Arkiv - dato

Arkiv - aktivitet

Lister jeg samler etter

Vis alle lister jeg samler etter

Favorittopper

Toppar i Askvoll

Dato:
05.11.2023
Turtype:
Fjelltur
Distanse:
13,8km

Dag to på toppturfangst i Sunnfjord. Målet var Smørkletten og Hjartåsen. Valde å gå inn dalen og til Smørkletten fyrst. Svært fin tur innover, men bratt mot toppen. Like før toppen fekk eg gleda av nærkontakt med to ørner. Flott utsikt mot hav og fjell. Vidare ned ryggen var det litt vanskeleg å finne beste leia. Rota meg litt for langt mot nord-vest ved eit høve, utan at det vart vanskeleg. Nede ved Askvatnet såg eg kor bratt sida av fjellet var. Men eg følgde ryggen ned. Vidare mot Hjartåsen var det berre å gå på, då eg ikkje såg sti. Følgde hjortetrakk rett opp fyrst, og veksla mellom smådalar og ryggar, slik det såg ut til å høve seg best. Like flott utsikt frå denne toppen, ei markert berg-høgd. No var plan å følgje ruta nedatt. Undervegs kom tanken på Blåfjellet. >>>

Kart    

Sjønakletten

Dato:
04.11.2023
Turtype:
Fjelltur
Distanse:
3,2km

Køyrte ut etter smal veg til skilt Sjønakletten. Heldt fram til eg fekk snu ved ei avkjøyrsle mot ein eigedom. Parkerte på grasfelt ved møteplass ca. 200 meter vest om sti-start. Fin sti i tett barskog oppover. Jamn stigning og fint å gå. Ut or skogen passerte eg like ved fundamenta til ei fjordkryssande kraftlinje. Artig grønnfarge på mastene. Ikkje vakkert, men det må sikkert til. Veldig flott utsikt mot Blægja like før toppen. På toppen sat ei eldre kvinne som hadde gått opp frå andre sida. Vi hadde ein god prat. Turen ho brukte 30 min på for to år sidan, tok no 3 timar grunna sjukdom. Respekt til dei som står på og kjem seg ut på tur på trass av motgang. På returen nedatt, flott utsikt mot havet. Rute utan flystriper, samt mine treningsdata for turen: https://flow.polar.com/training/analysis/7758768205

Kart    

Fauskevarden og Fureviknipa

Dato:
04.11.2023
Turtype:
Fjelltur
Distanse:
8,4km

Helgetur til lågare strok på topptur-samling. Låg over i bubil på parkeringsplass til turbruk. Tidleg i skoa laurdags-morgon. På traktorveg, så over til mykje brukt sti mot Fauskevarden. Noko ising innimellom, så konsentrasjon var påkrevd. Eit bratt opptak vart nesten utfordrande grunna is-kjøver. Men kjettingane vart i sekken. Oppe ved varden etter 55 min. Svært vindfullt i dag, så boblejakke måtte på her. Nydeleg utsikt i alle retninger. Havet, Blægja og Storehesten m/fleire. Så var det å finne ei god rute mot neste topp. Bra sti mellom toppane, sett bort frå eit kort parti. Fann ei hylle å komme litt ned att. Så grei rute vidare, stort sett på sti til neste topp. Sti nedatt derifrå.

Kart    

Vetanosi

Dato:
29.10.2023
Turtype:
Fjelltur
Distanse:
9,8km

Etter ein fin dag i går med besøk til eitt-årige barnebarn, og over 8 timar i bil, var fjelltur rett i dag. Dag med kaldt og klårt ver er fint på denne årstida. På etablert skilta og merka rute opp «Fodnesnakken». Heile tre turpostar på Ut-appen på denne turen. Mykje besøkte St. Olavskjelda og Stegen med den flotte utsikta mot fjorden. Og toppunktet Vetanosi. Sjølv om det er flatt på toppen, er det også fin utsikt frå Vetanosi sitt høgaste punkt. Sjekk-ut skilt ved steinen. Fint også å gå bort til store Varden mot Lærdalsfjorden, noko eg ikkje gjorde i dag. Aldeles nydeleg utsikt på denne turen, både opp og ned, når ein er komme over skoggrensa.

Kart    

Tylderingen

Dato:
25.10.2023
Turtype:
Fjelltur
Distanse:
8,5km

Siste av tre feriedagar. Då blei det ny topptur. Merka rute frå Kleiv i Sogndalsdalen. Tilråda å parkere ved Hodlekvebrui. Sannsynlegvis ved dei blå kontainerane. Ein finn eit par stader litt nærare og. Men ikkje blokker vegar til hyttene. Grei fin sti opp i terrenget her. Brattar til oppover. Litt under og forbi stølen Stepin, eit noko flatere parti. Is og snø frå ca. 800 moh. Måtte trø utanom is-parti her og der. Nærare skaret før fjellryggen gjorde snøen seg meir gjeldande. Bratte kneikar fyrst opp mot ryggen. Valde den ruta opp då eg ikkje var kjend, og ryggar normalt er mindre utsett for djupare snø-parti. Fin rute, men ein del gjennomtrakk måtte påreknast. Kunne med fordel hatt med truger og stavar til deler av turen. Men ingen store problem. Snart opna det seg flotte >>>

Kart    

Sukkertoppen

Dato:
24.10.2023
Turtype:
Fjelltur
Distanse:
5,5km

Parkeringa på tilvist stad i Spjelkavika var oppteken av omfattande anleggsarbeid. Vi køyrde difor vidare. Parkerte bubilen heilt nede ved Korsvika, ca. 1 km frå turstart. Men fint å gå med sola frå sør midt i mot i starten. Den varma. Grei fin og mykje nytta sti. Bearbeida med steinsetjing og diverse mindre inngrep. Det har nok vore naudsamt her, då det var gjørmete i utkant av steinsetjinga. Nydeleg utsikt i alle retningar frå toppen, og fleire stader på tur opp og ned. Spesielt i øvste partiet på fjellryggen. Lett og fin tur. https://flow.polar.com/training/analysis/7751242334

Kart    

Hanekammen

Dato:
22.10.2023
Turtype:
Fjelltur
Distanse:
5,4km

Undra meg litt om ruteval i dag, men enda på ryggen som start. Og kva side av neset ? Inpiserte begge, og valde sør for, sjølv om stipla sti var nord for berget. Tok rett opp grasbakkane, og det vart bratt på slutten i fyrste oppsteget. Nokre fot-trinn, men måtte bruke hendene til sist. Kom opp på eit platå, mot nokre berg, og der stod ein pinne som markør. Passerte eit par pinnar til. Vidare opp ryggen kan ein gå ulikt, men eg følgte mest trakk til eg tangerte stien som går frå byggefeltet, ca. 220 moh. Herifrå fin sti til toppen. Nokre klyve-kneikar innimellom. Fjellet var lettare å bestige enn ein fekk inntrykk av, på litt avstand. Måtte passe meg for litt is på stien innimellom. Svær fin utsikt stadig, og i alle retninger. Toppa etter 1:23, då det gikk svær seint i >>>

Kart    

Topptur-runde høgt i Hemsedal

Dato:
01.10.2023
Turtype:
Fjelltur
Distanse:
13,6km

I dag vart det både bratt, goldt, nydeleg og flott. Det vart også ein omfattande rapport. Forklaring til kva ein ser på alle bileta. Parkerte ved Fetjane. Marita vart att i bubilen, og skulle møte meg seinare ved Løkjestølane. Fyrst inn ca. 2 km på ruta mot Såta, der eg var i går. Ved vatnet, var det fyrst å følgje sti så langt som råd. Så blir det steinete. Det skal gå å følgje ryggen heilt opp. Eg var inne på ryggen i eit naturleg drag, for så å gå innatt i renna. Den var til dels svært laus. Det blei litt att og fram, og freiste å trø på større steinar. Opp her var det bratt og det gikk seint. Oppe flata det heilt ut, for så å stige varsomt opp mot varden på Skurvefjellet, knapt 2 timar etter start. På nordsida av toppen var det rima, og litt glatt på steinane. >>>

Kart    

Storhøvda

Dato:
30.09.2023
Turtype:
Fjelltur
Distanse:
3,9km

Fin enkel tur til Storhovda. På andre sida av vegen overfor Gravset skistadion er det parkeringsplass. Vipps kr 75. Men den gjeld fleire stader på fjellet her. M.a. inne ved vatna der vi overnatta med bubil. Kjekt at Marita vart med på denne turen. Ho har eit kne som kranglar for tida. Fyrst på grusveg bort til nokre hytter på eit stølsområde. Grei sti opp mot toppen. Godt med folk på tur i dag. Noko vindfullt på toppen, som så vidt gikk klar av skogsbeltet på eine sida. Her var også styrtning og loddrett ned. Vi tok nokre bileter. Marita tilbud seg og tok bilder av ein familie med born og besteforeldre på tur. Dei prata tysk og norsk. Lett nedatt. Eg var bortom ei grøn nål og busha litt på returen.

Kart    

Horgi

Dato:
26.09.2023
Turtype:
Fjelltur
Distanse:
9,3km

Tur etter jobb. Dagane blir kortare, og no er det lys til ca. 19:30. Lommelykta er no med i sekken, i fall noko ekstra skulle skje. Men eg har om lag kontroll på tidsbruken, når eg er på tur. Horgi har stått på lista i mange år. Men den lista er lang, eller dei raude nålene er mange. Må prøve å fylle litt på Årdals-lista, sidan listene mine med Hemsedal og Vang har passert 50 %. Fint turvær i dag. Mildt og halvskya. Haustfargane er i emning, og det er fint i fjellet no. Nådde att to jægrar like før Sjursete. Dei skulle jakte hjort i Nundalen. Fjellet er til for ulike interesser. Godt for kropp og sjel for alle som ser nytten. I dag la eg filter på bilda, slik at dei blir litt mørkare, meir kontrast og fargar. Det blir kanskje berre denne gongen. Fekk lyst å markere vakre >>>

Kart