Tre toppar og overnatting i Hedmark

Dato:

24.05.2015

Turtype:

Fottur

Distanse:

24,5km

© Kristin Bakken Pinseaftan var nydeleg i Oslo, men det var sundagen vi hadde sett av til topptur. Laurdag ettermiddag sjekka vi yr.no, og oppdaga at det var varsla regn frå ettermiddagen sundag. Og sidan eg hadde blitt utfordra til å sove ute i løpet av mai i ein stafett på jobben, heiv vi oss rundt, pakka sekkane og køyrde til Odals verk der vi var framme kl 2015. Vi vandra oppover vegen forbi Fløyta og opp til demningen i Valsjøen, der var det jo ein fin teltplass, men vi tenkte først at vi hadde gått litt kort, og gjekk vidare og til venstre bort til neste vatn. Rota litt der etter ein teltplass, men endte med å dra ned att til Valsjøen, der vi slo opp telt, åt varme nudlar og delte ei flaske raudvin. Kraup ut av teltet i morgonsol, åt frukost og la oss i veg oppover vegen ca kl 0815. Klart >>>

På veg til Halden

Dato:

14.12.2014

Turtype:

Fottur

På veg til Halden for bytting av gåver tok vi vegen om Askim. Køyrde rett til Skansehytta, parkerte litt ulovleg nedanfor. Gjekk først til tårnet etter merkt stig. Så til høgre og vidare på stigen. Pilarane etter eit eldre tårn ligg rett bortom, og så fann vi etter litt roting med ikkje heilt følsom GPS, markert toppunkt, ein trekantstein med spissen opp og eit par støttesteinar. Gå rett inn i skogen bak betongstabbane og ikkje lenger enn 50 meter. Vi hadde tenkt å halde fram til Trøgstad, men som vanleg kom vi for seint av garde, og sidan vertinne ventar, måtte vi skuve på denne. Manglar no berre Trøgstad og Eidsberg inToms heimefylke. Tom og Uncas var med.

Barfrosttur

Dato:

30.11.2014

Turtype:

Fottur

Køyrde til saga lang Mørkveien, nr 345-349. Så gjekk vi vegen opp til de store myra under åsen, rota oss dessverre litt utpå, skulle ha halde rett fram i høgre kant av myra og litt opp på tørt land mot åsen. Følgde stig til den nuten der hytta ligg oppå, vingjekk den bratte stigen mot venstre i staden for å gå opp på Kollen, så ned att og over bekken og deretter opp til det øydelagde tårnet. På veg ned att passerte ein travhest og sulky oss to gonger. Flott hest! Vi brukte ca 1,5 time. Marit, Tom og Uncas var med.

Tredje fylke komplett - Høgståsen blei siste i Vestfold

Dato:

16.11.2014

Turtype:

Fottur

Damehelg i Sandefjord blei avslutta med ein tur til det indre Vestfold på veg tilbake til Oslo. Ved hjelp av gps-en fann vi greitt Skatvet, det regna og yra og var knapt nok dagslys - november kan vere skikkeleg dyster, - men hadde likevel stor glede av dette terrenget. Er så glad i bøkeskog, og bøkeskog utan lauv, men med brun skogbotn er også flott. Eg hadde med to venninner som nok stiller seg litt uforståande til heile prosjektet, men dei likar å vere ute, så det fekk gå. Vi rota ein del med dårleg kartutskrift frå Norgeskart. Då vi skulle ta av vegen, fann vi raude band, men følgde dei mot høgre i første vegdele, det var dumt, det er berre å gå rett på. Så vi busha litt rundt på kryss og tvers, var innom den store myra, og fann så den gode stigen. På veg mot toppen >>>

Hobøl i skodde

Dato:

19.10.2014

Turtype:

Fottur

Skogstur i grått vêr i dag. For første gong var eg i Tomter og ved innsjøen Mjær. MArit og eg og Uncas parkert ved sørenden av vatnet ved snuplassen og gjekk gardsvegen oppover og innover. Vi gjekk fobri et flott elgposttårn (?) med namnet Musefritt! - og så forbi ei like kunstferdig hytte som såg ut som den var bygd på tomta til ein gammal husmannsplass. Den så absolutt gammal ut med flott gammal takstein og andre gamle detaljar, men ny var den. Deretter gjekk vi opp traktorvegen som tok av til venstre ca 100 meter borti vegen. Vi gjekk den venstre av dei to traktorvegane, og så til høgre opp i skaret. Etter kvart følgde vi eit lite tråkk opp til høgre og fann etter kvart triggpunktet. Vi hadde dessverre ikkje med gps, og rota det litt til. I staden for å gå rett vest må >>>

Liten topptur frå hytta

Dato:

12.10.2014

Turtype:

Fottur

Vått i Finnemarka

Dato:

21.09.2014

Turtype:

Fottur

Heim frå Hjerkinn i går og tur med Marit og Tom og Uncas i dag. Denne gongen køyrde vi til Øståsen opp frå Natvet ved Tyrifjorden. Vegen heiter Breilivegen. Vi møtte fetteren til Marit, som viste oss på veg. Vi tok ei rute som gjekk frå nord til sud. Tok av opp mot Breilihytta, gjekk forbi hytta Bekkeli og deretter til Breilivatnet. Vi følgde orangemerkte tre til vatnet, og fann heilt greitt opp til Lauvkollen. Der hadde vi sol medan vi åt niste. Vi gjekk tilbake over Breiliflaka, som eigenleg var ein finare topp. Så tilbake via dei militære installasjonane (sambandsutstyr og bunkers) og ned til myra med løypekryss. Vi brukte ca 4,5 time på turen som målte 14 km. Marit logga 21000 steg! Småregn og sol, på heimvegen heller mykje regn. Tom, Marit og Uncas var med.

Dovre for første gong

Dato:

19.09.2014

Turtype:

Fjelltur

Turlengde:

7:00t

© Kristin Bakken Etter to dagar med seminar på Kongsvoll og ein liten tur over Hjerkinnshøe, valde eg å hoppe av ein av bilane på Hjerkinn og ta bussen inn til Snøheim fredag morgon (1045-bussen). Møtte ein kollega frå jobben på bussen som var i eit følgje. Heldt litt følgje med dei til inn til Gamle Reinheim, før eg gjekk litt frå. Det var stille og sol, med nokre lette skyer og dis som etter kvart låg under meg. Gjekk i t-skjorte opp, men kledde på meg då eg kom opp, og sat og og rasta i ein time eller noko sånt. Utruleg flott. Litt usikker på om eg torde å gå bort til Midttoppen, men to damer av min type ville prøve seg, så vi gjekk saman. Det var heilt kurant, i alle fall så lenge ein ikkje feste blikket ned i avgrunnen! Flott utsyn ned på baksida av fjellet med irrgrønt vatn. tilbaketuren >>>

første gong på Kvamsfjellet

Dato:

06.09.2014

Turtype:

Fjelltur

Turlengde:

4:00t

To småtoppar på veg heim frå Halden

Dato:

17.08.2014

Turtype:

Fottur

På laurdag hadde vi program i Halden, og turen heim til Oslo i dag brukte vi bl.a. på å gjere to små avstikkarar frå E6. Tok av mot Svinndal i Råde. Hadde fått utskrift av o-kart frå Eirik, og vi fann presist fram heile vegen. Veldig moro å gå etter o-lart! Nokre meter sør for der kommuneskiltet til Våler står, går ein stikkveg med bom inn til venstre. Det var akkurat plass til å parkere ein bil utafor bommen, men ein kunne nok også løfte den opp og parkere innafor. Om ein lurar på om det er rett stikkveg, det var fleire å velje mellom, går det altså ei grøft med mykje vatn under i røyr nett her, og dessutan er det steinar og pinnar på høgre side malte blå. Vi gjekk rett på heile vegen i kjempevått terreng. Opp bakken, heldt til høgre i y-krysset (sjølv om den >>>