Gjekk opp til hoveddammen til Lyngsvatnet og via Tjørnastølfjellet til Klubbafjellets to topper. Så bortom Klubbane og ned i Lyngsdalen og opp til Langafjellet. Her står ein flott varde på trigpunktet, men høgaste punkt viser seg å vere ca 200 m lenger nordaust. Så ned til Meinstjørna og over fleire sekundærtopper i dette området. Vidare bort til Rausdalsfjellet som har flott varde. Siste topp blei Middagsknuten der eg måtte bratt ned i Nystølskardet til fots. Isøks var veldig godt å ha med nedover i den nordvendte skråninga med hard snø. Mjuk snø i den sørvendte skråninga opp til Middagsknuten. Retur tilbake via Rausdalsfjellet og rant ned sørover i Lyngsdalen og ut på det regulerte og sterkt nedtappa Lyngsvatnet. Gjekk i land ved hoveddammen i vestenden og så ned til Songesandvegen. Sola hadde då for lengst gått ned, men akkurat lyst nok uten håvelykt. Dagen etter var det vestavind og nedbør så då reiste eg heim etter 3 flotte dager i Lyngsheia.
User comments