Gjegnen (07.09.2025)
| Characteristic | Hillwalk |
|---|---|
| Duration | 11h 00min |
| Distance | 29.3km |
| Vertical meters | 2,199m |
| Map |
|
| Ascents | Gjegnen (1,670m) | 07.09.2025 |
|---|---|---|
| Visits of other PBEs | Gjegnabu (1,174m) | 07.09.2025 |
| Hope parkering Gjegnabu (167m) | 07.09.2025 | |
| Hope parkering skiltet (40m) | 07.09.2025 | |
| Lavesteinen (730m) | 07.09.2025 |
Gjegnen har stått på ønskjelista lenge. Og både tidspunktet og været stemte sånn nokon lunde. Det er sjeldan at det kan passe med ein todagerstur og etter det eg har forstått er det anbefalt. Men etter å ha forhøyrt meg med nokre som meinte det kan gå greitt på ein dag så tok eg sjansen. Eg sendte ut ein open invitasjon på tur til Gjegnen, utan respons fann eg det greitt å ta turen likevel. Var litt usikker på vegen opp til øvste parkeringsplassen, så eg parkerte ved den nedste. Fann fort ut at det hadde gått heilt fint å køyre opp. Bratt opp mot Lavesteinen og vidare opp på høgda mot Gjegnabu.
Eit lite stykke før Gjegnabu var det lett terreng bort til hytta. Der vert det tydelegvis sett opp ei ny hytte. Ved Gjegnabu var det ein kar som hadde kome opp litt før meg.
Han hadde eigentleg tenkt å gå nedatt, men ettersom eg skulle opp, slo han følge. Ein liten lunsjpause ved Gjegnabu før vi gjekk vidare mot toppen. Vi hadde fint driv oppover og delvis merka bortover mot breen. Veldig fint terreng å gå i ettersom det var mykje berg og lite steinrøys. Vi måtte nesten bort til breen før vi kunne gå opp på hylla sidan det ikkje var snø.
Ei steinur med store kampesteinar eit lite stykke før vi gjekk vidare på berg oppover. Det siste stykket opp mot ryggen var steinur. Så relativt lettgått bort til toppen.
Ein liten stopp på toppen for å nyte utsikta. Jammen er det eit mektig skue med breen, terrenget og dei flotte fjellformasjonane rundt. Virkeleg ein lykkefølelse.
For å unngå for mykje vind på veg nedatt gjekk vi litt nedanfor toppen (utan at det hjalp nemneverdig).
Nede ved det lågaste punktet mellom Gjegnen og Gjegnabu traff vi på ein kar som skulle opp og nedatt samme dagen. Vi blei litt spent på om han nådde opp og ned før det vart mørkt.
Ein liten middagspause på Gjegnabu før det bar nedover mot bilen.
Vel nede i bilen kjentes det på kroppen med 3 mil og vel 2000 høgdemeter. Kjekt at eg fekk med meg følge opp til Gjegnen. Det er absolutt flott når merkinga ikkje er så god og ein er fleire å vurdere trasear.
User comments