Hedmarkstriangelet - dei første toppane i Hedmark

Date:

12.04.2015

Characteristic:

Backcountry skiing

© Kristin Bakken Tidleg påske og flotte skiforhold i fjellet motiverte til å reservere denne sundagen til ein skitopp. Valet fell på Hedmarkstriangelet, tre toppar kunne kanskje forsvare dagstur frå Oslo? Kom frå byen kl 0900, bra til å vere meg, men tulla med køyringa, for dårleg bilkart og fomla med den nye gps'en i bilen. Eg skulle ha tatt av der det sto Brumund sag, men køyrde rett fram og havna til slutt ved Mesnali, og derifrå visste eg ikkje om det var tversovervegar, så eg køyrde attende, spurde meg for og fann ein tversoverveg forbi Veldre skistadion til bommen ved Brumund sag. Hadde ikkje 105 kr i cash, ei heller penn, og luka var ikkje betjent, så eg feide innover utan å betale....Det var mykje lenger oppover enn eg hadde tenkt, fleire mil, så då eg kom til Skvaldra blei kl 1230 før >>>

Påskeklassikaren

Date:

04.04.2015

Characteristic:

Backcountry skiing

Duration:

5:30h

Distance:

24.0km

© Kristin Bakken Ny flott påskedag. 10 minus i dag tidleg og blank himmel. Starta kl 1015 frå hytta. Gjekk på ski til Dammen, bar skia til myra før Gåsevatn, så Gåsevassdalen opp og rundt Rust. Kom opp nordfrå. På toppen møtte vi to bygdekjenningar. Rasta på sjølve toppen i le bak "Høna". Fint når sola var framme. Litt kaldt når det glei småskyer framfor sola. Køyrde ned på baksida og møtte broren min med to av barna og kone på veg opp. Vi heldt mot vest og køyrde ned til Skardstaul der vi tok til høgre opp skardet og etter kvart kom vi til Hovdestaul. Derifrå ned til Bøle, ned ekrene og skogen og så ut på Gjevarvatnet og isen heim. Bakglatt dei siste 9 km, men god glid over isen. Var heime 1545. Ca 24 km. Torunn og Uncas var med.

Vind på Storegrønut

Date:

01.04.2015

Characteristic:

Backcountry skiing

Distance:

20.0km

© Kristin Bakken Skitur med Tom og Uncas. Køyrde til Vinsvål, gjekk opp Røynbrekka og via Vorvatn til rett under Storegrønut. Der rasta vi med vindsekken som levegg. Så opp til toppen, dei siste metrane på beina. Dette var første gong der oppe for Tom. Litt synd med svært sterk vind og litt overskya, men utsikten var vid og flott. Vi gjekk rundt toppen mot vest og sør før vi rann ned Bjålandsdalen og gjekk Kjerringdalan tilbake til rasteplassen og så heim att. Litt vrient føre, ikkje ordentleg skare og tørr snø og frosne spor frå i går - der vi hadde spor. Dryge 20 km.

Lenge planlagt - fint gjennomført

Date:

28.03.2015

Characteristic:

Backcountry skiing

Distance:

20.0km

© Kristin Bakken Påska starta med besøk på hytta til Finn på Vaset, og besøket var planlagt med kommunetoppen som viktigaste program. Vakna til sol, blå himmel, vindstille og 5 minus. Køyrde til Buaråne og parkerte. Følgde skutespor over vatnet og rundt til Bukono-stølen. Litt lenger fram tok vi av oppover i bjørkeskogen. Opent lende, 5-10 cm nysnø, pussig nok tendensar til klabbing. Vi gjekk opp til den første varden og følgde vardane vidare til Gråkampen. Då hadde vêret endra seg, og vi hadde ganske kraftig vind. Heldt fram til toppunktet, måtte ta på meir klede, fint å vere oppe. Den nye kassa med ny bok mangla framleis penn, det burde vi ha tenkt på etter å ha lese Ole Petter sin rapport. No svært kraftig vind, hunden bles nesten av toppen. Prøvde å raste inne i vindsekk eit stykke >>>

Mælefjell

Date:

21.03.2015

Characteristic:

Backcountry skiing

Distance:

21.0km

© Kristin Bakken Har drøymt om denne lenge. I dag hadde vil kuldegrader, strålande sol, skare under og nysnø frå i går. Noko vind var meldt, men det løya utover dagen. Vi køyrde til Natadal og kosta på gjennom open bom. Men eit lite stykke oppi der låg ei gran tvers over vegen, så bilen blei parkert ved bommen. (Det var bra, for då vi kom tilbake, var bommen låst.) vi gjekk og bar skia langs vegen heilt til Juvet, det er der vegen kryssar bekken og svingar opp mot aust i lia over bekken. Så gjekk vi med fellar oppover til Mælstaul. Nydeleg plass. Meir og meir nysnø frå dagen før, og frå staulen og opp Tjønnskar var det kanskje 10 cm tørr nysnø. Vi gjekk skaret opp til vi såg Rusttjønnan. Møtte ei lokalkjend dame med hund, som sa at dette skaret er rasfarleg under andre forhold, men ikkje >>>

Rustfjellet

Date:

15.03.2015

Characteristic:

Backcountry skiing

Topp i Telemark-prosjektet

Date:

14.03.2015

Characteristic:

Backcountry skiing

© Kristin Bakken Berre ein topp til samleprosjekta så langt i vinter, har prioritert km på ski, men denne hyttehelga hadde eg planlagt å utvide samlinga Telemarks-toppar. Valet fell på Røysdalsnuten, høgast punkt i Lifjell, ikkje kommunetopp, men høyrer til den fine samlinga med kremtoppar i Telemark, toppar med pf større enn 500. Vi køyrde til Flatdal og tok vegen opp Grunningsdalen. 60 kr i bompengar. Parkerte på plassen ved Grimås. Det bles overraskande nok, ikkje ei sky, men altså noko vind og knallhard skare. Vi gjekk opp dei bratte kneikane til vi kom opp på platået, men i staden for å følgje løypa, gjekk vi nutane og liene til venstre, og kom ned til Årstaultjønni. Der sett vi frå oss skia, og gjekk med stavar opp den bratte renna til venstre for nuten og runda så bakifrå og kom >>>

Årets første, herleg skitur!

Date:

18.01.2015

Characteristic:

Cross-country skiing

© Kristin Bakken Årets første tur gjekk til Totenåsen. Frå dårlege skiforhold i Oslo kom vi opp til draumeforhold ved Torsætra. Nykøyrde løyper frå dagen før, seks minusgrader og snøtung juletreskog. Desutan vakker januarhimmel. Ingenting kunne ha vore betre, og vi gjekk den sørvendte traseen opp til Rausteinhytta. flott føre. Vel opp åt vi niste inne på hytta som er open til 1500 både sundagar og laurdagar. Etterpå gjekk vi dei par hundre metrane opp til tårnet, laussnøen hadde ganske bra hald, så det gjekk greitt. Nedturen var ein flott hellande trasé, 300 høgdemeter fordelt på dryge 10 km. Så status blei 21 km. Tom, Dagfinn og Helge var med.

Finaste skituren i år og kommunetopp nr 113

Date:

27.04.2014

Characteristic:

Backcountry skiing

Draumehelg på Valdresflye. Laurdagen gjekk turen til Vestre Kalvehøgde inkludert det meste anna på vegen. MEn i dag sundag køyrde vi nordover og ned til den nordlege bommen der vi gjekk rett aust og oppover til Heimdalshøe. Feller heile vegen opp. Herleg dag, blikkstille og så varmt at vi gjekk utan lue og anorakk. Vi gjekk opp kvista løype til høgre for toppen på 1732 og til venstre for Rundhøe og Veslefjellet. Vi møtte 2 + 3 skiløyparar på veg ned, og sjølve var vi oppe etter 2 timar og 45 minutt. ca 700 høgdemeter og 6,3 km. Rasta på toppen i dei same trøyene, absolutt blikkstille, og utruleg utsikt i alle retningar. Vi fekk verkeleg stjerneoversikt over Gjendealpene og alt anna i grunnen. nedturen var moro. Vått føre, men heilt fint å køyre svingar nedover. Heile turen >>>

Første tur på ski over 2000 m

Date:

26.04.2014

Characteristic:

Backcountry skiing

© Kristin Bakken Starta på ski klokka 0915 frå Valdresflye vandrehjem. Strålande sol og vindstille. Isklister frå starten, men fellene kom raskt på. Opp Steindalen og over Raslet, deretter opp til bandet mellom Rasletinden og toppen sør for Mugna. Tok av vestover og var oppom toppen på 2088 før vi rasta og kom til Mugna. Fabelaktig utsikt og framleis ikkje vind. Følgde så løypa bortover langs juvkanten til Austre Kalvehøgde der vi gjekk oppom. Så vidare om Midtre Klavehøgde før vi køyrde ned til der siste klatreetappen byrja opp til Vestre Kalvehøgde. Heile dette strekket gjekk vi med feller. Ikke vind på toppen og fabelaktig ettermiddagssol og utsikt. Tok av fellene etter Austre Kalvehøgde, men dårleg kvalitet i utforkøyringane. Såpass kaldt at det byrja å fryse på att etter som det >>>