Archive - Date
Archive - Activity
- Bike trip (13)
-
Other winter trip (6)
- Snowshoe trip (6)
-
Ski trip (174)
- Backcountry skiing (10)
- Cross-country skiing (148)
- Randonnée/Telemark (16)
-
Trip by foot (203)
- Alpine trip (6)
- Hike (44)
- Hillwalk (134)
- Jogging (16)
- Walk (3)
Peakbook-Friends
Raudmyrhøgda frå Hamar hundekøyringsarena
- Date:
- 18.09.2021
- Distance:
- 4.0km
Tur med pappa og Kristine. Mamma og pappa var på besøk hos oss på Vangsåsen, og pappa hadde lyst på ein liten tur. Da vart det til at vi køyrde opp til Hamar hundekøyringsarena. Bra og merka råk frå hundekøyringsarenaen, men ikkje råk på "toppunktet". Ikkje mykje topp å snakke om, ingen utsikt i nokon retning, men det vart ein fin rundtur. Mykje flotte råk i området her, på grunn av lite regn i haust var det også ganske tørt.
Blåvola og Urdskardkampen i Alvdal
- Date:
- 05.09.2021
- Characteristic:
- Hillwalk
- Distance:
- 8.4km
Siste dag på helgetur til Alvdal. Vi køyrde inn Aumdalsvegen, og parkerte i vegkanten nedanfor Urdskardet. Derifrå følgde vi traktorvegen oppover lia. Frå Urdskardet gjekk vi i terrenget opp til Blåvola.
Opp til Urdskardskampen gjekk vi på råk opp til Urdskardstjønna, og i terrenget derifrå.
Fin tur.
Måna og Bellingan i Alvdal og Tynset
- Date:
- 04.09.2021
- Characteristic:
- Hillwalk
- Distance:
- 7.6km
Helgetur til Alvdal. Vi hadde overnatta i ei fin tømmerhytte vi fann på AirBnB litt nord for Langodden. Derifrå køyrde vi opp til Gaupskardet på ein litt humpete skogsvei. Vi gjekk i vegen på brukbart råk, men det forsvann plutseleg. Det gjorde ikkje noko, terrenget i skogen var fint å gå på, og vi kom fort inn på DNT-råket. Fint råk oppover, men før Måna måtte vi gå i terrenget oppover. Fint terreng, men tungt å gå i mosen. Flott utsikt på toppen av Måna.
Vidare gjekk vi ned at til skardet mot Bellingan. Derifrå gjekk det eit bra råk oppover. Det råket forsvann om lag 60 høgdemeter før toppen. Flott utsikt på Bellingan og. Ned at gjekk vi rett mot bilen, da det var fint terreng å gå i utan råk.
Ein flott tur og flotte fargar i fjellet. Etter turen drog vi tilbake >>>
Veslsnippen i Stor-Elvdal
- Date:
- 03.09.2021
- Characteristic:
- Hike
- Distance:
- 3.0km
Vi skulle på helgetur til Alvdal. Da var Veslsnippen i Stor-Elvdal en kort og grei tur å ta på vei nordover etter jobb. Vi parkerte i vegkanten der traktorvegen tok av. Vi trudde at vi måtte gå utan råk etter at traktorvegen slutta, men til vår overrasking og glede gjekk det blåmerka råk opp til toppen. Fin utsikt sørover og austover frå toppen. Litt enkel klyving like nedunder toppen.
Dette vart ein veldig fin tur, til ein ganske låg topp.
Lyngkampen og Nordre Gråvola
- Date:
- 29.08.2021
- Characteristic:
- Hillwalk
- Distance:
- 18.2km
Tur med Kristine. Vi køyrde innover frå Gåsbu, til Øvre Åstbru. Derifrå kosta det 130 kroner å køyre vidare innover Birkebeinervegen.
Frå Birkebeinervegen var det veldig godt råk over til Lyngkampen. Ned frå Lyngkampen gjekk vi i terrenget. Det var veldig greitt terreng å gå i, men litt kratt nederst mot råket.
Oppover til Nordre Gråvola gjekk vi også i terrenget, litt kratt og skog til å byrje med, men ikkje ille. På veg ned var det keisamt kratt og myr eit lite parti i bunnen før det gjekk oppover igjen.
Ein flott tur, og det er fine haustfargar i fjellet nå.
Med denne turen er alle dei ni "raude" toppane i Øyer kommune besteget.
To turar i Øyerfjellet
- Date:
- 21.08.2021
- Characteristic:
- Hillwalk
To turar i Øyerfjellet med pappa og Kristine. Kristine og eg hadde ikkje vore på Goppollfjellet før, medan pappa ikkje hadde vore på Skinnfjellet før. Der var Kristine og ein haustdag for fire år sidan.
Goppollfjellet vart første tur. Vi parkerte på Hjellsetra. Der vart vi møtt av nokon veldig tamme geiter. Vi gjekk så på godt råk opp på Nordtoppen, før vi gjekk vidare til hovudtoppen, eller Høgtinden, som det står på kartet. Kristine og eg hadde med bærplukkare, og vi plukka ganske mykje blåbær. Vi fann også litt molte. Det var bra råk også ned til Trosvik.
Vi køyrde så attende vegen, og over til Slåsetra. Derifrå gjekk det godt råk opp til både Skinnfjellet og Rokfjellet. Rokfjellet var ein flott topp, og utsikta over til Djupdalskampen og Svangkampen var særs >>>
Middagsfjellet og Trolltinden
- Date:
- 08.08.2021
- Characteristic:
- Hillwalk
- Distance:
- 10.6km
Siste dag på vestlandsferie. Vi køyrde inn bomvegen frå Tomrefjord, og parkerte på den store parkeringsplassen ved lysløypa. Oppover derifrå var det godt råk. På trigpunktet 848moh var det stor og flott varde. Ikkje like flott varde på sjølve Middagsfjellet, men fin utsikt. Videre gjekk vi til Trolltinden. Vi hadde lest at denne ruta blir kalt for "Lille-Besseggen", men det var vanskeleg å sjå dei heilt store likhetane, men det var uansett veldig fint å gå der.
På Trolltinden var det to store vardar. Toppboka var på varden litt nedunder toppen. Vi såg så vidt på ruta nedover og over til Ytstetinden, men den var ikkje aktuell da vi skulle køyre heim att til Austlandet. Kanskje ikkje så truleg at vi hadde prøvd uansett. Ryggen ned frå Trolltinden såg bratt, spiss >>>
Flott tur til Blåskjerdingen, og ein liten tur på Åsnakken
- Date:
- 07.08.2021
- Distance:
- 9.1km
Blåskjerdingen var målet denne dagen. Vi gjekk i veg frå parkeringa like før klokka 11 i flott vêr. Det var godt råk oppover, men oppe i høgda gjekk vi bare i ura. Det var veldig mange som gjekk denne turen i dag. Om lag halvparten av dei vi traff gjekk kanskje over på hovudtoppen.
Vi hadde sett litt på klyvepunktet, og var nysgjerrige på korleis det var. Det var ikkje nokon stor utfordring, men litt ekstra krydder på turen. Morosamt å klyve litt, men aldri ekkelt eller luftig.
Verkeleg flott tur, med flott utsikt.
Etter turen drog vi ned til Fiksdal. Der fotograferte vi Melen, som tar seg flott ut frå denne kanten, og vi åt eit par is på den lokale butikken. På køyreturen vidare til Vestnes fann vi ut at vi ville gå på Åsnakken, som var ein kort og grei tur på godt råk.
To turar; til Meraftafjellet og Grøtshornet
- Date:
- 06.08.2021
Etter ein god hotellfrukost på Borg sommerhotell i Spjelkavik, drog vi austover Uksenøya, til Gudmundset. Derifrå gjekk vi til Meraftafjellet. Først var det grusveg, så vart det godt råk oppover skogen. Fin utsikt da vi kom over skogen. Ein flott topp, og ein fin tur.
Etter turen køyrde attende til fastlandet og opp til Vatnefjorden.
Dagens andre, og siste, tur gjekk til Grøtshornet. Vi parkerte på parkeringslomma ved Hagardshaugen. Derifrå var det godt råk heile vegen opp til toppen. Oppe på toppen hadde vi ein hyggeleg prat med ein lokal turgåar.
Etter turen vart det bad i Vatnevatnet, tacosalat på stormkjøkken, og overnatting i bilen i Vatne.
Tre turar: Sula, Godøya og Sukkertoppen
- Date:
- 05.08.2021
Dagens første tur vart Vardane på Sula. Det var veldig bra råk oppover, og det var mange som gjekk. Vonhytta var stengd, den holder berre oppe på raude dagar, men det var uansett fint å ta ein pause der. Mange folk på toppen.
På veg ned møtte vi færre folk, men det var fint råk der og.
Dagens andre tur gjekk til Storhornet på Godøya. Det var ein skikkeleg flott tur, veldig fint opp frå Alnesvatnet og til toppen. Mange folk på tur her og. Det er veldig forståeleg, flott utsikt på toppen.
Dagens siste tur gjekk til Sukkertoppen. Fint råk og fin utsikt på toppen. Vi møtte mykje folk på denne turen og.
Etter turen drog vi til Spjelkavik og overnatta på Borg sommerhotell.
