Avlundskampen (09.10.2012)

Tur saman med mor og Marwin til Avlundskampen, som mor mangla på Topptrimkortet sitt. Sol frå blå himmel, kald vind og 10 cm med snø. Flott tur! Sjølv leverte eg Topptrimkortet for ei god stund sidan, men har gjort det til ein sport å vere med andre folk når dei skal få stempla ferdig korta sine (så lengje det ikkje hindrar meg frå å kome meg ut på nye turar). På kvelden vart eg difor med Jorid til Stuksrud, som var hennar siste "topp". Fin kveldstur med te, hovudlykt og stjerneklår himmel.