Archive - Date
Collected lists
-
Sunndal ≥ 100m pf.
(50/116)
43% -
Oppdal ≥ 100m pf.
(35/82)
42%
-
Strengenpanoramaet
(68/187)
36%
Favourite trips
Favourite peaks
Blåfjellet
- Date:
- 13.02.2021
- Characteristic:
- Randonnée/Telemark
- Distance:
- 5.1km
Godt selskap og høveleg godt vær, om enn litt stri vind på toppen. Ein liten strafferunde nede i lia der snøen var best. Fikk servert gjærbakst og kryssa av Blåfjellet på Surndalslista.
Stordag på Strengen
- Date:
- 02.02.2021
- Duration:
- 5:34h
- Distance:
- 22.8km
Så bra som det kan bli for den som er glad i god skikøyring i ueksponert terreng. Soloppgang på veg opp, og deretter sju bonusrundar frå Klåberget med bortimot historisk godt føre. Eit lite skår i gleda med å smelle skia i ein stein på sisterunden, men ikkje nok til å ødelegge årets beste skidag så langt!
Bollen og Sandfjellet
- Date:
- 10.10.2020
- Duration:
- 4:16h
- Distance:
- 21.3km
Start frå Sagatun, via Sætersetra og til Bollen. Flott utsikt innover Vindøldalen som for anledninga var ikledd haustfarger. Vidare langs "ryggen" mot Bollåsfjellet i innbydande løpeterreng, og deretter nordover mot Sandfjellet. Prøvde meg på litt lågskala-friklatring på nokre store steinblokker og bergnabbar, men endte med å måtta ta turen rundt på vestsida da ferdigheitene ikkje strakk til.
Over Sandfjellet og vidare ned lia i delvis sleipt og glatt terreng. Langs anleggsvegen og stien gjennom hogstfeltet nedatt til Sagatun.
addad
Trekanten
- Date:
- 28.09.2020
- Duration:
- 8:35h
- Distance:
- 59.2km
Årets lengste tur på haustens kanskje finaste dag! Mildt og godt ved Gjevilvasshytta allereie før klokka hadde runda åtte. Jevnt og temmeleg kontrollert tempo heile vegen, med dei mentale og fysiske opp- og nedturar som høyrer med på ein såpass lang dag. Temmeleg gledeleg gjensyn med bilen ved Gjevilvasshytta medan ettermiddagssola varma slitne kroppar.
Kringlehøa
- Date:
- 27.09.2020
- Duration:
- 5:30h
- Distance:
- 28.0km
Vi snørte på oss joggeskoa ved Bortistu og la i veg langs grusen mot Tovatna. Plana for dagen var i grunn berre å få ein løpetur i godveret, men etterkvart som vi kom lenger og lenger vestover vart fristelsen for stor, og vi enda til slutt opp på Kringlehøa. Vi la ruta ganske så rett opp austafrå, og det fungerte i grunn veldig greit. Tok ei litt anna rute nedatt via ei laus renne frå austtoppen og ned på "platået" på sørsida. Slapp unna glatt nysnø både opp og ned, sidan vi heldt oss i solsida.
Gjevilkasskamman
- Date:
- 02.09.2020
- Duration:
- 3:57h
- Distance:
- 26.0km
Ønskereprise på ein av sommarens aller flottaste turar , og eit gledeleg gjensyn med Gjevilvasskammane. Denne gongen som ei hard treningsøkt i eige selskap og med minimal oppakning. Mykje flott løpeterreng på denne runden, i tillegg til utfordrande kliveparti og storslagen natur. Ei perle av ein rundtur!
Grinaren og Slanglifjellet
- Date:
- 31.08.2020
- Duration:
- 5:28h
- Distance:
- 23.7km
Null komma null. Det var fasiten frå gradestokken på bilen da eg parkerte ved stistart opp til Storfjellet. Klårversnatta hadde gjort sitt til at starten på dagens tur vart direkte hustrig. Heldigvis er stien opp til Storfjellet tilrettelagt på ein slik måte at ein fort får varmen i seg, for her er det rett i arbeid opp lia.
Etter å ha raska med meg to "småtoppar" eg mangla etter fjorårets deltaking på Kårvatn Skyrun, tok eg vegen inn i botnen mellom Skjerdingfjellet og Grinaren i jakt på minste motstands veg til Grinaren V. Ei rimfrossen steinur innover i skuggen var det som møtte meg av motstand, men ikkje verre enn at turen opp foregjekk på udramatisk vis. Herifrå gjekk turen vidare i sola austover via Grinaren til Slanglifjellet.
Partiet frå Grinaren til Slanglifjellet >>>
