Archive - Date
Archive - Activity
- Bike trip (6)
-
Other trip (1)
- Expedition (1)
-
Ski trip (49)
- Backcountry skiing (12)
- Randonnée/Telemark (37)
- Trip by foot (87)
Jaga av tiuren på Kaupanger
- Date:
- 23.05.2020
- Characteristic:
- Hillwalk
- Duration:
- 2:30h
- Distance:
- 9.0km
Ein fin vår-runde på Kaupanger med pannekakesteiking i sola.
På veg ned att rant vi på ein illsint tiur som sperra vegen. Det var ikkje snakk om at han ville flytte seg, sjølv etter rop og hyling og vifting med stokkar og ukvemsord. Vi gjekk av vegen og gjekk på oversida, men då han kom flaksande etter oss som gal når vi var komne ned att på vegen lenger framme. Jentungen vart livredd "høna" (som ho kalde han), så vi tok beina fatt og kom sjølvsagt på avvege i alt tumulta. Så vart turen litt lenger enn planlagt.
Hauståkernakken med Håvard og co.
- Date:
- 10.05.2020
- Characteristic:
- Hillwalk
- Duration:
- 2:15h
- Distance:
- 6.0km
Fin liten trasketur til ein utsiktsstad på Kaupanger det er umogleg å hugse namnet på. Men jammen fant eg det i boka. Strålande utsikt til bleia.
Deileg slush frå Blåfjellet
- Date:
- 19.04.2020
- Distance:
- 7.8km
Nydeleg dag på Blåfjellet med Håvard. Fin-fin slush heile vegen ned til Rindabotn.
"Topptur" dagen før termin
- Date:
- 01.03.2020
- Characteristic:
- Randonnée/Telemark
- Duration:
- 1:45h
- Distance:
- 5.0km
Jada. Etter mykje sjukdom vart det dags for ein topptur med Håvard. Ettersom terminen var dagen etter, turde eg likevel ikkje dra han altfor langt denne dagen. Det vart ein liten tur frå riksvegen og opp forbi Kollsetestølen og ned att, berre for å prøve noko nytt. Ikkje heilt å anbefale, med mindre ein er glad i slakt terreng.
Og dagen etter? Jau då vart eg jammen far på ny!
Gjennom pudder på Togga!
- Date:
- 28.02.2020
- Characteristic:
- Randonnée/Telemark
- Duration:
- 2:15h
Topptur med kollegaer mot Togga. Eit stykke etter Orraleiken bles det opp noko kraftig, så vi dreit i toppen, og sette utanfor fjellet. Det var nok til å få ein herleg nedkøyring på austsida. Og Togga skuffa ikkje - pudder til halsen!
Diverre vart opplevinga litt øydelagt for Stian, som knakk eine skia nede ved vegen. Gudane veit korleis han fekk det til.
Rando frå Vardafjell
- Date:
- 19.01.2020
- Characteristic:
- Randonnée/Telemark
- Duration:
- 1:00h
- Distance:
- 4.5km
Ein kjapp tur på lånt tid med Tylderingen som mål stoppa ved Vardafjellet. Der var det slutt på god-snøen og tida. Så vart det i alle fall nokre fine svingar ned att til ei - framleis - blid og høggravid kone som venta heime med med unge og hund.
Årets første tur
- Date:
- 01.01.2020
- Distance:
- 4.6km
....gjekk/sprang kort fortalt opp til den populært kalla "Bøtta" i Balestrand i nydeleg sti-terreng frå huset til foreldra. Lite å skryte av, men likevel nok til å føre i boki.
