Archive - Date
Archive - Activity
Botnnebba
- Date:
- 20.10.2019
Fin haustdag og min første tur til Romådalen. Køyrde til endes på vegen opp lia, han var ikkje laga for min låge bil, men det gjekk så vidt. Fint innover dalen med fine setervollar. Mykje våt myr. Gjekk opp frå sør, tok vel av litt for tidleg, fin første del, men litt bratt i ein overgang til topplatået. Vi møtte snøen på vel 1000m, og han bar rimeleg godt. Fin utsikt på toppen. Retur gjekk dit eg eigentleg hadde tenkt å gå opp, ned Rognbotn som ligg mellom Botnnebba og Rognnebba. Der var det svært fint å gå. Så var det retur ut dalen, og på med hodelykt siste kvarteret før vi var i bilen.
Sørøstre Vinnufjellet
- Date:
- 16.07.2019
Start og slutt ved Hoås. Skodda kom og gjekk første del av turen. Fin rundtur og tøff travers. Spennande å sjå korleis det var bortover eggen, var det framkomeleg? Det gjekk godt, det såg verre ut enn det var. Måtte ein tur ned på breen ein plass for å kome vidare. Det var litt utfordrande, då det var to sprekker der vi måtte utpå. Returnerte eit lite stykke frå Nebba tilbake til «skaret» der vi tok oss ned på snøfonna som var fin å renne ned på. Heldt mot nordaust etter snøfonna for å unngå bratte parti og runda ned og vidare bort til Nebba Aust.
