Arkiv - dato

Arkiv - aktivitet

"Peakbookvenner"

Guttorm
Guttorm
Harald1993
Harald1993

Lister jeg samler etter

Vis alle lister jeg samler etter

Frå Glitterheim til telt på Skautflya via Storeglupen

Dato:
11.08.1992

Første dag med dårleg ver på 7-dagars runden vår gjekk me stilaust gjennom Storeglupen til Skautflya. Det var heilt kurant å gå på høgre side av det nedre Steinbuvatnet og på venstre side av det øvre, men det var såpass vassføring i elva at me måtte jobba litt for å koma tørrskodde over. Det var mykje ur å forsera og øvst i glupen ein del snørestar, men me kom oss greit opp på bandet som ligg på snaut 1900moh. Vel nede på Skautflya fann me oss ein strategisk teltplass, for det var nemleg lova lette i veret. Då ville me sjølvsagt ikkje la Glittertind stå uprøvd om det endåtil skulle bli toppver dagen etter. Og ganske rett – i løpet av kvelden kikka sjølvaste Galdhøpiggen fram i kveldssola – så kanskje det låg an til griseflaks for oss neste dag ?

Frå telt i Nedre Russglopet til Glitterheim

Dato:
10.08.1992

Denne dagen var det delvis nye stiar for meg, mellom teltplassen i Russglopet og overgangen til Veodalen ved Austre Hestlægerhø. Framleis i finver med relativt høge skyer fekk me ein heller lett tur, og på Glitterheim nytta me like godt høvet og la oss inne på sovesal. Om kvelden tok eg meg ein tur opp til Steinbuvatnet for å rekognosera litt før morgondagens tur , som me tenkte å legga stilaust gjennom Storeglupen. Dette mest fordi eg gjekk normalvegen gjennom Vesleglupen med mor og far for berre 2 år sidan .

Kart    

Frå Gjendesheim til telt i Nedre Russglopet via Besseggen

Dato:
09.08.1992

Sommarturen med Geir dette året gjekk til Jotunheimen, og denne gongen var Vegard med oss på ein ambisiøs 7-dagars runde. Med ungdomskort frå DNT med billig overnatting på sovesal og medbrakt 3-manns telt, låg alt til rette for mykje moro for pengane. Første natta la me oss i Fjällräven-teltet mitt på den flataste flekken me kunne finna ovanom Gjendesheim, til smellvakker utsikt over fjellsjøen. Første skikkelege turdagen gjekk me over Besseggen – 3 år sidan sist for min del – og ei like fin oppleving no som då. Me skulle vidare til Glitterheim, så då var det sjølvsagt mykje å spara på å droppa turen nedom Memurubu. Det er jo noko av bonusen med telt sjølv om ein går på T-stiar, at ein kan velja rute så mykje friare. Me la difor vegen ned i Russglopet og fann ein >>>

Kart    

Hengjane/Hengjanibba frå Preikestolhytta til Bratteli kai

Dato:
01.08.1992

Med bl.a. Kjetil og Sigbjørn.

Kart