Eg har lenge sett på Rikeloftet og tenkt eg skulle ta turen. Og i dag passa det med både vær og tid. Eg har vore litt spent på turen sidan det er beskrive som luftig opp Tverreggsnasa og på ut.no så står det at ein ikkje bør gå opp der dersom ein har høgdeskrekk. Kor gale kan det være då??? Eg har rett nok litt høgdeskrekk, men eg har testa den ut nokre gongar på andre turar og det har stort sett gått bra. Køyrde opp ein grusveg frå Ytrehus og fann parkeringsplass. Gjekk innover under høgspentlinja og tok til høgre opp lia. Fann ein og anna sti her og der og etter kvart var det merka der det var naudsynt med merking. Oppe ved omnen studerte eg ruta vidare opp og tok sjansen på å prøve. Grei merking gjorde at det gjekk lettare enn eg hadde trudd. Vel oppe på Tverrfjellet var det grei skuring opp til Rikeloftet nord. Neste utfordring var å gå over egga mellom toppane. Den var ikkje så brei, så det gjekk roleg for seg bortover. Ein liten pause på toppen før returen med like roleg og fokusert passering av både egga og Tverreggnasa. Utsikta frå toppen veg opp for den utfordringa eg hadde med høgdeskrekken. Godt nøgd med dagens tur og bragd.
User comments