd løypetrasé heilt til Stavsvatn. Møtte ikkje ein sjel før eg kom dit. Eg gjekk stort sett på sida av traseen, for den var så steinhard at klisteret beit dårleg, men i skaren gjekk det flott. Ved Stavsvatn på 1050 m og med fjell over 1200 rundt på alle kantar, var det rett og slett klisjepåske. Det var folk og skuterar på dei tre hyttene og noko aktivitet med å førebu for grendelåmi som går i dag. Låmi går frå Rauland til Øyfjell over Stavsvatn (eller omvendt?) kvar skjertorsdag. Frå Stavsvatn gjekk eg >>>

Ny dag på Vestfjøllet

Dato:

22.03.2016

Turtype:

Fjellskitur

Turlengde:

5:30t

Distanse:

23,5km

Ganske bra vær idag også, og det viktigaste - hard skare. Vi køyrde fem stykke til Vinsvål og parkerte. Gjekk til Røynbrekk. Opp sjølve Røynbrekka bar vi skia, og så bar det innover til Kinsarviktjønni, Vorvatn og så opp dei lange fine draga sudover mot Storegrønut. Møtte først ein mann og så to damer. Dei to var dei same eg møtte i går, og mannen var ein vi møtte i fjor og rasta saman med. Vi er svært få som har Vestfjøllet som turområde, og dei sjeldne gongene ein møter folk, er det gjerne dei same. Det bles litt på toppen, men vi rasta likevel i lyngen på toppen. Så skikrets vi. Dei fire andre gjekk tilbake same vegen, medan eg gjekk sudover og opp på nabotoppen der eg aldri har vore før. Ikkje peakbookelement. Så ned Bjålandsdalen og tilbake og rundt fjellet. >>>

Første topptur på lenge

Dato:

21.03.2016

Turtype:

Fjellskitur

Distanse:

30,5km

Litt usikker på korleis eg skal registrere ny topp i peakbook, så eg logger denne turen på nabotoppen. Kabrettstaulfjellet har mange varda toppar, og eg er der kvar måndag i påskeveka med yndlingstremenningen min. I dag valde vi den suvestlegaste toppen på 1070 m ifølge gpsén. Starta 0930 frå Gråmyr i Langlim, gjekk så til Sælid, så opp til Søyleset, så Bikkjekvæven og opp på fjellet. Rasta før vi gjekk på Kabrettstaulfjellet, deretter nordover, om Kjeringtjønn, under Storegrønut ned til Vorvatn. Så over Bjønnpytt til Myklevatn, og derifrå ned til Ramåsmyran og Nadremyran til Tjønnstaul, Skomestaul, Vibekk, Røynbrekk og attende til Gråmyr. 30,5 km på fjellski, ca 1100 hm. Fint klisterføre og grei skare. Var norte i 8,5 timar, rasta to gonger, møtte to personar. >>>

Rust igjen

Dato:

28.02.2016

Turtype:

Fjellskitur

Distanse:

22,0km

Vinterferietopp

Dato:

27.02.2016

Turtype:

Fjellskitur

Distanse:

20,0km

Andre gong på Vassdalseggi

Dato:

15.05.2015

Turtype:

Fjellskitur

Distanse:

22,0km

© Kristin Bakken Ny kjempedag på Haukelifjell. Starta i gruppe med Stavanger turistforeining kl 0930. Så varmt allereie at vi på teknisk pause etter 10 minutt måtte av medytterjakker og lue. Så vi gjekk i trøyer på nordsida av Kistenuten og opp til Lisledalen. Førre gongen Tom og eg gjekk her på ski var elva ned frå Dalen lett identifiserbar under snøen, og på sommarturen vi tok hit for eit par år sidan, var jo dette ei stor stri elv som vi strevde litt med å krysse. I dag var den heilt borte, berre ei fin glatt snøflate. Så det er mykje snø i fjellet! Vi tok på feller der vi byrja den bratte oppstiginga mot egga, og beheldt dei på til vi var oppe på "taket". Vi hadde fin rast etter at vi hadde kome opp den første dryge bakken før vi byrja å gå den eigentlege egga. Turleiaren >>>

Sandfloeggi i optimale forhold

Dato:

14.05.2015

Turtype:

Fjellskitur

Turlengde:

10:00t

Distanse:

38,0km

© Kristin Bakken Vi var fire som starta ved parkeringsplassen ved Ulevå kl 0930. Etter ei natt med minusgrader starta vi på skare som eit Gol, heilt vindstille og ikkje sky på himmelen. Tom og eg gjekk på feller til der løypa tar av mot Vesle Nup. Det var 4 km og 300 høgdemeter. Stort høgdepunkt å få inn ein reinflokk frå høgre som delte seg i to. Den eine dele kryssa løypa framfor oss, den andre heldt seg til høgre og forsvann over ei høgd bak oss. Herleg! Ved Mannevatnet kortslutta vi litt og følgde stikka løype for langt, slik at vi måtte krysse over ein kam for å kome tilbake sør for Poddevatn og inn på Holmesjøen. På ein bar odde rasta vi i tørr lyng og ryggen mot slett berg. Nupseggi sett frå Holmesjøen er verkeleg eit dramatisk og flott syn. Føret var framleis heilt perfekt, >>>

Truleg siste tur på ski i Marka i år

Dato:

26.04.2015

Turtype:

Langrennstur

Turlengde:

2:30t

Distanse:

16,0km

© Kristin Bakken Regn og snø i he ile Sør- Noreg i går, så toppturen i helga blei avlyst. Men i dag var det sol og ikkje for varmt i dag tidleg, så før middag i Halden i ettermiddag, køyrde Tom og eg til Myllsdammen og starta å gå i nykøyrde spor kl 1000. Rett og slett herleg tur med raudt klister under skia, fuglesong og opne bekkar. Måtte av med skia to stader, elles supert. Bislingflaka har eg vore på fleire gonger, men aldri så seint på ski. Så for første gong den malte vesle varden bak på toppunktet. Den har lege under snø andre gonger. Vi gjekk opp og ned Formo-løypa, møtte ganske mange svært blide skigåarar, ein med bar overkropp, andre med bare leggar. Og på veg ned møtte vi kompis Helge. Også blid. Tom og Uncas var med.