Varaldsfoten, Stad, 397 moh

Datum:

18.06.2023

© Irene Lunde Fin rundtur i ytre: Honningsvågen. Vi følgde sti opp framsida frå Honningsvågen og opp på Varaldsfoten, ned att forbi vatna (Storevatnet) og Storebruna, så ned att sti på framsida og tilbake til utgangspunktet. Vi skjønte ikkje heilt kor namnet Storebruna kjem frå, men... Flott utsikt over Honningvågen og Vestkantplatået. Vi avslutta med iskaldt bad i havet i , så middag på Vestkapp. Dette var eigentleg sett opp som mogleg overnatting i ytre (med Stad gålag), med tur både laurdag og søndag. Ingen meldt si interesse, så då reiste eg og Elin utover på søndagen. Der fekk vi med oss Synnøve på turen.

Ytre Fannstøylen-Svartevatnet-Myrane-Eikås, Stad, ca. 700moh

Datum:

14.06.2023

© Irene Lunde Stad gålag hadde tur frå Stårheim til Kjølsdalen. 20 stk gjekk til Ytre Fannstøylen, opp stien over skaret mellom Lisjeblåfjellet og Høgegga, ned til Svartevatnet og vidare ned til Myrane og ned til Eikås. 3 stk bada i Svartevatnet. Vi hadde ein bil på enden av vegen (Eikås), som tok sjåførane tilbake til start... Myrane og Svartevatnet er T-turar i år. Endå ein tur med fint ver og god stemning!

Heggjadalen, Stad

Datum:

12.06.2023

Alsakersætra, Stad, 420 moh

Datum:

09.06.2023

© Irene Lunde Ny tur med elevar, denne gongen med 2.halva av 9.trinnet... Varmt og fint, så fleire nytta høvet til å bade i elva. Nokre av oss gjekk ned stien, i skogen, til Gildra naturmøteplass, medan andre blei att på sætra. Same rute opp/ned att. Møtte på hoggorm på skogsvegen tilbake..

Bjørnevatnet - Bjørnavasseten, Stad, 795 moh

Datum:

08.06.2023

© Irene Lunde Denne gongen var det 12 stk som var med gålaget på tur. Fint ver, men noko vind, særleg på toppen. Vi gjekk opp til Bjørnevatnet og vidare opp på venstre kanten, der det var sti oppover. Vi gjekk uten sti på slutten, opp på Bjørnavasseten. Frå kanten var det fin utsikt ned til Bjørnevatnet, og frå toppen av Bjørnavasseten til fjella rundt oss..

Bjørnevatnet, Stad, 433 moh

Datum:

04.06.2023

© Irene Lunde Tok ein tur over Stigedalen, for å sjekke ut ny turlagstur. Parkerte i oppkøyrsla til skogsvegen, ved Åreflotvatnet (på veg ned Stigedalsvegen). Gjekk først på skogsveg, deretter på sti opp til Bjørnevatnet. Varmt og godt, og kort tur opp til det idylliske fjellvatnet. Dette er og ein av T-turane til MNT for Eid 2023.

Alsakersætra, Stad, 420 moh

Datum:

02.06.2023

© Irene Lunde Tur med halve 9.trinnet. Fint ver, men litt kald vind på sætra... Kjekt å få betalt for å gå på skogstur :) Vi gjekk frå skulen, opp Hogeåsen, bort Hogeråsa til gapahuken, vidare bort og ned skogsvegen og opp til Alsakersætra. Nokre for vidare ned på Gildra, medan andre blei att på sætra. Same veg tilbake.

Branden, Stad, 708 moh

Datum:

01.06.2023

© Irene Lunde Gålaget på tur til Branden, 17 stk. Vi gjekk opp/ne skogsvegen frå Årskogvikja. På veg ned att var vi bortom gapahuken. Endå ein fin tur med gålaget, i bra ver, og med utsikt til Gloppen :)

Lynghaughornet- Håkonshallen, Stad,

Datum:

24.05.2023

© Irene Lunde Stad gålag, 4 stk, på tur på Flatraket. Vi starta frå parkeringa ved byggefeltet og opp sti til Lynghaughornet (Lyngahornet/Mehaugen). Det var fint ver då vi starta, så regn, hagl og vind, så vart det fint att... Godt merka sti opp og vidare ned/bort/opp til Håkonshallen, ein ruin frå krigens dagar, som liknar på Håkonsheallen i Bergen... Nedatt gjekk vi på sti ned ein dal (langs Storehaugen), til vi kom ned på vegen som går innover Flatraksdalen. Vi gjekk på vegen ned att til parkeringa. Fin tur med svært varierande ver!

Flistrahornet, Stad, 637 moh

Datum:

18.05.2023

© Irene Lunde Eg og Elin hadde oss ei ny runde for å sjekke ut tur til gålaget. Då vi kom til Flistra (Øyra), såg vi fort at denne turen ville bli for lang som gålagstur (kveldstur), men vi gjekk sjølvsagt turen. Det bles kraftig på toppen, så vi droppa å gå ned på utsiktspunktet, men snudde ved varden på høgaste punktet... På veg ned att, sklei Elin, så ho trakka over. Heldigvis hadde eg med stavar, så ho kom seg greitt ned att. Men foten var ikkje god ei tid framover etterpå... Vi køyrde litt rundt i området før turen, og kom fram til kvar vi skulle ta gålagsturen veka etterpå: Lynghaughornet.