Archive - Date

Archive - Activity

Collected lists

Show all collected lists

Favourite peaks

Blåskavlen

Date:
19.04.2019
Characteristic:
Randonnée/Telemark
Distance:
26.0km

Parkerte ved Vardahaug P-plass, og gikk inn Modlaugsbotn. Opp Soleibakkane, og justerte kursen litt aust for Helleberget. Ringa så under toppane Fagerdalsnutane, så rasjonelt som råd. Noko nedatt i skar ca. 1580. Opp denne sida er ruta på det brattaste, og det var hard skare. Måtte setje stålkantane godt i, men greitt. Frå rundt 1700 pluss/minus over småkupperte nutar var det mykje "bølgjeblekk". Så litt ned i skaret ved overgang bre/botn, og fint opp mot toppen. Utsikta på Blåskavlen denne dagen var til å ta pusten i frå ein. Vi tok inn inntrykka og naut, men kunne ha teke fleire bilde for minneboka sin del. Det kom opp eit følgje frå Aurlandssida, som har ein noko kortare tur, og jamnare nedkøyring. Vi valde å køyre heile brea nedatt, for den opplevinga sin del. >>>

Map     2 comments

Jernhetta

Date:
18.04.2019
Characteristic:
Ski trip
Distance:
15.7km

Skitur inn Modlaugsbotn og opp Soleibakkane. Under kraftlina, og inn mot skaret mellom Jernhetta og Helleberget. Ut på sør-ryggen av Jernhetta, er det nydeleg utsikt inn fjorden mot Flåm. Her er det vanleg at ein set seg ned med niste og nyt fjordutsikta. I tillegg er utsikta opp mot mektige Blåskavlen, med botnar og ryggar, formidabel herifrå. Etter ein liten stopp gikk vi ryggen opp på toppen mot Jernhetta. Trass av at eg har gått i terrenget her mange gonger, blei det i dag min fyrste tur heilt opp på toppunktet på Jernhetta. Det kan tilrådast. Viss ein vaktar seg for skavlane, og tek ned på rett stad, får ein ei ekstra fin og litt brattare nedkøyring her. Den egnar seg kanskje best for randonèe, eller ein god telemarkskøyrar. Men sjekk skavlane på veg opp, slik at du veit >>>

Map    

Sluten-Oftedalen (Skvettebottshøgdene)

Date:
06.04.2019
Characteristic:
Backcountry skiing
Duration:
11:19h
Distance:
38.0km

Langtur 38 km frå Filefjell til Lærdalsøyri med Lærdal turlag. Dette er ein tradisjonstur som har vore gått sidan 60-talet (om ikkje alle år). Det er ein fantastisk flott skitur i urørt natur. Den tøffe delen er å gå på føtene dei sist 840 høgdemeterane frå Øvre Oftedalsstølen og ned til sjukehuset. Normalt greit, men ein kjenner det etter 9 t 15 min på ski fyrst. Bruttotida vart 11:20 timar denne gongen. Lite snø, men greitt skiføre (universalklister eller kortfeller). Peakbokappen svikta, og difor ingen spor.

Map    

Krekahøgdi

Date:
10.03.2019
Characteristic:
Randonnée/Telemark
Distance:
13.5km

Fint vèr og dag for skitur med topp som mål. Starta frå parkeringa under Torolmen, og gikk innover blandt hyttene og i retning Sletterustdalen. Måtte litt aust ved oppstigninga, til ei hylleformasjon, så på skrå nordvest. Det flata etterkvart noko av innover Sletterustdalen. Dalen var noko meir kuppert enn forenta, så fjellski er meir passande på denne turen. Men godt å ha faste plankar i nokon av kneikane på turen nedatt. Vi fann ei fin oppstigning nordaust på fjellet, gikk like til venstre for topp 1325, der vi rasta bak ein stein. Etter litt mat, over skaret, opp ei lita bratte, og til høgre for topp 1416. Så var det å gå fjellet jamt og rett fram mot toppen. Også her oppe var det mange haugar, og småtoppar, men lett terreng. Det brattaste var ved skaret etter 1325 toppen. >>>

Map    

Skålanosi pkt. 1550.

Date:
17.02.2019
Characteristic:
Backcountry skiing
Distance:
13.3km

Turmålet vart ikkje nådd. Det er svært lite snø i fjella i Lærdal og Borgund. I dette området sør for Eldrevatnet på Hemsedalsfjellet var det lite snø, hardt, steinete og ikkje topp føre i dag. Med ski på beina, godt turfølge og god trening, likevel heilt greitt. Peakbook-appen var heilt på jordet i dag. Vart ikkje med heilt fram, og null registrering på returen. Måtte stole på Polar. Då vi nådde høgaste punktet på den nordlegaste av dei to Skåla-nosene, såg vi at det var uråd å ta seg ned skaret til vatnet Halsatjørni. For lite snø, store skarpe steinar og is. Alternativet kunne ha vore å gått litt tilbake, og slept seg ned i vestsida. Grunna føreforholda, var gruppa nøgd med lengda på turen, og vi returnerte. Vi var 7 pers i fylgjet med Lærdal turlag.

Map    

Smeddalen

Date:
03.02.2019
Characteristic:
Randonnée/Telemark
Distance:
6.0km

Turmålet var Salen. Men vèret var skiftande, og konturar av toppane forsvann ved ca. 1400 m.o.h. Snudde på ein naturleg kul ved 1430 m.o.h. Dei som hadde laga spor før meg, hadde gjort det same. Gikk aleine i dag, og ikkje verdt å ta for store sjansar. Appen rekna litt liten distanse (flystriper), så Polar M600 sin logga distanse vart nytta. Kort kosetur, og fin nedkøyring :)

Map    

Stølsmardalstinden

Date:
12.05.2018
Characteristic:
Randonnée/Telemark
Distance:
19.8km

Fantastisk og relativt alpint topptur med Lærdal turlag. Eit følgje på 15, med fleire deltakarar frå andre lag, gjennomførte turen på vel 9,5 timar. Det minkar på snøen og det var særs laust og med gjennomslag opp til tinden. Ski-etappen hadde betre føre, men det minkar på snøen, og ganske straks vil ein streve med elvane i Austabotn-dalføret. Etter mi vurdering er det relativt bratt frå 1550 - 1700 moh. Særleg siste kneika der vi går trappetrinn opp mot 60 grader. Men det var fin laus snø, trygge trinn, og vi tok det forsiktig. Viktig å ta hensyn til dei som tykte det var litt tøft, noko fleire ga uttrykk for (særleg på retur). Dette nivået er nok det mest alpine til Lærdal turlag tilbyr, sidan vi ikkje har fjell- og bresport-avdeling. Vi fekk god guiding av kjentmann >>>

Map    

Bukkehøe

Date:
30.04.2018
Characteristic:
Randonnée/Telemark
Distance:
13.3km

Stortoppfangst på ein fin avspasseringsdag med Marita. Dette var vår fyrste topp på over 2000 meter på randonee-utstyr, og min tredje på ski. Køyrde frå Lærdal litt før kl 8. Nær Turtagrø var det mange campar, og utruleg mykje folk. Mange som nytta findagen til ein topptur. Også ved Geitsætra var det folksomt, og bilar i rekkje på over 200 meter. Vi var spent på korleis dette ville bli, særleg då det viste seg at det var knallhard snø då vi sette av garde. Sett bort frå at Marita glei og missa skia straks etter start i eit isete parti nær elva (kunne ha vorte skummelt nok å rase 5 meter ned steinurda i Ytre Illåe), gikk turen fin-fint :) Noko utfordrande i det brattaste partiet, sidan det var hardt/isete, og ruglete grunna mykje folk på tur i det siste. Vi såg at ei >>>

Map    

Øvre Salen

Date:
28.04.2018
Characteristic:
Randonnée/Telemark
Distance:
9.9km

Fin tur til Øvre Salen med Yngve, mann til mi niese Mari. Vi som har hytter på Smeddalen, har gått mange gonger til Salen, som vi lokale kallar den fyrste og mest markerte toppen. Det er også til denne 99 % går. Og frå denne toppen er det kontinuerleg renn nedatt til brua over Smedals-osen. No er denne toppen vorte eit eldorado for hyttefolket på Filefjell som vil ha fin randonee-tur. Det kan vere verd å merke seg, at skal du på Øvre salen, og rette toppen på fjellet, så må du gå i sørvestleg retning. Litt ned og opp, småkuppert, og ca. 15 minuttar så er du på Øvre Salen, 1588 moh. Dei fleste som er på Salen, er alså på toppen Nordaust for Øvre Salen, på 1567 moh.

Map    

Stora Grånosi

Date:
15.04.2018
Characteristic:
Randonnée/Telemark
Distance:
9.6km

Frå Vardahaug med Marita.

Map