Archiv - Nach Datum

Archiv - Nach Aktivität

Peakbookfreunde

HHauser
HHauser
Trollfare
Trollfare
Eikås
Eikås
Sunset
Sunset
Irva
Irva

Gesammelte Listen

Alle gesammelten Listen zeigen

Facebook

Grøneheia og Silanipa

Datum:
19.05.2024
Tourcharakter:
Bergtour
Tourlänge:
5:45h
Entfernung:
17,3km

Rundtur frå rasteplassen i Eikefjord. Gjekk mot Urarabben og vidare mot Knapstadstølane. Derfrå tok eg nesten samme ruta opp til Grøneheia. det var noko merkt, men ikkje nok til at det var enkelt å følge den merka ruta. Men eg kom opp uansett. Fann ut at eg ville ta ein tur til Silanipa ettersom eg hadde høyrt at det skulle være ein fin topp. Prøvde å hugse ruta eg gjekk første gongen eg var til Grøneheia, så det blei litt leiting etter ein god veg ned. Traff greitt på den merkte stien mot Silanipa etter at eg hadde komme ned. Og det var ikkje feil at det var fin utsikt derfrå. Eg tok sikte mot Knollane og prøved å halde meg litt i høgda. Der var det relativt lettgått og fint å gå. Flott panoramautsikt frå Knollane. Derfrå var det merkt sti ned til Eikefjordstøylen. >>>

Karte    

Middagsfjellet og Sandalsfjellet

Datum:
18.05.2024
Tourcharakter:
Bergtour
Tourlänge:
4:25h
Entfernung:
13,8km

Starta frå Trinta og fulgte stien opp Sveigen og deretter vidare opp til Middagsfjellet. vindfullt på turen og ikkje så fint som i går, men overkommelig med ei vindjakke. Ein liten stopp på Middagsfjellet for å ta bilder, så vidare til Sanddalsfjellet for ein liten stopp. Der kom det to på randoneski og eg konkluderte med at kontrasten var ganske stor ettersom eg kom med lave hikingsko. Tok sikte ned mot Støylsfjellet og vidare ned til Gjesdalsvatnet. Testa ut vatnet der og fann det rimelig kaldt og forfriskande. Det er ein flott badeplass med tanke på fin sandbunn. Etter badestoppet var det ned mot Søstestølen og vidare via Gjesdalsstølen og Trinta. På vegen nedover hadde eg ein liten stopp på Knolten då eg først var i gang.

Karte    

Hafstadfjellet 17.mai

Datum:
17.05.2024
Tourcharakter:
Bergtour
Tourlänge:
1:30h
Entfernung:
6,2km

Ettersom ungane er vaksne, så har eg nesten gjort det til ein tradisjon å ha ein tur ein eller annan topp i Førde før bunaden skal på og festen kan starte. Årets salutt i Førde var litt av det heftigaste laget. Heile huset rista første gangen. og gang nr 2 rista det enda meir. Dersom det var nokon i byggefeltet som ikkje var våken før, så vakna dei i alle fall kl 7.00. Flott og vindstille og fin temperatur ved Bekkjavatnet denne dagen. Tørt og fint i stien heilt opp. Ein liten stopp for fotografering før returen til Bekkjavatnet. Der fann eg eit berg der eg heiv meg uti vatnet for ein dukkert. Veldig fint og forfriskande og ikkje så kaldt som eg hadde venta. Ein finfin start på dagen. Då var det berre heim å få på seg finstasen før turen til Førde for å få med seg litt >>>

Karte    

Steinkrossen

Datum:
15.05.2024
Tourcharakter:
Bergtour
Tourlänge:
1:48h
Entfernung:
6,6km

Tur med kollegaer ved Førde vgs. kvar veke er det lagt inn ein tur med Førde vgs. Denne gongen vart det Steinkrossen med innlagt pause for bading i Kringlevatnet. Eg må innrømme at eg var litt skeptisk då eg såg det framleis var litt is på vatnet, men eg kunne ikkje vere verre enn to av kollegaene mine, så eg hoppa i det. Ja, det var kaldt og ja, det var godt å komme oppatt etter å ha vore uti, spesielt ettersom sola skein. Flott å sitte på toppen og berre nyte utsikta og sola. Vi kunne endå til sjå platform på Gjøafeltet. Absolutt ein fin tur.

Karte    

Djupviknipa og Nordheia

Datum:
13.05.2024
Tourcharakter:
Bergtour
Tourlänge:
0:57h
Entfernung:
3,7km

Tur med mannen min. Parkeringsplassen var nesten full og det er omtrent ei folkevandring opp på Nordheia og Djupviknipa. Fint solskinn, men noko vindfullt.

Karte    

Viefjellet

Datum:
06.05.2024
Tourcharakter:
Bergtour
Tourlänge:
1:53h
Entfernung:
7,3km

Det var planlagt tur med jobben i dag, men av ein eller annan grunn var det ingen andre som blei med på tur. Sidan eg hadde satt av tid til turen, tok eg den like godt aleine. Litt vind i dag, men fint og relativt tørt heilt frå Soleide og opp til Viafjellvarden. Litt blautare vidare frå varden og opp til toppen. På veg nedatt traff eg ein kollega som var litt seint ute, men god og svett.

Karte    

Kvamsfjellet

Datum:
05.05.2024
Tourcharakter:
Bergtour
Tourlänge:
4:04h
Entfernung:
13,9km

Varden midt i Sunnfjord er ein av Indre Sunnfjord turlag sine mål i årets Titur. Så då blei det tur dit og vidare opp til Kvamsfjellet og ned på andre sida. Like greitt å gjere turen til ein rundtur når eg først er i gang. Har aldri prøvd ruta frå Gjesdalen før, så eg var litt spent på korleis den var i forhold til dei andre rutene eg har hatt. Eigentleg ganske fint å gå, sjølv om det var litt snø her og der. Litt meir snø frå Varden og opp til Kvamsfjellet og vidare over og ned til Skibakken. Brukte dei nye Merrell-skoa og dei fungerte godt i dag også. Turen over Kvamsfjellet er merkt med raude prikkar i tillegg er terrenget greitt å gå i. Flott dag å velje denne turen på med sol, trass i nokre snøfenner.

Karte    

Smådalsnipa

Datum:
04.05.2024
Tourcharakter:
Bergtour
Tourlänge:
2:17h
Entfernung:
8,7km

Ny dag med temperaturar over 20 grader. Hadde fått med meg at det gjekk an å gå på Smådalsnipa, sjølv med litt snø oppover. Flott å gå og ikkje så mykje vind. Er ikkje ofte vi kan gå i shorts og singlet i starten av mai. Brukte dei nye hikingskoa eg kjøpte førre veke og startar å bli vane med dei. Eg har vanlegvis valt Salomon kvart gong. Desse er gode og eg har aldri fått gnagsår av dei. Problemet er likevel at dei er litt smale og det går hol på sida av skoa. Denne gongen blei eg anbefalt Merrell. Desse er mykje meir romsleg på foten og det må nok gå litt tid før eg vert vane med dei, men eg reknar med det skal gå seg til. Det såg ut som det var litt snø oppover bakkane, men det var mindre enn det kunne sjå ut. Eg må innrømme at etter turen på Skogstadfjellet >>>

Karte    

Bolteheia

Datum:
03.05.2024
Tourcharakter:
Bergtour
Tourlänge:
2:01h
Entfernung:
6,6km

Etter å ha sett på finværet ein heil arbeidsdag, så var det først litt handling av blomster på Mo slik at vi kan få pynta opp litt rundt tunet. Bestemte så at eg kunne ta blomstrene seinare og heller ta ein tur på fjellet først. Det såg an til at Bolteheia ikkje hadde så mykje snø. Parkerte ved bommen og gjekk oppover lia. Og ganske riktig, det var ikkje mykje snø att. Nydeleg vær å gå i med over 20 grader, så var det godt med lett vind. Slike dagar må ein berre sette pris på. Nokre få snøfenner som eg kryssa utan problem. På returen sikta eg meg inn på stølshusa som ligg ved vegen. Sjølv om det ikkje er sti frå bommen, så er min konklusjon at det er den lettaste og kortaste ruta opp for oss som ikkje har lov å køyre opp til stølane ved Storevatnet.

Karte    

Uførefjellet

Datum:
01.05.2024
Tourcharakter:
Bergtour
Tourlänge:
1:30h
Entfernung:
5,9km

Fin tur med mannen i dag. Relativ tørt å gå.

Karte