Archive - Date

Archive - Activity

Collected lists

Show all collected lists

Favourite peaks

Hødntinden

Date:
15.09.2018
Characteristic:
Hillwalk
Distance:
9.8km

Fin haustfrisk tur med Lærdal turlag til Valdres-topp. Værmeldinga var ikkje heilt topp i dag, men grei nok for ein lett tur som denne. Vi var 6 turfolk og ein hund, som kosa oss på tur i lag. Det kom ikkje mykje nedbør, men friskt med litt vind og snøflak innimellom. På returen var det varmare, og haustfargane kom betre til syne. Turar kan bli fine, sjølv om sola ikkje strålar. Det gir variasjon å opphalde seg i haustfjellet med litt nysnø på toppane, når kontrastane i naturen kjem fram, og ein kjenner på elementa. Vi gikk til toppen, og så nokre hundre meter vidare for fin utsikt ned til gardane øvst i Øye.

Map    

Tjønnholstinden og Tjønnholsoksle

Date:
01.09.2018
Characteristic:
Alpine trip
Distance:
32.0km

Då var tida kommen for ein skikkeleg langtur. Gikk frå Heimdalsmunnen og innover lyng- og myrområde i sikte litt til venstre for toppen Raudhamran. Ei grei rute. Over skaret og nedover trakk i fjellsida med tangering nede ved Leirungsåe ved omlag 1300 moh. I området like før der breelva under Munken kjem ned, kom vi oss over elva, via ei sandsteinøy. Om lag 800 meter på andre sida av dalen, tok vi opp på høgre sida av Tjørnholsbekken. Planla å krysse elva etter vel hundre høgdemeter, og skrå opp ein liten dal. Bekken var såpass stor at vi valde å halde fram opp til flata ved vatnet. Så ca. 90 garder i vestleg retning, og sikte litt under breen. Greitt å følgje ryggen opp til toppunktet på Tjønnholsoksle. Vi brukte litt under 6 timar (kl 14:40) til Tjønnholsoksle, medrekna >>>

Map    

Høgronden travers

Date:
03.08.2018
Characteristic:
Alpine trip
Distance:
24.4km

Rondane travers i dag. For ei oppleving å vandre til, og over så mektige fjell. Vi brukte 12 timar, og var godt slitne då vi nådde Dørålseter litt over kl. 19. Dagen før hadde vi parkert bubilen ved turisthytta Nedre Dørålseter. Vi fekk orkesterplass til det vakre panoramaet. Vi tilbaud betaling for parkering og lading. Svaret var at vi kunne stå der gratis, og lading av mobilar og klokker, ville dei heller ikkje ha betalt for. For ein sørvis. Vi kvitterte med å handle litt hjå dei. Turen innover dalen gav opplevingar heile vegen. Frå dødisgropene, dei enorme sandhaugane, morenen, og fjella. Seinstablar i ulik form og fasong. Under vegs kom vi i prat med eit ung tysk par, som hadde tenkt seg på Høgronden. Dei var litt usikre i starten, om dei var på rett veg. Ca. 20 min. frå >>>

Map    

Langeskavltinden

Date:
29.07.2018
Characteristic:
Alpine trip
Distance:
21.5km

Nydeleg fjelltur saman med eldste sonen i dag. Vi byrja å gå nokre hundre meter forbi Tyinholmen. Følgde ruta mot Skogadalssbøen. Då vi tok av litt før stidelet Fondsbu/Tyinholmen, skar vi litt til høgre, og fann ei fin rute mot Rusteggi. Opp mot egga var det både på lag sti og noko varda. Eg var spent på denne toppen, då fleire har omtala turen som litt kjedelig. Dette grunna mykje steinørken, og lang anmarsj der mykje av ruta ligg over 1700 moh. Rett nok var det mykje stein, og litt kronglete terreng oppå Langeskavlen. Men for meg var alle inntrykka undervegs svært vakre. Slik at denne turen får terningkast 5 av meg. Særleg var toppane omkring svært fine på turen mot toppen. Hurrungane vart råma inn av andre vakre toppar. Så får ein jo breane så tett på seg på denne >>>

Map    

Nesatindane

Date:
26.07.2018
Characteristic:
Hike
Distance:
10.2km

Tur til Kjerag ved Nestindane og Kjeragbolten.

Map    

Slettmarkkampen

Date:
22.07.2018
Characteristic:
Hike
Distance:
24.6km

Fin tur i varmt sommarvèr til Slettmarkkampen med Marita i dag. Ruta frå Eidsbugarden langs Bygdin er utruleg vakker, med nydeleg blomsterprakt. På tur ein har planlagt langt og høgt, så kan det opplevast som litt kjedeleg transport-etappe. Særleg på returen. Fint var det i alle fall. Vi følgde ruta mot Gjendebu, og tok så av ruta inn Uksedalen, som er merka mot Torfinnsbu. Så var det å passere elva, og sikte seg inn på skaret der elvane kjem ned i retning nordaust. Opp her er det temmeleg brattlendt, særleg frå 1600 m.o.h. Vi valde ei rute til venstre for dei to elvane opp. Det var trakk, og lett å finne ruta. I regnvèr, ville eg vore noko skeptisk eit par plassar. Nedatt valde vi ei rute der vi kryssa elva. Dette av meir nysgjerrigheit. Vi kom fint ned her og. Frå 1700 meter >>>

Map    

Bermålsnosi

Date:
07.07.2018
Characteristic:
Hike
Distance:
19.9km

Tur frå Fodnes, via Aspevikstølen. Vidare til Storeskar, så Vierskardshøgdene, og fjellet utover til Bermålsnosi. Dette fjellet ligg fint i synet når ein tek ferja frå Mannheller til Fodnes. I dag var vi ei lita intim gruppe i Lærdal turlag, som var heldige å ta denne vakre turen. Utsikta når ein går fjellryggen frå Storeskar og utover mot Bermålsnosi er formidabel. Bleia/Lemeggi, fjordlandskapet, med Sognefjorden utover, med Lusterfjorden innover, og alle fjella rundt. Dramatiske Hurrungane, snille Offerdalen, sikt til Årdalstangen og Årdalsvatnet. Nydeleg innover mot Raudbergnuten, Berdalseken, og Suletinden. Veldig flott utsikt mot Høganos, og Store Hånosi i Lærdal. Dette er fin-fin tur på ein godversdag :)

Map    

Syndarhovd

Date:
05.06.2018
Characteristic:
Hillwalk
Distance:
14.6km

Ettermiddagstur inn Volldalen, til stølen Botn. Sauer på beite. Vidare innover fjellet i jamn stigning. Fann noken trakk, og etter kvart ei fin rute til Volldalsnosi. Følgde så høgaste toppane bortover til Syndarhovd. Flott utsikt heile vegen. Gikk ut fjellet Syndarhovd, og ringa tilbake til ruta opp. Eg prøver å gå naturlege drag i fjellet, for å få utsikt, og ei fin rute. Ikkje alltid at kortaste vegen er finast eller mest effektiv. Nydeleg i fjellet i dag :) Fantastisk flott varde på Syndarhovd. Skulle gjerne vist meir om historia bak alle desse vardane. Nydeleg steinarbeid.

Map    

Gravehovdane

Date:
27.05.2018
Characteristic:
Hillwalk
Distance:
16.4km

Ein fantastisk tur i Lærdalsfjedli. Starta ved Grimsøyn ca. 350 moh. Sol og varmt, men greitt å gå stigninga opp til Areberg, (ca. 940 moh.) som vesentleg er på sti i tett skog. På Areberg er det ei flott steinbu med oransje mosefarge på. Og utsikta inn mektige Nesdalen er maiestetisk. Vidare følde eg nokon trakk. Tenkte å gå ganske rett på, og fann eit fint mose- og lyngfar rimeleg rett opp. Gikk på erfaring og innebygd terrengforståing. Sjekka appen innimellom ;) Mykje bratt oppover. Innom nokre snøbruer frå 1400 moh. Det som overraska mest i dag, er at snøen er borte, og vi skriv 27. mai. Oppå fjellplatået Gravehovdane, som ligg mellom 1500 og 1582, finst ikkje snø. Det er vakkert grønt :). På toppen vart det noko fotografering. Mest av alt var det berre å sjå, og nyte >>>

Map    

Storehaugen

Date:
24.03.2018
Characteristic:
Hike
Distance:
6.0km

Årets fyrste tur til Storehaugen i Lærdal. Dette er traséen til motbakkeløpet "Storehaugenopp.com". Snøtrasé vesentleg frå Svinakleivi og opp. Noko is innimellom frå Hardasiglet. Nytta snøkjetting på deler av turen. Mykje snø oppi, og vakker utsikt som alltid. Fyrste gong eg registrerer denne lokale toppen på Peakbook.

Map