Archive - Date

Archive - Activity

Peakbook-Friends

So far I'm not a Peakbook-friend of anyone.

Collected lists

Show all collected lists

Tverrbottindar - solotur i full fart

Date:
03.08.2016
Characteristic:
Hillwalk
Duration:
5:00h
Distance:
10.2km

Køyrte opp til Leirdalen og etablerte camp like før Geitsætre - god og fin mobildekning som vanleg der. Tok ein rask tur opp til Leirvassbu for å helsa på kjende som skulle på Visbretinden dagen etter. Eg ynskte å ta alle Tverrbottindar, muligens også Tverrbytthorntindane. Været var overraskande bra med lite og låge tåkeskyer. Starta ved 1327 og det gjekk ganske raskt oppover til Leirløyfte. Kryssa 2 snøfonner utan problem og valde ei direkte rute rett opp mot Vest for Tverrbottinden V1 (2110 moh) og ikkje til skaret mellom Store og Vest. Oppe på fyrste topp under 1,5 time og vidare ned ca 30 høgdemeter og fann greit ruta opp til Tverrbottinden V1 (2113 moh). Koste meg litt her og kunne skimta folk på Midtre som mest sannsynleg gjekk motsatt retning. Fort nedover igjen og opp >>>

Map    

Buvassnosi - trøyst i tullever

Date:
01.08.2016
Characteristic:
Jogging
Duration:
2:30h

Planen var tur i Hurrungane men sidan Yr.no-guden ikkje lova det han skulle vart det ein bedageleg tur til Buvassnosi og Tyineggi. Enno større trøyst i god kost & fin vin på ettermiddagen .

Map    

Stølsmaradalstinden

Date:
30.07.2016
Characteristic:
Alpine trip
Duration:
9:00h
Distance:
21.8km

Stølsmaradalstinden vart opp og avgjort som turmål - siste timane før leggetid på Tyin. Henta Kristin på Sletterust og avgårde til Murane på Tindevegen - i tåke. Peila oss raskt inn i Austanbotn, Astanbotnelvi var svært stor og vading i undik gjekk fint det og. MERK: Vi fann bru ved retur omtrent ved kote 1100 like etter Murane! So bar det oppover til Gravdalsbandet og terrenget var nydeleg og raskt å gå i. Like oppunder fant vi gamle fangstgroper: Ein rask matpause før vi runda oppom 1343 og ved 1414 og kryssa Gravdøla greit like under 1368 - vatnet. Mykje tåkeskyer som gjekk og forsvann men vi forstod raskt ruta oppover ryggen - ei svart renne rundt 1600 moh med den brattaste klyvinga. Utruleg sleipt oppover lia sidan vi valde den brattase ruta opp og såg at den litt slakare >>>

Map    

Uranostravers & Slingsbytinden

Date:
28.07.2016
Characteristic:
Alpine trip
Duration:
8:00h
Distance:
18.0km

I hui og hast vart det avgjort omtrent kl 22.30 tirsdagskveld at det vart Uranostravers dagen etter. Beste vermelding denne veka og ei god trøyst for kansellert Skagastølstravers.. Starta klokka 9 presis frå Koldedalen saman med Kristin med utruleg fint tempo og driv oppover mot S2. Regn og tåke men lovnad frå Yr-guden om at sola kom klokka 12 var det berre å gi full gass. Sleip steinur skal seiast men oppover gjekk det svært fort. S2 vart nådd omtrent etter 2,5 timar og vidare til S1. Ein liten matpuase før stortoppen og då kom sjølvaste sola. Heretter var det løpande sikring med eit par faste sikringspunkt oppover. Toppen vart nådd like før kl 13, i underkant av fire timar frå start. På vegen ned møtte vi nokre fjellførarar med gjester frå Fondsbu. Tida var god så det var berre >>>

Map    

Semelholstinden - via det nordlege brefallet på Visbreen

Date:
10.07.2016
Characteristic:
Alpine trip
Duration:
8:00h

Eit svært godt men intensivt kurs - om enn for noko spesielt interesserte: Vidaregåande brekurs for 2-manns taulag. Lite brukt i Noreg men nytta i Alpane. Eit lite antal deltakarer med svært god oppfølging med teknikk, redning og fritt val av rute & planlegging. Det var difor Semelholstinden (2147 moh) via det nordlege brefallet frå Visdalen som endeleg "eksamen". Mykje snø gjorde forsering av brefallet frå nord ganske greit. Semelholstinden i horisonten: I ein bresprekk - men like blid: Redningskvinnnen er på hugget:

Map    

Kyrkja - Rask & fin ettermiddagstur

Date:
07.07.2016
Characteristic:
Hike
Duration:
2:00h

Nydeleg ver etter sein ankomst til Leirvassbu gjorde at det måtte blir ein rask ettermiddagstur til sjølvaste Kyrkja. Ein knapp time til topps og svært hyggeleg møte med to kjekke ungdomar som jobba på Spiterstulen for somaren og hadde ein fridag. Representerte DNT Ung Bergen og mykje gode planar for neste år var på gang!

Map    

Galdebergtinden

Date:
04.10.2014
Characteristic:
Hillwalk
Duration:
7:30h
Distance:
20.2km

Turen starta frå Eidsbugarden i relativt fint ver, toppen var iallefall synleg. Fint og lettgått terreng opp til bru over Høystakkane og vidare oppover til sørsida av Uksedalshø. Frå Uksedalen hadde vi endå god sikt og kunne skimte to karar på veg oppover fjellryggen nærmare Bygdin. Vi tok sikte på nordvestryggen. På ca 1700 kom tåka svært raskt og det vart litt ugjestmildt i det brattaste partiet. Is, snø og klyving oppover. Traff også eit turfylgje med tre jenter på veg ned. Etterkvart vart det heilt kvitt så GPS vart brukt opp mot toppen. Det var i grunn berre å returnera og vi valde å gå lenger mot sørvest der ein finn enkelte vardar. Vi såg også spora til gutta boys som hadde snudd og gått ned før toppen. Så fann vi den lengste snørenna og rutsja i kanonfart nedetter. >>>

Map    

Uranostind S2

Date:
03.10.2014
Characteristic:
Alpine trip

Utgangspunktet var heile turen over Uranostraversen. Etterkvart som høgden, isen og snøen kom nærmare på vart det for skummelt for enkelte i turfylgjet. Så det vart retur til hytta med rødvin og peiskos. Flott tur likevel.

Map    

Utladalen og Friken

Date:
18.09.2014
Characteristic:
Hillwalk
Distance:
40.5km

En rask tur med sykkel til Vetti, før oppstigninga til Vettismorki og vidare til Fleskedalen i strålande haustver. Sol, 18 grader og vindstille. Jaktlaget låg og sov ved stølane i Fleskedalen. Her var det felt to hjortar, ei elgkolle og kalv i løpet av morgontimane. Turen gjekk raskt vidare til like under Friken og nedover til Skogadalsbøen før mørket kom. Artig nok var det røyk i pipa og godt selskap frå ein uforskamma sprek tindemann. 74 år og stadig på jakt etter nye ruter! Eit raskt bad i Skogadøla og middagen vart ein fest med Lapskaus. Tidleg start med raske steg mot Friken. Nydeleg å sjå tidlegare bestigningar frå denne kanten. Friken er verken høg eller krevjande samanlikna med nabotoppane men likevel verdt eit besøk.

Map    

Mykkeltveitveten

Date:
13.09.2014
Characteristic:
Hillwalk
Duration:
3:30h
Distance:
11.5km

Flott topp- og treningstur til Mykkeltveitveten i 20 grader og sol i midten av september. Start frå Hagen, via Hagenstølen, litt vidare til den gamle løa som er delvis demontert og deretter rett til topps. Noko sti og dyretråkk elles lettgått terreng. Turen gjekk vidare via Kyrabotn, til stølane på Selset og Flaga- og Svangastølen før retur til Hagen igjen. Her er det berre å venta på vinteren og ta skia fatt for ein glimrande topptur.

Map