Beingårdsheia var fin!

Date:

06.07.2020

Characteristic:

Hillwalk

Duration:

3:32h

Distance:

9.9km

© Kristin Bakken Køyrde frå Namsos, fann bomvegen til Sandvatnet. Tok stigen langs høgre side av vatnet inn til den inste hytta. Så skar eg myrene opp til høgde 291, der det faktisk var ein stig som tok meg ned på myra nedanfor. Mista den att, skar over den tørrlagde elva. Så opp nye myrdrag med flotte myrull- og flekkmarihandfelt. Oppå platået gjekk eg først til den vesle varden som Knut Sverre har sett opp på 612, la inntil ein stein for å bidra. Så bort til varden på 611, og så tilbake til den vesle hamaren rett nedanfor varden på 612, der eg fann den finaste rasteplassen i le nedanfor hamaren på tørr lyng og med ein stein i ryggen. Supert! Såg fem store rovfuglar kretse over meg. Trakka nesten på ein fugleunge, og gjekk på ein ormeham. Same vegen nedatt. 3 timar og 36 minutt, 9,89 >>>

Hemnafjellet, andre tur for dagen

Date:

06.07.2020

Characteristic:

Hillwalk

Duration:

3:44h

Distance:

14.3km

© Kristin Bakken Etter å ha gjort unna Beingårdsheia, drog eg til Statland og fylte bensin, og kjøpte meg litt meir drikke og eit wienerbrød. Så psyka eg meg opp og køyrde inn forbi Sundsvatnet. Følgde beskrivinga på ut.no. Dessverre var grusvegen stengt, så eg måtte gå nesten ein kilometer på veg før eg fann staden der stolpane som markerer heile traseen starta. Var ganske mør og støl, så eg eg bestemte meg for å gå roleg og jamnt. Det gjekk veldig fint! Stoppa ikkje i det heile, og greidde å halde ei jamn fart heile vegen opp. Veret endra seg dessverre. Det bles meir og meir, og toppen var gøymt i skyer då eg var komen så høgt opp at eg kunne ha sett han. Skikkeleg surt blei det, og då eg kom fram til varden, var det deilig å ta på tørr trøye og dunjakke med hette. Åt wienerbrødet >>>

Litt seig opptur, men flott topplatå

Date:

05.07.2020

Characteristic:

Hillwalk

Duration:

4:15h

Distance:

11.3km

© Kristin Bakken På veg sørover frå Mo i Rana, der eg tar turen på nokre dagar med innlagde kommunetoppar, hadde eg bestemt meg for Fosnes og Grønkleppen i dag. Køyrde frå Mosjøen og fann greitt vegen inn mot Fiskåhaugen. Køyrde heilt inn, dvs kryssa sementbrua, og parkerte på parkeringsplass der ved sidan av ein annan (!) bil. Såg aldri noko til sjåføren, og bilen var borte då eg kom ned att. Stigar hadde eg ikkje registrert, så eg gjekk ned til brua igjen og busha oppover frå andre sida av elva. Ganske brutal start på ein tur, rett opp i myr og vegetasjon først, og så på sva og i glissen furuvegetasjon. Mykje insekt i starten som eg verkeleg mislikar. Dette er ikkje første gong eg har gått med følge av klegg og brems her i Trøndelag! Dei forsvann då eg kom opp til første nut, der >>>

Lang tur i flott terreng og i supert vær

Date:

04.07.2020

Characteristic:

Hillwalk

Duration:

6:47h

Distance:

25.0km

© Kristin Bakken Denne turen hadde eg tenkt som skitur, men i vår blei det ikkje tur til Mo i Rana, og når værmeldinga plutseleg snudde, og det var meldt stor gul sol og lite eller ingen vind, blei det Nordtoven på beina. Eg vurderte å gå frå Elsfjorden, men at det var stigar halve vegen avgjorde. Litt deilig når ein ikkje er kjend, og når det var så mykje snø i fjellet som det er no. Køyrde inn vegen mot Neverli og stoppa der bommen var (open), men privat veg var tydeleg kommunisert. Det var bra, for eigarane møtte eg etter kvart. Då var det deilig å ha oppført seg ordentleg! Fin grusveg med grasparti i midten. 2 km inn til Neverli. På Neverli møtte eg to karar som arbeidde med å rydde nokre trær. Dei inviterte meg på kokegropkokt kjøt når eg kom nedatt! Gjekk så vidare over tunet i >>>

Frå Andfiskvatnet via Bjørnhaugen til Mo

Date:

02.07.2020

Characteristic:

Hillwalk

Duration:

4:09h

Distance:

16.3km

© Kristin Bakken Tom køyrde meg eit stykke inn langs Andfiskvatnet, der var det ein bom som ikkje var markert på ut-appen. Det var greitt nok. Eg følgde vegen i 6 km før den endte i ei dør i fjellet. Vasskraftanlegg kanskje?Derifrå var eg litt i tvil om eg skylle gå til høgre eller venstre for å forsere berget, men traseen til høgre som eg valde var heilt grei. Ikkje spor av stig, men eg gjekk meg ikkje fast i svaa heller. Regn av og på, ei haglbyge kom då det var som brattast. Hadde regnbuksa av og på to gonger. Fann toppunktet med varde og stake og etter kvart også den breie stigen som går langs med platået. Det sprakk opp, og sola kom fram rett etter eg hadde passert toppen. Då rasta eg, og det steig damp frå vått terreng. Storslått flott landskap med mykje snø no 2. juli. Følgde berre >>>

Dalselvtindan og Hauknestinden

Date:

01.07.2020

Duration:

3:30h

Distance:

11.2km

© Kristin Bakken Køyrde til Dalselv for eg hadde fått tips om at turen opp til Dalselvtindan var fin.Det var den, og vel oppe på Veten, såg eg over på Hauknestinden, og fann ut at det hadde vore fint å gå bort til den toppen som trass alt er høgast og så gå ned til Hauknes etterpå. Ringte og avtalte henting på Hauknes, og gjekk så i veg. Veldig fint strekk, sjølv om det var ein heil del snøfenner mellom dei to toppane. Ei lita regnbyge på veg opp til Veten, ei sur haglbyge på toppen av Hauknestind, men elles heilt fint å gå. Då eg stod på Veten og titta ut Ranafjorden, steig det ei havørn opp frå under meg, inspiserte meg og drog så innover fjellet. Herleg! Brukte 3 timar og 35 totalt på 11,2 km. 958 hm er jo ein ordentleg tur. Gjekk aleine.

Hauknestinden

Date:

01.07.2020

Characteristic:

Hillwalk

Duration:

3:15h

Distance:

11.2km