Arkiv - dato
Arkiv - aktivitet
-
Annen vintertur (6)
- Trugetur (6)
- Fottur (203)
-
Skitur (174)
- Fjellskitur (10)
- Langrennstur (148)
- Randonnée/Telemark (16)
-
Sykkeltur (13)
- Blandet sykling (8)
- Terrengsykling (5)
"Peakbookvenner"
Nysetra dag 3
- Dato:
- 21.02.2017
- Distanse:
- 32,7km
Den tredje og siste dagen på Ginahytta. Me gjekk først til Værskei og til Kittilbu. Derifrå gjekk me Blestervegen og opp på Blesterråkvarden og Kjettberget. Vidare gjekk me over Prestkjerringa og Mysmørhelje tilbake til Ginahytta. Kort rast der, før me tok på oss sekkane og gjekk tilbake til Astridbekken. Ein veldig hyggeleg hyttetur.
Nysetra dag 2
- Dato:
- 20.02.2017
Dagen starta med frukost og spill, før me gjekk i vegen på skitur. Me starta med å gå mot Prestkjerringa. Først gjekk me på Toftfjellet og så på Mysmørhelje. I staden for å gå på Prestkjerringa, tok me løypa mot Skjellbreida. Me var oppom Rævskorotjernhaugen før me køyrte ned Rævskorodalen. Frå Skjellbreida gjekk med til Boroseter, og vidare til Torpavegen. Me gjekk ein runde på sørsida av Torpavegen, og var oppom Fjellmyrhaugen, ein nokså stusseleg topp. På veg tilbake til Boroseter gjekk me oppom Sør for Erstjernet, nok ein litt stusseleg topp. Tilbake til Nysetra var det langt, men fint å gå. Stort sett fint vær på denne turen.
Nysetra dag 1
- Dato:
- 19.02.2017
Kristine og eg starta hytteturen med å gå ifrå Astridbekken til Nysetra. Der fyrte me opp i omnen på Ginahytta, før me gjekk i vegen på tur. Me gjekk oppom nokre småtoppar på veg til Mysmørhelje og Prestkjerringa. Veret var strålande. Etter Prestkjerringa gjekk me oppom dei to Gaustomsetertoppane, og brøyta gjennom laussnøen til Bleikefjellet og Søre Bleikefjellet. Etter å ha vore på Søre Bleikefjellet fant me ein noko vrien veg opp til Kufjellet. På toppen såg vi gamle skispor, som vi følgde ned at. Derifrå om Gaustomsetra om Kjettbergkrysset tilbake til Ginahytta. Ein bra start på hytteopphaldet. Det smakte også veldig godt ned peisgrilla pølser etterpå.
Prestkampen frå Bosshaugmyra
- Dato:
- 14.02.2017
- Distanse:
- 37,4km
Skitur saman med pappa. Me parkerte på Bosshaugmyra, derifrå gjekk me kortaste veg til alpinanlegget på Skei. Vidare gjekk me Skeikampen rundt-løypa, og tok av opp mot Prestkampen. Det var fint å gå utanom løypane, då det var litt laussnø oppå skaren. Etter me hadde vore på Prestkampen, gjekk med på Vestre Bånseterkampen. Me vurderte å gå oppom Avlundskampen og Skeikampen, men fann ut at det ville ta for lang tid, så me gjekk raskaste veg tilbake til bilen. Fin tur i strålande vær.
Rundtur om Kjettberget og Prestkjerringa
- Dato:
- 11.02.2017
Skitur saman med Kristine og pappa. Me køyrde opp til Astridbekken og parkerte der. Frå Astridbekken gjekk me opp på Hærfjellet og vidare til Nysætra. Frå Nysætra gjekk me tilbake til Staumsæterkrysset, og opp mot Værskei. Me tok av like før Værskei og gjekk Kjettbergløypa. Me gjekk i laussnøen opp på Kjettberget og ein liten topp før Kjettberget. Frå Kjettberget gjekk me til Prestkjerringa. I frå Prestkjerringa prøvde me den nye løypa til Augga løypelag ned til Langmyra, men fyst med ein liten avstikkar til Flugstadfjellet. Frå Langmyra gjekk me om Klininggrautsteinen til Astridbekken. Flott tur i strålande vær.
Brumundkampen
- Dato:
- 05.02.2017
- Distanse:
- 42,6km
Tur saman med Kristine. Vi gjekk i frå Gåsbu til Bårdsætra og vidare til Målifjellet. Derifrå gjekk vi til Gitvola og til Brumundsætra og opp på Brumundkampen. Frå Brumundkampen gjekk vi til Kjeltåsen, der er det ikkje køyrt skiløype i år på grunn av tømmerhogst, men det var andre som hadde gått der før, så vi slapp å brøyte helt sjølve. Vidare gjekk vi til Tørbustilen og St. Olav og tilbake til Gåsbu. Ein lang, men fin tur, sjølv om været ikkje var spesielt pent.
