Klantenovi

Dato:

26.11.2023

Turtype:

Fottur

Distanse:

4,0km

Store og Vetle Haugmelen

Dato:

18.11.2023

Turtype:

Fjelltur

Distanse:

16,9km

© Einar Moen Sidan fyrste tur til Store Haugmelen i 2005, har denne lege å vaka hjå meg. Plan var då å ta med Vetle, og plan var definitivt i haust. Men tida går, og mange prosjekt surrar samstundes. Sidan 3 Peakbook-musketeer frå feil side av vass-skilet hadde slått meg i mi ieiga leikegrind, måtte denne turen takast ved fyrste høve (humor). Men ingenting så gale at det ikkje er godt for noko. Gutta frå aust hadde trakka fine spor. Sein avreise i dag, men eg beina på frå parkeringa ved Dalåker kl. 11:55. God brei grusveg dei fyrst 3,7 km, til overgang traktorveg, og sti til sist mot Vassløysa. 1:10 dit. Eg følgde stien som går rett inntil veggen bak øvste hytta aust. Etter kvart var trakka til hjelp oppover, på den måten at eg ikkje trong å leite etter stien. Etter knapt to timar stod >>>

Amlaholten

Dato:

12.11.2023

Turtype:

Løpetur

Distanse:

4,9km

© Einar Moen Når ein fyrst er i siget. Tok av mot Festingdalen i staden for å køyre gjennom tunnelen, og rett ned på ferjekaien. Parkerte ved stistart. Her er plass til 6-8 bilar. Har gått denne runden tre gonger tidlegare. Ved sidan av meg laga ein jæger seg til. Eg sa kor eg tenkte å gå, og spurde om det vart problematisk. Vi lyt dele på området, var hans gode svar. Vekselsvis gikk eg raskt, og småsprang på traktorveg innover. Den blir noko smalare ATV-veg etter kvart. Siste stykke opp mot toppen er «små-klyvete». Oppe på toppen er nydeleg utsikt mot Bleia, og ut fjorden mot flotte fjell over Aurlandsfjorden. Litt for store bartre tek noko av denne utsikta. Heldt fram på brei sti, og etter kvart traktorveg nedatt. Fin rund-tur.

Nuken

Dato:

12.11.2023

Turtype:

Fjelltur

Distanse:

5,6km

© Einar Moen Fyrste tur til Nuken for min del. Vinterføre på god sti innover. Slik også opp den svært bratte vegen merka fyrst Eggum, så Nuken/Åsen. Her var det smal veg, bratt og lite møteplasser. Ingen bekymring opp med 4 hjulsdrift, men litt spent nedatt med tung bil. Det viste seg å vere ugrunna. Ca. 10-12 bilar stod fint oppstilt på skrå, på parkeringa. Stien var litt bratt fyrste få hundre meter. Så flata det ut, og inn i barskog eit kort stykke. Snart oppå fjellet og vidare i lett terreng, med sporadisk småbjørk. Møtte ein del folk, sidan eg var seint ute. Fint innover. Nokre stølshus å sjå, og eit fint like under toppen, som er noko markert. God utsikt 360 grader oppå toppunktet. Skilta vidare, så her oppe kan ein gå diverse ruter, særleg sommarstid. Retur same veg.

Toppar i Førde

Dato:

07.11.2023

Turtype:

Fjelltur

Distanse:

10,5km

© Einar Moen Tok ut ein rettmessig fridag frå jobb, for å vere sjåfør for Marita som hadde ærend i Førde. Ein liten baktanke var det. Topptur på tysdag er ikkje å forakte. Sesongen no passar for toppar under 1000 moh., og normalt utan for mykje plunder. Grei sti opp til Hjellestølen. Skilt viste retninga vidare. Ikkje merkt anna enn nokre steinar oppover. Men tydeleg sti og greitt å finne fram. Flat topp, men god utsikt. Retur same veg nedatt til stølen. Her skilta til Førdsnipa, og tydelegare sti her. Måtte vere merksam på ising fleire stader oppover. Ei hylle hadde eit punkt, rundt eit berg som var tildeles smalt og litt luftig. Gikk fint med forsiktigheit. Også helt øvst var det små snirklande hyller å gå på. Ikkje vanskeleg. På toppen ein stor varde, og skilta rute vidare for nedgang >>>

Høgeheia

Dato:

05.11.2023

Turtype:

Fjelltur

Distanse:

4,6km

© Einar Moen Siste tur, nr. 6 i talet, og 9. raude topp på to dagar i Sunnfjord. I dag ville Marita også vere med på tur. Kjekt. Køyrde heilt til vegs ende ved Holevika. Her var snuplass, men ingen stad å setje bilen. Langt mindre ein bubil. Etter litt fundering, fann vi ein grasbakke 50 meter frå snuplassen, der vi greidde å lirke bilen nett utanom asfaltkanten på den smale vegen. Hytte-eigaren hadde nok vorte småsur, om han kom på besøk til hytta si. Men merka rute var det, med skilt ved start og pinnar med raudfarge undervegs. Godt opparbeida og fin sti heile vegen. Fyrst på grusveg til sti-start, så bratt opp heilt inntil den loddrette fjellveggen. Etter skaret i gjennom tett skog, og så snodde stien seg opp på fjellryggen. Stigning til vel 300 høgdemeter, så småkuppert mot den store >>>

Toppar i Askvoll

Dato:

05.11.2023

Turtype:

Fjelltur

Distanse:

13,8km

© Einar Moen Dag to på toppturfangst i Sunnfjord. Målet var Smørkletten og Hjartåsen. Valde å gå inn dalen og til Smørkletten fyrst. Svært fin tur innover, men bratt mot toppen. Like før toppen fekk eg gleda av nærkontakt med to ørner. Flott utsikt mot hav og fjell. Vidare ned ryggen var det litt vanskeleg å finne beste leia. Rota meg litt for langt mot nord-vest ved eit høve, utan at det vart vanskeleg. Nede ved Askvatnet såg eg kor bratt sida av fjellet var. Men eg følgde ryggen ned. Vidare mot Hjartåsen var det berre å gå på, då eg ikkje såg sti. Følgde hjortetrakk rett opp fyrst, og veksla mellom smådalar og ryggar, slik det såg ut til å høve seg best. Like flott utsikt frå denne toppen, ei markert berg-høgd. No var plan å følgje ruta nedatt. Undervegs kom tanken på Blåfjellet. >>>

Dyrehovden

Dato:

04.11.2023

Turtype:

Fottur

Distanse:

2,6km

© Einar Moen Parkering ved skilta rute. Du må vete kor avkøyring er. Den var nesten usynlig. Ruta gikk på traktorveg, til den gikk over i sti. Bratt opp siste kneika. Svært fin utsikt mot Blægja med nabotoppar, og ut mot havet. Kjapp enkel tur.

Sjønakletten

Dato:

04.11.2023

Turtype:

Fjelltur

Distanse:

3,2km

© Einar Moen Køyrte ut etter smal veg til skilt Sjønakletten. Heldt fram til eg fekk snu ved ei avkjøyrsle mot ein eigedom. Parkerte på grasfelt ved møteplass ca. 200 meter vest om sti-start. Fin sti i tett barskog oppover. Jamn stigning og fint å gå. Ut or skogen passerte eg like ved fundamenta til ei fjordkryssande kraftlinje. Artig grønnfarge på mastene. Ikkje vakkert, men det må sikkert til. Veldig flott utsikt mot Blægja like før toppen. På toppen sat ei eldre kvinne som hadde gått opp frå andre sida. Vi hadde ein god prat. Turen ho brukte 30 min på for to år sidan, tok no 3 timar grunna sjukdom. Respekt til dei som står på og kjem seg ut på tur på trass av motgang. På returen nedatt, flott utsikt mot havet. Rute utan flystriper, samt mine treningsdata for turen: https://flow.polar.com/training/analysis/7758768205

Djupeviknipa

Dato:

04.11.2023

Turtype:

Fottur

Distanse:

2,5km

© Einar Moen Lett og mykje brukt rute. Her var det på gang tiltak med omlegging, steinsetjing og grusing av stien. Gikk berre til sjølve toppen. Ruta går vidare bortetter heia. Fint turområde med flott utsikt. Men også stor "trafikk" av turgåarar. Unge, og eldre. Born på tur med besteforeldre. Nokre hadde hundar på slep, og nokre jogga.