Etter gårsdagens vær, så er det godt å komme seg på ein ny tur vel vitande om at det stort sett er blautt i marka.
Det er ei stund sidan sist eg var på Skratleheia og tenkte det var ein grei tur i dag. Hadde planer om å ta samme rute som sist, men det var uråd å komme over elva ved Skarsvatnet. Vi valte difor å gå til venstre ved vatnet. Det var sti langs vatnet, så det var heilt greitt å gå. Vi studerte litt på korleis vi skulle komme oss opp på ryggen og valte ei grei rute opp utan sti. Oppe på høgda fann vi ein sti vi fulgte eit stykke før den vart vekk, mest truleg på grunn av litt myrete terreng.
Greitt å finne fram til toppen derfra uansett. På returen fann vi ein sti ned frå høgda. Denne fulgte vi og tok av mot venstre opp igjen til Skarsvatnet. Det blei ein liten dukkert i vatnet før vi for nedatt til bilen. Tenkt så heldige vi var. Stort sett opplett og til og med litt sol på vegen.
User comments