Archive - Date

Archive - Activity

Peakbook-Friends

avatar
LivogKristen
Stigun
Stigun
knutsverre
knutsverre
avatar
SFBacon
Sola19
Sola19
avatar
BeHe
avatar
Idunperq
avatar
samasplund
avatar
vedhenget
guleri
guleri
siroho
siroho
Roger
Roger

Collected lists

Show all collected lists

Smedsvalåsen

Date:
31.03.2025
Characteristic:
Hike
Duration:
0:57h
Distance:
2.0km

Etter ærend i Bø køyrde eg for ein gongs skuld om Gvarv og Akkerhaugen. Bestemte meg for å bruke den fine vårettermiddagen til å ta ein liten Telemarks-topp. Eg køyrde til Slettekås, gjekk over kloppa til Augunkås, tufta etter barndomsheimen til Myllarguten! Det var artig å snuble over denne mytiske staden! Eg busha opp og ned, og koste meg med fuglesang og fint utsyn på toppen. 2 km, 146 hm, 56 min. Gjekk aleine.

Map    

Bislingflaka og rundtur

Date:
28.03.2025
Characteristic:
Cross-country skiing
Duration:
3:12h
Distance:
23.7km

Starta på Svartbekken, etter tips frå Skifluenseren Nils Hovelsrud som eg møtte då eg starta, tok eg løypa til Flisbanen. I motsetnad til han gjekk eg vidare til Myllsdammen og så hovudløypa til Ålsjøvika. Derifrå gjekk eg Formoløypa opp til Bislingen. Tett skodde der oppe, dessutan litt vind. Stort sett greitt føre, men ganske hardt og skittent innimellom oppover. Toppunktet var bart! Nedover mot Gjerdingen var første delen litt småhard og skitten, men sistedelen av traseen ned til Sandbekkhytts var nykøyrd og lekker. Gjekk så langs Gjerdingen tilbake. Før Fjellsjøen var høgdedraget utan snø, så måtte bere skia i 200-300 meter. Greitt etterpå tilbake til Svartbekken. 23,7 km, 571 hm, var ute i 3 timar og 12 minutt. Gjekk aleine i mildt gråvær. Kanskje siste tur i Nordmarka >>>

Map    

Barlindåsen m fugletitting

Date:
26.03.2025
Characteristic:
Hike
Duration:
1:45h
Distance:
7.2km

Såg rugde, hønsehauk, måltrost, bokfink og flaggspett, alle for første gong i år. Dessutan fleire andre som eg har registrert før i år. Vi gjekk frå Saga på vegen. Fann eit slags tråkk og gjekk bratt opp til toppen frå nord. Hønsehauken såg vi nesten på toppen. Flott utsyn. Bestemte oss for å klore oss ned skaret sør for toppen, og følgje draga tilbake til vegen. Ulendt og trolsk, men fullt farbart. 7.2 km, 279 hm, 1 t og 45 min gåtid, men mykje somling med kikkert og fuglelåtapp. Moro! Gjekk med Benjamin.

Map    

Andre Rust-tur i år

Date:
22.03.2025
Characteristic:
Backcountry skiing
Duration:
5:00h
Distance:
20.0km

Tom og eg bar skia på skaren frå Valedammen til forbi Bratsberg. Der tok eg på fjellski m feller og Tom fjellski med klister. Vi gjekk forbi hytta ved Gåsevatn der vi snakka litt med Øyfrid og Viggo; vi var samde - sjølvsagt - om at det var ekstremt lite snø i år. Opp Gåsevassdalen og runda så opp i retning Skavlen i dalen bak Rust. Vi skremde opp ein flokk orrfugl, truleg den same som eg gjekk på i februar, dei var omtrent akkurat på same staden. Vi åt niste i Skavlen, og så gjekk vi opp til under toppen der vi gjekk frå skia og gjekk på beina med stavar på hard skare og delvis bart. Vi var først på høgaste toppen og då bortom mobilbua der vi kosa oss litt i solveggen med litt meir le enn på den andre toppen. På veg ned møtte vi eit par som hadde gått på trug frå >>>

Map    

Raudsinutan på ordentleg

Date:
21.03.2025
Characteristic:
Cross-country skiing
Duration:
5:00h
Distance:
27.5km

Gjekk frå hytta ca kl 10:00. Panserføre, skyfritt og vindstille. Gjekk på klister, og det var heilt rett. Smurde på nytt då eg skulle starte på klyvinha opp frå Breivatn. Hadde gått Gjevarisen inn og det glei fint, men isen sleit på klisteret. Spikerfeste opp til Stavatjønn. Gjekk bort flata og opp til Gjeslemo. Der tok eg av frå det køyrde sporet, og gjekk inn dalen til Maurdalstjønni og vidare opp Maridalen til riset under Raudsinutan. Eg åt niste i bakken der det første skaret går opp til høgre. Der har eg gått før, og kom då opp på ein av toppane, men skjønte då eg stod der, at det ikkje var høgaste punktet. Har hatt dårleg samvit for å ha logga den som Raudsinutan! Den gongen såg eg eit bratt skard og ein nut med varde lenger mot sud. Så i dag prøvde eg å >>>

Map    

Første gong på ski frå Umbukta

Date:
12.03.2025
Characteristic:
Cross-country skiing
Duration:
2:21h
Distance:
13.0km

Køyrde frå Mo til Umbukta. Følgde breie skutertrasear til toppen av Mograsfjellet. Kaldt og trått føre. Nydeleg terreng der vi gjekk for første gong, 13 km, 2 timar og 20 inkl pause på toppen. 258 hm. Tom var med.

Map    

På ski til Pinsegrønuten

Date:
01.03.2025
Characteristic:
Cross-country skiing
Duration:
3:00h
Distance:
16.0km

Litt sliten etter gårsdagen, men bestemte meg for å ta ein kortare tur og hake av ein telemarktopp til. Starta frå Markin, gjekk løypa opp til Kvambekkheii. Det var ganske mykje vind, felleskia glapp litt, og eg var rett og slett litt daff. Gjekk den øvre løypa i retning Sprettedalsnutane. Åt nista i ein krok på hytta i dalen under nuten. Følgde løypa opp skaret, tok bratt opp til høgre under nuten, tok av skia og gjekk på beina opp det siste stykket. Flott topp med gedigent utsyn. Kald vind gjorde opphaldet ganske kort. Same vegen heim. 16 km, 3 timar, 543 hm. Gjekk aleine.

Map    

Draumedag frå hytta til Grunntjønnuten

Date:
28.02.2025
Characteristic:
Cross-country skiing
Duration:
5:00h
Distance:
32.0km

Herleg skidag. Starta frå hytta, gjekk Gjevarisen til Bekkjestaul, så over til løypa ved Løkin. Derifrå opp til Stavatjønn og Gjeslemo. Spiste niste i bakken opp frå Grunntjønn. Herleg føre utanom løypene, skare med styresnø. Gjekk opp aust for og bakfrå Grunntjønnuten. Gjekk først opp på den austre toppen, derifrå ned og opp på den høgaste. Den var ganske luftig og med fantastisk flott rundskode. Gjekk ein litt betre veg ned til løypa igjen. Deretter same trasé heim. Med eit par idiotkilometer, endte eg på 32 km. 594 hm. Var borte i fem timar. Gjekk aleine.

Map     2 comments

Kikuttoppen

Date:
18.02.2025
Characteristic:
Cross-country skiing
Duration:
5:57h
Distance:
43.5km

Nydeleg februardag. Tenkte primært å gå til Kikut, men etter lunsjpause der, var eg så pigg at eg gjekk vidare nordover. Eg snudde før dei siste nedoverbakkane før Sandungseidet, men brå bestemte meg for å ta ein tur oppom Kikuttoppen i den nydelege ettermiddagssola. Som tenkt, så gjort. Turen opp gjekk heilt fint, men løypa ned til Fyllingen var eit feil val, store hol, issvollar og steinhardt. Etter ein forsiktig start med skia på nedover, tok eg rett og slett skia av og tok nedturen på føtene. Det var heilt rett, det var rett og slett ikkje skiføre ned denne kleiva i dag. Frå Fyllingen gjekk eg over isen, så Glåmene til Kobberhaugen og ned via Lørenseter til Sognsvann. 43,5 km, 966 hm, 5 t og 53 minutt. Gjekk aleine.

Map    

Første Rust-tur i år

Date:
12.02.2025
Characteristic:
Backcountry skiing
Duration:
4:30h
Distance:
21.5km

Aleineveke på hytta i kaldt, klart og vindstille vær. Ligg ganske bra an med skikilometrane mine denne sesongen, men har berre brukt fjellskia éin gong før. Så det blei Rust denne perfekte dagen. Starta i minus 13, men det blei litt varmare etter kvart. Gjekk over Valetjønn, Skorsvegen til Vadet, opp Bratsberg til Gåsevatn, så opp til dalen frå Skavlen og opp til toppen. Nesten vindstille på toppen også! Drog ned vestover om Hovdestsul og Gryteåi. Gjevar heim. 21,5 km, 618 hm, var borte i 4,5 timar inkl rast.

Map