Ringdalsnuten frå sør

Dato:

20.07.2024

Turtype:

Fjelltur

Turlengde:

5:07t

Distanse:

13,2km

© Kristin Bakken Køyrde så langt eg kom i retning Verkhus og Smørli. Gjekk vegen inn til Smørli der eg fekk følge av heile geiteflokken frå Lega. Så følgde eg gamal, delvis gjengrodd stig til Nedre Lega, Midtre Lega og litt vest for Øvre Lega. Derifrå gjekk eg bratt opp til venstre på massivet til Ringdalsnuten. Tidvis så bratt i lyngen at eg måtte krabbe på hender og knær. Nedover trefte eg ein betre stig - i alle fall første stykket frå toppen. Så gjekk eg fjellet innover, ein luretopp med varde dekte for den eigenlege toppen. Gjekk aust for luretoppen inn, men gjekk vestafor tilbake. Det var betre. Same veg tilbake. Nydeleg terreng, geiter, sau og folk på Midt- Lega, elles lite liv. Såg èin steinskvett og heipipelerke. Elles har vinden (Hans?) herja fælt, usedvanleg mange store rotvelter. Gjekk >>>

Første Rusttur i sommar

Dato:

18.07.2024

Turtype:

Fjelltur

Turlengde:

2:52t

Distanse:

7,1km

© Kristin Bakken Køyrde til Valedammen og gjekk opp KåbKkan og Vierdalen til toppen. Gjekk nutane bortover og nedatt om Svartetjønn og Olsokfonni. Sjekka moltestøene undervegs; ser dårleg ut i år.

Siste 100 mpf i Bamble

Dato:

01.07.2024

Turlengde:

2:45t

Distanse:

7,4km

© Kristin Bakken Parkerte ved utfartsparkeringa ved Bamblevann. Gjekk så T-merkt stig til Svartetjern, og så til høgre for vatnet og opp skaret aust for Bambleåsen eller Bamblefjell som det stod på skilt undervegs - og som vi brukte då vi var unge. Toppunktet var berre markert med nokre steinar, ein gapahuk av stein står litt lenger fram, og der er det også noko utsyn vestover. Rett sør for toppunktet står det ei flott trollfuru som eg var bortom og sjekka ut. Tilbake same vegen. Flott vær å gå i, greitt med T-skjorte, men ikkje for varmt. Mykje småfugl, kunne krysse av to nye for året. 7,4 km, 316 hm, 2 t og 40 min. Gjekk aleine.

Skrehelle - varm junidag

Dato:

26.06.2024

Turtype:

Fottur

Turlengde:

2:42t

Distanse:

6,0km

© Kristin Bakken

Øvrumkollen i småregn

Dato:

16.06.2024

Turtype:

Fottur

Turlengde:

0:39t

Distanse:

3,5km

Ramsås

Dato:

16.06.2024

Turtype:

Fottur

Turlengde:

0:33t

Distanse:

2,0km

Strdsklev vanntårn

Dato:

15.06.2024

Turlengde:

0:00t

Distanse:

0,2km

© Kristin Bakken Hadde vore på gjenvinningsstasjonen i Pasadalen og køyrde oppom. 150 meter å gå! Brukte 4 minutt, det meste til fotografering.

Østre og Vestre Vealøs

Dato:

14.06.2024

Turtype:

Fottur

Turlengde:

3:43t

Distanse:

12,0km

© Kristin Bakken Smågrått vær, men burde eigne seg for tur. Fekk med meg Benjamin som hadde vore på Østre og Vestre Vealøs før. Sjølv minnest eg svakt ein tur til Vealøs som barn, meir enn 50 år sidan altså, og eg hugsa ikkje stort av det. Vi starta ved bommen forbi Store Skifjell. Gjekk eit stykke opp vegen før vi tok av til høgre og følgde blåmerkt stig til tjønna ved Gramsebu. Der så vi ei kvinandho med fem nydeleg småungar bak seg. Så gjekk vi opp til Østre Vealøs og spiste niste der frampå berget. Nedatt og stig vidare mot vestre Vealøs. Då vi kom ut på grusvegen, såg vi ein stor fugleunge i vegen - straks følgt av mora - ei røy! Flott å få så god kikk på både mor og unge. Vi gjekk raskt grusvegen opp til toppen. Der var det nesten litt sol då vi sat ned for å drikke >>>

Vardane i håplaust vær

Dato:

09.06.2024

Turtype:

Fjelltur

Turlengde:

2:51t

Distanse:

8,5km

© Kristin Bakken Køyrde frå Ørsta til Molvær og parkerte ved Vasskummen. Det regna og det var dessutan meldt striregn heile dagen, men eg hadde no berre denne dagen til disposisjon, så det fekk stå sin prøve. Hadde sjekka spora til lyngve, sidan dette må vere «hans» topp, og valde kortaste veg rett opp. Det var null sikt etter Molværtjønna dessverre. Eg gjekk jamnt på, og brukte likevel 1 t og 25 opp. Eg har sett lyngve brukar 1 time og 40 opp og ned, så eg regnar med at dette er ein kar i superform! Det bles kraftig på toppen, og eg fekk no eit inntrykk av topplatået med mange vardar. Dei fine grasbakkane rundt toppen og dei bratte sidene til alle kantar gjer nok denne toppen heilt nydeleg i godt vær. Synd då at eg kasta den bort på ein så våt og grå dag. Vonhytta var open og unte meg >>>

Sollia - Herøy og Sande

Dato:

08.06.2024

Turtype:

Fjelltur

Turlengde:

2:42t

Distanse:

9,9km

© Kristin Bakken Turliv i kombinasjon med dei nynorske festpela er ein god idé. Starta i dag med å køyre til Moltustranda, tulla litt før eg fann rett avkøyrsel (ta Gamlevegen opp til venstre). Så tabba eg meg litt ut ved å parkere på den første turparkeringa eg kom til, eg burde heller ha køyrt så langt eg kom mot bommen og parkert rett før den. Dermed blei turen 1-2 kilometer lengre enn den kunne ha vore, og ekstradistansen gjekk på kjedeleg veg. Men, men: Overskya, men høg himmel og vindstille då eg gjekk oppover vegen, opp til demninga i Mørkevatnet. Så stig på venstre side av vatnet, merka stigkryss etter den første bakken opp fra vatnet, der blei eg leidd mot venstre inn Lisledalen og opp neste kleiv. Ved varden der gjekk så stig bratt oppover mot høgre og toppen. Eg gjekk litt på >>>