Arkiv - dato

Arkiv - aktivitet

Lister jeg samler etter

Vis alle lister jeg samler etter

Favorittopper

Kvithovd

Dato:
09.06.2025
Turtype:
Fjelltur
Distanse:
4,7km

Tur til Østre Slidre for å plukke nokre nye toppar. Det har vore 10 dagar sidan sist tur. Etter turar torsdag og laurdag i førre veke, blei det smerter i venstre hofta. Fyrste gong, og sannsylegvis betennelse. Det var difor greitt å gå nokre korte turar. Det var ikkje så lett å finne parkering, så det blei langs vegen. Fint at Peakbook hadde ruta denne turen, sidan rutevalet ikkje var heilt enkelt fyrste delen. Det var skilta betre lenger opp i terrenget. Moro å gå nye ruter, og spesielt med furuskog, heilt på toppen, vel 1000 meter over havet. Fin utsikt like under toppen, og til vatnet, lenger nede på ruta.

Kart    

Storehaugen

Dato:
31.05.2025
Turtype:
Fjelltur
Distanse:
6,4km

Fin tur med Sander til Storehaugen. Møtte på 13 personar og to hundar. Lokale, frå nabokommune, og frå andre land. Kjekt at fleire finn fram til denne relativt bratte stien. Kanskje nokre blir litt overraska av kva som skal til også. Imponerande at dei utan tur-klede held ut heile vegen opp :)

Kart    

Molden

Dato:
29.05.2025
Turtype:
Fjelltur
Distanse:
8,3km

Tur med Sander til det fine område omkransa av toppen Molden. Skikkeleg utsiktstopp, til fjord fjell, bre, bygder og fine jordbruksområde. Her er tilrettelagt med noko steinsetting, og ruta blir mykje brukt. Ved start er det mange parkeringsplassar, asfaltert og oppmerka. Toalett og ein liten kiosk, finn ei og. Det var mange på tur her i dag, og ulike språk kunne ein høyre. Mange har med hund, og nokre hadde med sykkel. Finfin tur, og god trim.

Kart    

Glitteregga

Dato:
17.05.2025
Turtype:
Fjelltur
Distanse:
9,6km

Dag to, og topp tre. No snakka me primær-faktor. Over 1000 !! Køyrde mot Hennebygda frå Stryn-sida, for å få med oss heile nordsida her oppe. Mange vakre gardar på solsida her. Fann vegen mot Randastølen, med litt gps-søk. Gjennom eit tun, så bomveg-skilt med Vipps. Bratt på grusvegen i starten opp her. Farten måtte ned grunna tillaga skrå-groper, for å halde vatn borte frå å øydelegge vegbana. Smart det. Alternativet er stor kurvatur og djupe grøfter. Gikk fint opp med Bubilen på 220 X 675. God parkering nedafør stølsområdet. Inngjerda også her. Flott støl. Må gå i gjennom stølsområdet, og så byrja stien på høgre side av elva. God sti oppover, og den er nok mykje brukt. Etter ca 250 høgdemeter flata terrenget ut, og ein kom snart inn i eit flott slette-landskap. >>>

Kart    

Tua

Dato:
16.05.2025
Turtype:
Fjelltur
Distanse:
5,9km

Dagens andre tur. Køyrde opp Stigedalen, inn ved ski-anlegg, opp Fladalen til Movatnet. Her var det ein stor parkeringsplass, med vel halvdelen i inngjerda felt. Her tenkjer grunneigarane på at husdyra ikkje skal gjere skade på bilar. Fantastisk, og rimelege kr 20 for parkeringa. Tavle med omtale av turar, og sitjebenkar ved start. Skilt og raude merke ved turstart, og vidare sti heile vegen mest sannsynleg. Ja, for i øvste tredjedel av ruta var det mykje snø-heilt enno. Ein liten bom på rutevalet opp, men toppen såg ein, så ganske uproblematisk. Fantastisk utsikt også herifrå. Det er noko med toppar som har høg primær-faktor. Sjølvsagt. Sunnmørsalpar og Eidskyrkja mest markert. Brukte lit tid her, gikk ned til vesle varden, og då med utsikt til bygda Bjørke. Ganske kjapp tur >>>

Kart     2 kommentarer

Trollenykjen

Dato:
16.05.2025
Turtype:
Fjelltur
Distanse:
7,2km

Turhelg i Nordfjord med bubil og nokre fjelltoppar. Plan var å byrje med Daurmål i Årdal ved Breimsvatnet, med droppa det grunna usikkerhet omkring snøforholda. Då vart det Trollenykjen ved Eid. Grei rute på tydeleg sti, sett bort frå litt ved oppstart. Styrde etter raud rute på Ut-appen. opp til stølen var det svært fint å gå, m.a. i ein del furuskog. Noko meir fuktig frå stølen og vidare til toppen. Blei svært imponert av utsikta. Heilt topp !! Med snø på toppar, god luft rundt med fjord-armar, ligg det godt til rette. Krydra då også med sikt til breområde. Brukte ein halvtime her oppe, før eg delvis småsprang nedatt. Finfin start på helga.

Kart    

Indrevågefjellet

Dato:
22.03.2025
Turtype:
Fjelltur
Distanse:
6,4km

Var litt spent på denne. Det såg bratt ut. Såg eit drag, og litt oppe i sida var det ein stein med raudt merke. Derifrå sti, og det var det for det meste, til ein kom opp på fjellet. Måtte følgje litt med, og nokre vardar var til hjelp i det brattaste partiet. Før ein kom dit, var det ein flatare parti med gras. Her tenkte eg å halde fram på skrå oppover. Så sjekka eg på høgdekvotar. Då vart det tydeleg, at herifrå skulle eg ganske rett opp. Etter litt såg eg to raude merker under ein bratt skrent. Her måtte ein gå på eit lite hylle-galleri, og så rett opp ei ur. Merka dukka opp att, og no vart stien på nytt betre att. Så dette gikk fint det, sett bort frå at det var skikkeleg strevsamt. Då det flata ut oppå på fjellet, møtte det meg sterk motvind. Vinden måtte >>>

Kart    

Gjelsvikefjellet

Dato:
22.03.2025
Turtype:
Fjelltur
Distanse:
7,8km

Endeleg fint vèr. Men potensielle skiturar på Filefjell, blæs bort. Då frista det heller med barmarkstur til lægre toppar nær kysten. Knapt 3 timar køyretur, og eg kunne ta avgarde frå Rindane. Fin rute innover på vekslande sti og sva i starten. Nokre småkneikar, men ganskje jamn stigning til stølane. Så brattare opp mot topp-punktet. Fantastisk utsikt mot Blæggja-massivet og fleire "Niper". På toppen blæs det kraftig. Nokre få bilder, og rett på retur. Greitt nedatt, heilt til siste få hundre meter. Glei og slo alboge og vreid handleddet då eg tok meg for. Handleddet fekk seg nok ei forstuing, medan albogen gikk det betre med. Men eg skal ein tur til i dag. Det må gå. Godt at det ikkje var foten.

Kart    

Amlaholten

Dato:
23.02.2025
Turtype:
Fjelltur
Distanse:
4,9km

Tur med Sander i dag. Godt og mildt, og snø og is har smelta.

Kart    

Ålfjell

Dato:
09.11.2024
Turtype:
Fjelltur
Distanse:
8,1km

Noko usikker på ruteval her. Men tips og zooming på Norgeskart og Peakbook, leda meg på rett veg. Kjekkare å gå i terreng enn å traske på veg i hyttefelt. Ålfjell er utbygd, eller rettare sagt nedbygd. På veg oppover var det eit stikryssa i skogen med merka begge veger. Gikk ei rute opp, og ei anna ned. I ruta opp var det litt trefall, og ein kom ut av skogen øvst i hyttefeltet. Måtte då noko innatt på veg. Ruta nedatt var svært på god sti. Møtte då sambygdingar for andre gong i dag. I skumringa. Artig. Flott utsikt på toppen. No også litt solnedgang-stemning. Alltid vakkert. Nede att ved bilen kl 16:45. Nesten heilt mørkt, men hovudlykta blei i sekken. Godt nøgd med dagen. Tre turar, og tre raude nåler. Berre 130 km køyring tilbake til Lærdal. Med Polestar, godt lydanlegg >>>

Kart