Kom Rv 13 over Vikafjellet, og kjørte opp til Grønsberg på ca 440 moh. Bar med meg ski og gjekk på god grusveg opp til Nummedalsstølen, og vidare i terrenget oppover. Skiføre over ca 850 moh. Gjekk en trase noe vest for sommerstien nordover, og oppe på ryggen dreide eg austover opp til Rambertinden som har stor varde med boks og bok. Meste skyfri himmel, men disig utover Sognefjorden. Jotunheimtopper kunne og skimtes i disen. Hadde 1,5t mat- og utsiktspause der før eg gjekk videre over Nummestolane og 1548-toppen og ankom Fresvikbreen i nydelig kveldssol.
Var oppom 1625-toppen då sola gjekk ned, og så retur over ei nordligere rute over vatn 1410 og nord for 1548-toppen og Nummestolane til sadelen sør for Rambertinden. Gjekk så vestover til tjern 1453 og ned til fots i ei bratt renne vest for punkt 1484 ned til Stuasetbotnen, og det gjekk derfrå raskt ned den store flanken ned mot Nummedalsstølen. Til slutt på vegen igjen ned til Grønsberg. Natta var ljos nok til at eg ikkje trengte lykt. Min hittil lengste tur i år på 12,5t.
User comments