Arkiv - dato
Arkiv - aktivitet
Lister jeg samler etter
Favoritturer
- Frå Liarvatnet til Hengjane om Longavatnet og
- Lodalskåpa fra Bødalssætra
- Austanbotntindtraversen fra Berdalsbandet
- Jiehkkevárri fra Indre Holmbukta, høyest i Troms
- Travers av Skardstind (vest til øst)
- Hinnåtefjellet, Semeltind, Hellstugutindar fra V.
- Folgefonna, Etne og Kvinnherad
- Knutsholstindtraversen fra Torfinnsdalen
- Nordre Maradalstind og Styggedalsryggen
- Store- og Midtre Ringstind fra Ringsdalen
Favorittopper
Høgehei og Lakkaknuten frå Folkehjelpshytta
- Dato:
- 17.03.2024
1 ¾ time på tur i blesten, om lag 7 km og 350 hm. Flott og overraskande observasjon av ein flokk med om lag 50 snøspurvar på trekk.
Sandvatnet frå Sunnmorkhølen
- Dato:
- 17.03.2024
Søndagen vakna me til is-snerpe på vatnet i Sunnmorkhølen og ein kald austleg vind, medan eit fossekall par eksponerte seg villig i elva. Dette var dagen for retur til utgangspunktet ved Sandvatnet, og etter ein roleg frukost og utvask var me klare for avgang i 0930-tida. Returen gjekk på beina til oppgangen mot Maradalen, og her skilde me lag fordi kameraten ville få med seg 875-toppen vest for Vongsatjødnane.
Me andre to gjekk på beina på den faste snøen gjennom bjørkeskogen, og var oppe i fint skiterreng etter litt over timen på tur. Her bytta me sjølvsagt til ski og fekk eit fint nedrenn gjennom den slake Maradalen, der me skremde opp ein liten flokk kvitkledde ryper. Den siste halvtimen over Sandvatnet, som nå heldigvis var snødekt, var det bare å stålsetta seg for kuling >>>
54-årsfeiring i Sunnmorkhølen
- Dato:
- 16.03.2024
På lørdagen vakna me til vannrett drev av sludd i Sunnmorkhølen. Dette var helst som meldt og borga for fin og tørr nysnø oppe i høgda i Krøys der me hadde tenkt oss. Og dersom meldinga slo til, skulle vêret betra seg betrakteleg, endåtil med ein god del sol utover dagen. Me tok det derfor ganske med ro og var ikkje klare for tur før i 10-tida.
Me trengte bare å bera skia til over brua, og så var det fint skiføre resten. Me tok nemleg rett opp lia i retning Kuhaugen og kom etter kvart opp i dalsøkket sør og vest for toppen. Her var det full vinter med til dels kraftig vind og snøføyke, og vindjakka måtte på etter ein optimistisk start utan.
Første måla for turen var dei to høgaste toppane i Krøys, Bergeheia og Krøysaheia som me var over på langturen vår tilbake i 2020 . Etter 1 ¾ >>>
Sunnmorkhølen frå Sandvatnet
- Dato:
- 15.03.2024
Vêrmeldinga for denne lenge planlagde helgeturen til Stavanger Turistforening si utleigehytte i Sunnmorkhølen var ganske spennande, med ausregn på fredagen, oppklarning til retteleg godvêr på lørdagen og kraftig vind på søndagen. Me vart til slutt tre som ville på tur, og det var med spenning me kom opp til Sandvatnet fredag ettermiddag, for det store spørsmålet var om det var skiføre i det heile. På vatnet var det ikkje uventa ein del overvatn etter to heile dagar med regn, men ein liten test viste at det burde gå bra å koma seg over på ski. At me ville verta gjenomvåte på turen inn til hytta, rekna me uansett med, men det var mykje kjekkare å gå på ski frå Sandvatnet enn å bera dei på sekken frå Kåsastølen. I 16-tida var me klare og rekna med å vera inne ved hytta >>>
Homsknuten og nabotoppar frå Dalavegen
- Dato:
- 11.03.2024
55 min til topps på Homsknuten og 2 timar 10 min på tur i fint vêr. Såg ei ørlita firfisle oppunder den eine sekundærtoppen og ei vaksen kongeørn over Storåfoss.
Bivuakk ved myra i skogen
- Dato:
- 08.03.2024
12 timar i posen, eller posane(!), under stjernevrimmelen.
Jupiter i vesterled.
Stjerneskudd i same retning.
Orion, etter kvart Karlsvogna.
Nesten heile Vintersekskanten.
Kattugla tuta nært ved i fleire omgangar.
Hubroen like så, men lenger vekke.
Ymse dyreskrik i natta, og eit av dei i dødskamp?
Litt søvn!
Vakna til ravnerop og song frå raudstrupen.
Rim på vindsekken og underlaget.
Is-snerpe på myrene og frose i vannflaska.
Ei stor naturoppleving rikare, eit kvarter heimefrå.
Hilleslandsvatnet rundt heimefra
- Dato:
- 06.03.2024
Flott tur heimefra og opp langs Hilleslandsbekken til vatnet, deretter stilaust langs austsida av vatnet. Så oppom Hilleslandhaugen og ned til Homravatnet med retur på vegen på vestsida. Om lag 11 km og 3 ¼ timar på tur i grått og stilt ver.
Mange flotte fugle- og dyreobservasjonar; fossekall par i Hilleslandsbekken, havørn ved Hilleslandhaugen, to hjortar ovanom Homravatnet og seks sangsvaner ved sjølve vatnet, dessutan ein syngande svart- eller måltrost i Vik.
Vardhusheia, Husaheia m.fl. på ski frå Målandsdalen
- Dato:
- 26.02.2024
Med perlevêr meldt denne eine dagen i vinterferien måtte det bli ein spontan fridag, og berre litt over ei veke sidan sist tur gjekk vegen endå ein gang til Målands- og Brogaheia. Det hadde nemleg kome eit godt dryss med etterlengta nysnø rett før helga, så føret oppe på heia burde vera framifrå.
Det var isete oppover traktorvegen frå Boremyr, og eg tok ikkje på meg skia før eg var oppe ved den øvste brua. Opp til demninga i Sagåna gjekk det radig på om lag 50 min, og sidan sist var det blitt greit, men litt tungt skiføre i terrenget heilt herifrå. Vel oppe i sola ved Målandsvatnet bytta eg frå lange til korte feller, og sørover heia var det reint herleg å vera på tur, med lett føre, sol og stilt vêr som det var.
Eg gav meg god tid og studerte både dyrespora og vårløysinga >>>