Archive - Date
Archive - Activity
-
Drive (1)
- Car drive (1)
-
Other trip (2)
- Expedition (2)
-
Ski trip (258)
- Backcountry skiing (73)
- Cross-country skiing (176)
- Trip by foot (473)
Collected lists
-
Ringebu ≥ 50 m p.f.
(81/82)
98% -
Ringebu ≥ 100m pf.
(33/34)
97%
-
Gausdal ≥ 50m pf.
(59/62)
95%
-
Gausdal ≥ 100m pf.
(24/26)
92%
-
Folldal ≥ 100m pf.
(43/48)
89%
Topptur i rolige omgivelser i Nordre Land
- Date:
- 23.05.2019
- Characteristic:
- Hillwalk
- Duration:
- 3:45h
- Distance:
- 11.4km
Fin skogstur på ulike skogstoppar. Lite stiar mot sjølve toppane, tydeleg at få betraktar desse som naturlege turmål. Generelt lite utsikt, men fint skogsterreng, delvis preg av urskog, til dels ganske bratt og kupert. Mykje myr i området, gode sko er ein fordel.
GPS-klokka gjekk straumtom. Det er gjort forsøk på å finne rett turlengd, det er denne som står oppført.
Første topp i Hamar
- Date:
- 18.11.2018
- Characteristic:
- Hillwalk
- Duration:
- 1:06h
- Distance:
- 3.6km
Eg hadde ikkje store planar om å starte toppsamling i Hamar. Men etter å ha vore på siste topp i Ringsaker, var det jo like greitt å utnytte muligheter i nærområdet.
Starta frå Stenfjellhytta og gjekk på god sti mot aust. Litt våt nokre stader, men det var no lagt godt ut med plank. Fine og opne myrflater. Flott utsikt mot skoddehavet i sør frå Steinfjellhytta.
Som ein ser, er det lite snø i forhold til normalen i fjellet her.
Høglikollen
- Date:
- 27.10.2018
- Characteristic:
- Hillwalk
- Duration:
- 1:12h
- Distance:
- 4.1km
Dagens første turmål var Høglikollen. Turen gjekk langs sti / skiløype, rett før eg svingte av mot toppen. GPS var viktig å bruke for å finne toppunktet, ikkje pga sikt, det var skoglaust på toppen, men fordi toppen var så flat! Men utsikta var bra.
Det var eit sjakkbrett å gå her i dag med frost og tørre forhold, då det elles nok er nokså vått å gå her. Fin og til dels urørt natur av bjørk, gran, myr m.m. i Hynna naturreservat. Tørt snødryss i terrenget.
Hornsjøkampen
- Date:
- 27.10.2018
- Characteristic:
- Hillwalk
- Duration:
- 2:02h
- Distance:
- 6.0km
Etter å ha vore på Høglikollen, var Hornsjøkampen neste mål. Turen starta ved demningen i sørenden av Hornsjøen, og gjekk på brukbar sti langs vatnet og litt oppover. Her var det myrlendt, og sti var berre delvis tydeleg opp mot toppen, før den vart tydelegare mot toppen.
Flott terreng, som er til dels urørt, med høge grantre, bjørker og mange myrer. Så lenge det er så kaldt og tørt som no, er det berre ein fornøyelse å gå over myrene.
Brukbar utsikt frå toppen, iallfall mot aust.
Supert å samle på slike toppar som dette, då det gir meg muligheten til å gå på fine plassar eg elles ikkje hadde tenkt å gå på.
Heimhaugen
- Date:
- 11.08.2018
- Characteristic:
- Hillwalk
- Distance:
- 3.4km
Dagens første topp var til Heimhaugen. Det hadde regna kraftig dagen før, og då terrenget er myrete og stiane/traktorspora generelt våte, vart det ein litt våt tur.
Fin utsikt oppetter lia, og med litt meir tilrettelegging kan dette bli ein fin tur for fleire enn peakbookarar. Men kanskje best å gå opp frå sørsida, eg innbiller meg at det ikkje er så vått der.
Kollhaugen
- Date:
- 11.08.2018
- Characteristic:
- Hillwalk
- Distance:
- 7.1km
Fin tur til Kollhaugen. Stiane mellom Bondlisetra og krysset aust for Austre Flisvatnet var gode, der sørlege sti var blåmerka.
Stien frå krysset og nordover var noko dårlegare, noko som delvis skuldast at stien gjekk over myr. Anbefalar godt fotty her. I tillegg bad eg vel litt om våte forhold her, då det hadde pøsregna dagen før.
Lite sti på oppstigninga mellom 845 moh. og Kollhaugen, men her fann eg ny blåmerking, så her har lokalt idrettslag eller lokale eldsjeler tenkt at dette skal bli ein godt trakka sti etterkvart. Godt initiativ, med tilrettelegging for tydelgegare sti til toppen, dette varmar eit toppsamlarhjerte!
Langhøa og Langhøa søraust for
- Date:
- 26.07.2018
- Characteristic:
- Hillwalk
- Distance:
- 9.9km
Då vart det topptur på Langhøa-massivet.
Litt krattete terreng til å starte med, men vart betre lenger oppe i høgda, då det gjekk over til å bli veldig lettgått, sjølv utan sti. På veg oppover var det lite sti, men kva gjer no det når ein kan følgje eit tørt bekkeleie for store delar av oppoverturen :) (sjå foto).
På toppen av Langhøa møtte eg to andre turgåarar. Flott utsikt. Deretter gjekk eg mot neste topp, veldig lettgått og fint terreng, sjå foto.
Etter siste toppen var det ned att til bilen på Storvollen.
Råtåsjøhøi
- Date:
- 24.07.2018
- Characteristic:
- Hillwalk
- Distance:
- 6.7km
Fin tur til Råtåsjøhøi etter å ha vore på Steinhøi tidlegare. Spora oppover og nedover gav ein ganske grei topptur ihht. min smak. Ingen markerte stiar her, med unntak av sauetrakk som delvis vart følgd.
