Kristine har investert i nye randoneeski, og vi ønska å teste dei ut. Det var meld om godvêr aust i Jotunheimen på laurdag, så vi tok ein dagstur. Vi køyrde frå Gausdal litt over åtte, og gjekk i veg frå Hulderstigen parkering klokka 11.00. Vi gjekk omtrent same tur for to år sida, den gongen såg vi ingen andre, nå var det mange folk på tur til Nautgardstinden. Ved start var vi ikkje sikre om vi ville på Nautgardstind eller Stornubben, eller båe. Vi fann ut at Nautgardstind vart hovudmålet. Oppe på toppen var vi ganske slitne, Kristine hadde første tur nokon gong på randonne, og eg gjekk på telemarkski for første gong på tre år. I tillegg kom det eit valdsamt styggvêr innover frå aust mot Stornubben. Dermed vart Nautgardstind einaste topp denne gong, det vart likevel ein flott tur i fint vêr.
Benutzerkommentare