Klassisk Rust-tur

Date:

26.07.2018

Duration:

2:58h

Distance:

7.4km

© Kristin Bakken Familietur til Rust. Berre spreke vaksne denne gongen, så det gjekk radig oppover, med innlagde spurter/løping for to av nevøane. Starta frå Dammen og gjekk så raskaste vegen rett opp om Kåbakkan. Fotosesjon på toppen, så bort til dammen ved Bjønnutdveggwn der vi bada og åt niste. Eg gjekk først og raskt ned til bolledeig og hunden som venta inne og til bad på brygga. Erling, Anniken, Vilde, Kari, Knut, Eirik, Sigrid og Sondre var med. 7,45 km, 712 hm som ein berre må stille spørsmål til, er vel meir ca 550? Var borte i 2 timar og 57 minutt.

Gryvlun igjen

Date:

25.07.2018

Duration:

4:00h

Distance:

10.5km

© Kristin Bakken Herleg tur i varmt og stille vêr frå Slettevad. Møtte to hoggorm, elles ikkje «folk». Vinprøvde å gå ein runde bort til Snofonnskardet og sleiver, men mista stigen og rota litt på heimvegen. Anniken, Vilde og Sondre var med. 10,45 km, 509hm, 4 timar og 2 minutt inkludert pause.

Hestenutan med bad og molter

Date:

23.07.2018

Duration:

5:43h

Distance:

17.0km

© Kristin Bakken Starta ved Manarosdammen. Gjekk Millionvegen til første vegskilje. Så opp til Stav, og deretter merka stig til Damtjønn. Vidare til Bøkretjønn der vi spiste litt, sette frå oss sekkane, og gjekk vidare forbi flyvraket til topps. Nedatt langs austre ryggen til Bøkretjønn og lang rast med bad. Eirik og Sigrid skulle overnatte i telt, og vi gjekk frå dei der. Ved første moltemyr blei eg att, Tom, Knut, Anniken og Erling gjekk raskt tilbake til bilen. Eg plukka eit par liter molter i vakker kveldssol, og var litt mør då eg kom tilbake til bilen etter sju timar. Gps-klokka gjekk dessverre tom for batteri. Men Toms klokke viste 17 km og 860 hm.

Vornuten

Date:

21.07.2018

Characteristic:

Hillwalk

Duration:

3:08h

Distance:

15.0km

© Kristin Bakken Køyrde til Kasin og starta der. Så Løkin, Venelitjønn, Nordbøkriklan og Myklevatn. Bada på holmen. Der snudde Erling, Eirik og Sigrid. Anniken og eg gjekk vidare til Vornuten, så Haugebu, nordsida av Vorvatn, Kinsarviktjønni, over til vegen til Kinsarvik og ned Røynbrekka. Erling plukka oss opp ved Vinsvål. Utruleg mykje molter. Eg plukka tre liter. Varmt badevatn i Myklevatn, kanskje 19 grader? 15 km. 930 hm utruleg nok, mykje opp og ned. 5 timar og 25 min.

Ben Nevis i strålande sol

Date:

06.07.2018

Characteristic:

Hillwalk

Distance:

16.6km

© Kristin Bakken Overnatta på svært shabby hotell i Fort William, sov dårleg, men kom i alle fall tidleg i gang. Kjøpte frukost og niste på Tesco som opna kl 0700, og køyrde til Glen Nevis der vi spiste frukost ved Visitorsenteret før vi starta å gå ca kl 0830. Var litt imponerte over dei vi møtte på veg ned i 0900-tida! Gjekk alle tre samla opp til innsjøen, men derifrå gjekk Tom og eg litt på i forvegen, medan Marit ville gå seinare og vurdere å snu om det blei for langt. Vi brukte tre timar opp, rasta og tok bilete, og beundra utsikta, før vi ringte Marit for å høyre korleis ho låg an. Då hadde ho falle på ca 1200 hm, slått og skada handa, og var på veg nedatt. Vi tok henne ikkje att før vi kom ned mot dalen igjen. Blå bandasjert hand som nokre kjekke tyske damer hadde fiksa. Leitt. >>>

Stac Pollaidh

Date:

04.07.2018

Characteristic:

Hillwalk

Duration:

2:53h

Distance:

5.2km

© Kristin Bakken Overnatta to fine netter i Ullapool på Skottlandsferien vår, og brukte ein ettermiddag på tur til Stac Pollaidh. Den første toppen var grei, men bortover tinderekka blei det ganske luftig og ekkelt, og før siste og dessverre høgaste toppen, tok vi av og aka oss ned skardet mot hovudstigen. Marit og eg greidde å miste Tom som gjekk først, og der vi trudde vi gjekk i hans spor, hadde han kasta inn handkledet tidlegare, og kome seg ned til stigen via eit anna skard. 5,2 km, 540 hm, 2 timar og 52.

Øyungskollen med bad etterpå

Date:

10.06.2018

Duration:

0:54h

Distance:

7.0km

© Kristin Bakken Tom og eg og den gamle hunden ville til Øyungen for å bade, men for å få litt trim, gjekk eg så raskt eg kunne skogen opp til Øyungskollen og så bratt ned til Øyungen for å møte dei to og for å bade. Varmt vatn! Heim jogga Tom, og eg fekk overta hunden i svært roleg tempo. Det var ca 7 km tur-retur, 275 hm. Lite besøkt herleg utsiktspunkt!

Kremtopp i kremver: Sankta Synnevahornet

Date:

03.06.2018

Characteristic:

Hillwalk

Duration:

3:42h

Distance:

8.4km

© Kristin Bakken Anne og eg hadde overnatta i campinghytte på Nore fjordsenter etter den store turen til Ålfotbreen dagen før. Etter morgonbad og frukost kom vi til parkeringsplassen ved vegen kl 0945 og starta å gå i vindstille og 17 grader og full sol. Lett å gå inn vegen der stigen startar, merkt med ynt, kanskje Ytre Nordfjord turistforening eller noko? Litt jungel oppover, men heilt fint å gå. Nokre har skrive kor vått det kan vere oppover, men etter tre vekers tørke var Goretex-sko heilt greitt og joggesko hadde også fungert. Men her er nok vått til vanleg! Nydeleg kulturlandskap dette, først den velhaldne raudmålte hytta/stølen ved eit lite vatn, og over tregrensa den flotte stølen Skogadale. Tre nydelege steinhus, der i alle fall eitt var på veg ned. Murt kløvveg oppover i ura, der >>>

Ålfotbreen

Date:

02.06.2018

Characteristic:

Hillwalk

Ålfotbreen

Date:

02.06.2018

Characteristic:

Hillwalk